பெயருக்காகப் போராடும் மாசிடோனியா! | Name problem of Macedonia country - Junior Vikatan | ஜூனியர் விகடன்

வெளியிடப்பட்ட நேரம்: 06:00 (30/01/2019)

பெயருக்காகப் போராடும் மாசிடோனியா!

பெயரே இல்லாமல் தவிக்கும் ஒரு தேசத்தை அறிவீர்களா? சுதந்திரம் அடைந்ததற்குப் பிறகு, புதிய தேசத்துக்குப் பெயர் சூட்டுவதில் எழுந்தப் பிரச்னையால், விடுதலை அடைந்து 28 ஆண்டுகளாகியும் அதிகாரப்பூர்வமானப் பெயர் இல்லாமல் தவிக்கிறது ‘முன்னாள் யுகோஸ்லாவிய குடியரசு மாசிடோனியா’! 

யுகோஸ்லாவிய குடியரசிலிருந்து 1991-ம் ஆண்டு பிரிந்து, சுதந்திரத் தேசமாக மாறியது மாசிடோனியா (இப்போதைக்கு நாம் அப்படி அழைப்போம்). இதற்கு அருகில் இருக்கும் நாடான கிரீஸின் வடக்கு மாகாணத்தின் பெயரும் மாசிடோனியாதான். தவிர, நமக்கு சிந்துச் சமவெளி நாகரிகம் எப்படியோ, அப்படி கிரேக்கத்துக்கு ‘மாசிடோனியா’ பெருமைமிக்க புராதன நாகரிகம். மேலும், மாசிடோனியாவின் பெரும்பான்மை மக்கள் ஸ்லோவிக் இனத்தவர்தான். மேற்கண்ட காரணங்களால் இந்தப் பெயரை விட்டுத்தர முடியாது என்று மல்லுக்கட்டுகிறது கிரீஸ். அதேசமயம், ‘எங்கள் மண்ணின் உண்மையான பெயரான மாசிடோனியா என்பதை மாற்ற முடியாது’ என்று கடந்த 28 ஆண்டுகளாகப் போராடிவருகின்றனர் மாசிடோனிய மக்கள். இடையே இந்தப் பிரச்னைக்குப் பஞ்சாயத்து செய்த ஐ.நா சபை, இந்தத் தேசத்துக்கு தற்காலிகமாக ‘முன்னாள் யுகோஸ்லாவிய குடியரசு மாசிடோனியா’ என்று பெயரிட்டது. ஆனால், செல்லாது செல்லாது என்று சொல்லிவிட்டார்கள் மாசிடோனிய மக்கள். மாவீரன் அலெக்ஸாண்டர் பிறந்த மண்ணில் தொடரும் இந்தப் போராட்டத்தை, இரண்டாம் ‘கிரேக்கப் போர்’ என்று வர்ணிக்கிறார்கள் சர்வதேச அரசியல் பார்வையாளர்கள்.

நீங்க எப்படி பீல் பண்றீங்க