ஊழலுக்குத் துணைபோகிறதா ஊழல் கண்காணிப்புத் துறை? | Greater Chennai Corporation scam issue - Junior Vikatan | ஜூனியர் விகடன்

வெளியிடப்பட்ட நேரம்: 06:00 (30/01/2019)

ஊழலுக்குத் துணைபோகிறதா ஊழல் கண்காணிப்புத் துறை?

விழிபிதுங்கும் சென்னை மாநகராட்சி...

சென்னை மாநகராட்சியில் ஊழலை ஒழிக்க வேண்டிய ஊழல் கண்காணிப்புத் துறையே ஊழலுக்குத் துணைப்போவதாகப் புகார்கள் எழுந்துள்ளன. இதனால், அடிக்கடி நீதிமன்றத்திடம் மாட்டி சென்னை மாநகராட்சி அதிகாரிகள் விழி பிதுங்குகின்றனர். “ஊழலை ஒழிக்காத லஞ்ச ஒழிப்புத்துறை சென்னை மாநகராட்சியில் எதற்கு?” என்று உயர் நீதிமன்றமே சமீபத்தில் கேள்வி எழுப்பியது. அந்த அளவுக்கு சென்னை மாநகராட்சியில் ஊழல் கண்காணிப்புத் துறைச் செயலற்றுக்கிடப்பதாகச் சொல்கிறார்கள்.

 சென்னை ஷெனாய் நகரில் வசிக்கும் லட்சுமி என்பவர், தன் வீட்டின் முன்புறம் உள்ள மாநகராட்சி நிலத்தை ஆக்கிரமித்துத் தனியார் வைத்திருந்த ஜெனரேட்டரை அகற்றக்கோரி, சென்னை மாநகராட்சியில் கடந்த ஆண்டு புகார் அளித்தார். எந்த நடவடிக்கையும் எடுக்காததால், சென்னை உயர் நீதிமன்றத்தில் வழக்கு தொடர்ந்தார் லட்சுமி.

வழக்கை விசாரித்த நீதிமன்றம், “ஊழலில் திளைக்கும் அதிகாரிகள்மீது மாநகராட்சி லஞ்ச ஒழிப்பு போலீஸார் உருப்படியான நடவடிக்கை எடுக்கவில்லை. இவர்களும் குற்றவாளிகளுடன் கைகோத்துள்ளனரோ என்ற சந்தேகம் ஏற்பட்டுள்ளது. ஊழல் கண்காணிப்புத்துறை அதிகாரி முதல் கடைநிலை போலீஸ்காரர் வரை அனைவரையும் கூண்டோடு இடமாற்ற வேண்டும். தமிழக டி.ஜி.பி-யுடன் கலந்தாலோசித்து, புதிய அதிகாரிகளை ஊழல் கண்காணிப்புப் பிரிவுக்கு நியமிக்கவேண்டும். மாநகராட்சி அதிகாரிகளின் சொத்து விவரங்கள், ஊழல் கண்காணிப்புப் பிரிவின் செயல்பாடுகள் குறித்த அறிக்கையை மாநகராட்சி ஆணையர் தாக்கல் செய்ய வேண்டும்” என உத்தரவிட்டது.

ஆனால், இந்த உத்தரவை எதிர்த்து உயர் நீதிமன்றத்தில் மேல்முறையீடு செய்ததுடன், அந்த உத்தரவுக்கு இடைக்காலத்தடையும் பெற்றிருக்கிறது மாநகராட்சி தரப்பு. இதைத் தொடர்ந்து, மாநகராட்சியின் செயல்பாடுகள் தொடர்பான அறிக்கையை வரும் பிப்ரவரி 24-க்குள் தாக்கல் செய்யும்படியும் நீதிமன்றம் கூறி உள்ளது. இந்தச் சூழலில்தான், சென்னை மாநகராட்சி லஞ்ச ஒழிப்புத்துறையின் செயல்பாடுகள் குறித்து விசாரித்தோம்.