கழுகார் பதில்கள்! | Kazhugar Questions And Answers - Junior Vikatan | ஜூனியர் விகடன்

வெளியிடப்பட்ட நேரம்: 06:00 (30/01/2019)

கழுகார் பதில்கள்!

@கிணற்றுத்தவளை, புதுக்கோட்டை.
மிகப்பெரிய கிரேக்கக் குதிரையின் இறக்கைகளைப் பார்த்துவிட்டு, கல்லறைக் கரையில் (மெரினா) நின்றபடிக் கேட்கிறேன், ‘முதல் நபரையே குற்றவாளியாகக் கருதமுடியாது’ என்று தீர்ப்பு வழங்கப்பட்ட பிறகு, இரண்டாம் நபரான சசிகலாவையும் விடுதலை செய்துவிட வேண்டியதுதானே?


சட்டம் மட்டுமல்ல, நீதியும்கூட ஓர் இருட்டறையோ என்கிற சந்தேகம் எழத்தான் செய்கிறது. ஜெயலலிதா உள்ளிட்டோர் குற்றவாளிகள் அல்ல என்று கர்நாடக உயர் நீதிமன்ற நீதிபதி குமாரசாமி விடுதலை செய்தார். அடுத்த நிமிடமே நிரபராதிகள் என்றாகிவிட்டனர். ஆனால், உச்ச நீதிமன்றத்தில் மேல்முறையீடு செய்யப்பட்டது. அந்த நிமிடமே, குற்றப்பத்திரிகை மற்றும் சிறப்பு நீதிமன்ற நீதிபதி மைக்கேல் டி. குன்ஹாவின் தீர்ப்புக்கும் உயிர் வந்துவிடுகிறது. பழையபடி குற்றச்சாட்டில் சிக்கியவர்களாகிவிடுகிறார்கள். அப்போது, ஜெயலலிதா உயிருடன்தான் இருந்தார். உச்ச நீதிமன்ற விசாரணைகள், வாதப்பிரதிவாதங்கள் எல்லாமும்கூட முடிந்துவிட்டன. தீர்ப்பு மட்டுமே பாக்கி என்கிற நிலையில்தான் ஜெயலலிதா உயிரிழந்தார். இத்தகைய சூழலில், ஒருவர் உயிருடன் இல்லை என்பதற்காக மட்டுமே ‘குற்றவாளி இல்லை’ என்று தீர்ப்பு எழுதுவது எப்படிச் சரியாக இருக்க முடியும் என்று தெரியவில்லை. வழக்கில் முதல் குற்றவாளியாகக் காட்டப்பட்டவரே ஜெயலலிதாதான். அவரே குற்றவாளி இல்லையென்றால், மற்றவர்கள் என்கிற உங்களுடைய கேள்வியில் உலக நியாயம் இருக்கவே செய்கிறது!

நீங்க எப்படி பீல் பண்றீங்க