கழுகார் பதில்கள்! | Kazhugar Questions And Answers - Junior Vikatan | ஜூனியர் விகடன்

வெளியிடப்பட்ட நேரம்: 06:00 (02/02/2019)

கழுகார் பதில்கள்!

டி.சி. இமானுவேல், மயிலாடுதுறை.
‘தமிழகத்தில் ஆட்சி மாற்றம் ஏற்படும்’ என்று மு.க.ஸ்டாலின் அடிக்கடி கூறிவருகிறாரே. இந்தப் பகல் கனவு எப்போது கலையும்?


அவரிடம் மாற்றம் வந்தால்!

@காட்டாவூர் இலக்கியன், செங்குன்றம், சென்னை 52.
பணம் சம்பாதிப்பதற்கென்றே உருவாக்கப்பட்டிருக்கும் இந்தக் கல்வி முறையை மாற்றி, சமூகம் சார்ந்த கல்வியைக் கொண்டுவந்தால் நல்ல சமூகம் உருவாக வாய்ப்பு இருக்கிறதுதானே?


நிச்சயமாக! கண்முன்னே இருந்த வாய்ப்புதானே அது. பல ஆயிரம் ஆண்டுகளாக முன்னோர்களால் முன்னெடுக்கப்பட்ட முயற்சியும் அதுதானே. திருக்குறள் உள்ளிட்ட தமிழ் நூல்கள்போல, உலக அளவிலான நீதி நூல்களும் நல்ல சமூகம் அமைவதை நோக்கி நம்மை வழிநடத்தத்தானே எழுதப்பட்டன. ஆனால், ‘வெண்ணெய் திரண்டு வரும்போது தாழியை உடைத்த கதை’யாக கடந்த 40, 50 ஆண்டுகளில் அனைத்தையும் குட்டிச்சுவராக்கிவிட்டோம். புற்றீசல்களாக முளைத்து நிற்கும் இன்றைய கல்வி நிறுவனங்களால், சமூக அநீதிதான் பெருகிக் கொண்டே இருக்கிறது. நீதிபோதனை, கதையாடல், விளையாட்டு, ஓவியம், கைத்திறன் பயிற்சி போன்ற எல்லா வகுப்புகளையும் காலி செய்துவிட்டு, புத்தகப் புழுக்களாக மட்டுமே அல்லவா உருவாக்கிக் கொண்டிருக்கிறோம்!

நீங்க எப்படி பீல் பண்றீங்க