ஒரு நதி... 50 நாட்கள்... 25 கோடி மனிதர்கள்! - உற்சாகம் பொங்கும் கும்பமேளா | Kumbh Mela festival - Junior Vikatan | ஜூனியர் விகடன்
கமிஷனுக்காக கலங்கடித்தாரா பால்வளத்துறை அமைச்சர் ராஜேந்திர பாலாஜி?

வெளியிடப்பட்ட நேரம்: 06:00 (20/02/2019)

ஒரு நதி... 50 நாட்கள்... 25 கோடி மனிதர்கள்! - உற்சாகம் பொங்கும் கும்பமேளா

- ஸ்ரீகுமார் பாலகிருஷ்ணன்

பிரயாக்ராஜ் நகரம், அங்கு ஓடும் நதியைப் போலவே மனிதர்களால் நிரம்பிவழிகிறது. ஆறு ஆண்டுகளுக்கு ஒருமுறை நடக்கும் ‘அர்த் கும்பமேளா’ தைப்பொங்கல் திருநாளில் தொடங்கி, மார்ச் 5-ம் தேதி மகாசிவராத்திரி அன்றுடன் நிறைவுபெறுகிறது.

உத்தரப் பிரதேச மாநிலத் தலைநகர் லக்னோவிலிருந்து 200 கி.மீ தொலைவில் இருக்கும் பிரயாக்ராஜ், தூங்கா நகரமாகவே மாறியிருக்கிறது. வெய்யில் ‘சுள்’ளென்று அடித்தாலும், உடல் உணர மறுக்கும் அளவுக்கு ‘சில்’லென்று குளிர்ச்சியும் இருக்கிறது. இரவில் 9 டிகிரி செல்சியஸுக்கு செல்லும் குளிர், மெல்லிய காற்றுடன் வருடிச் செல்லும் சுகம் அலாதியானது.

வட மாநிலங்களிலிருந்து ஏராளமானோர் குழந்தை குட்டிகளுடன், குடும்பம் குடும்பமாக வந்த வண்ணம் இருக்கிறார்கள். வெளிநாட்டினரையும் அதிகமாகப் பார்க்க முடிகிறது. கும்பமேளா நடைபெறும் நதியோரத்துக்கு, 5 கி.மீ நடந்தே செல்ல வேண்டும். ஆனாலும், பாவங்கள் தொலைந்து புண்ணியம் கிடைக்குமென்ற நம்பிக்கையுடன், மூட்டை முடிச்சுகளுடன் நதியை நோக்கி நகர்ந்து கொண்டிருக்கின்றனர். கங்கை, யமுனை, சரஸ்வதி என்ற மூன்று ஆறுகள் சங்கமிக்கும் இந்த நதியின் கரையில்தான், சில ஆயிரக்கணக்கான சதுர அடிப் பரப்பளவில் 5,000-க்கும் மேற்பட்ட குடில்கள் (டென்ட்) அரசு, தனியார் நிறுவனங்கள், இந்து அமைப்புகள், ஐந்து நட்சத்திர ஹோட்டல்கள் எனப் பலராலும் அமைக்கப் பட்டுள்ளன. சில நூறு ரூபாய் தொடங்கி, பல ஆயிரம் ரூபாய் என வாடகை உயர்கிறது. இலவசக் குடில்களும் உண்டு. பல அமைப்புகள் உணவை இலவசமாக வழங்குகின்றன. 24 மணி நேரமும் உணவு கிடைக்கிறது.

[X] Close

[X] Close