சரவெடி சர்ச்சைகள்... அதிரடி மனிதர்கள்! | Controversy incidents - Junior Vikatan | ஜூனியர் விகடன்

வெளியிடப்பட்ட நேரம்: 06:00 (23/02/2019)

சரவெடி சர்ச்சைகள்... அதிரடி மனிதர்கள்!

படங்கள்: சு.குமலு

முன்பெல்லாம் எப்போதாவது, யாராவது, ஏதோ ஒரு சர்ச்சைக்குரிய கருத்தைச்சொல்லிச் சிக்கலில் மாட்டிக்கொண்ட காலம்போய், இன்று குறிப்பிட்ட சிலரே தொடர்ந்து சர்ச்சைக்குரிய கருத்துகளை அடுத்தடுத்து சொல்லி, பிரபலமாகிவருகின்றனர். அப்படி, சமீபத்தில் சர்ச்சையில் சிக்கிய பிரபலங்களை இங்கே பார்ப்போம்.

தமிழகத்தைப் பொறுத்தவரை பி.ஜே.பி-யின் தேசியச் செயலாளரான ஹெச்.ராஜா பெரியார் சிலை, காஷ்மீர் சிறுமி, மாநிலங்களவை உறுப்பினர் கனிமொழி விவகாரம், நீதிமன்றம் மற்றும் காவல் துறை உள்ளிட்ட விஷயங்களில் தவறாகப் பேசி சர்ச்சையில் சிக்கினார்.  நடிகரும், பி.ஜே.பி உறுப்பினருமான எஸ்.வி.சேகர், தனது முகநூல் பக்கத்தில் பெண் நிருபர்கள் பற்றி மிகவும் தவறான கருத்தைப் பதிவிட்டிருந்தார். இவர்கள் ‘சர்ச்சை’ கருத்துகளால் சண்டையிட்டுக் கொண்டிருக்க, தூத்துக்குடி மாவட்ட பி.ஜே.பி மகளிரணிச் செயலாளர் நெல்லையம்மாள் ஒருபடி மேலேசென்று, திருச்செந்தூர் முருகன் கோயிலில் நோட்டீஸ் விநியோகம் செய்துகொண்டிருந்த, தேசியத் தென்னிந்திய நதிகள் இணைப்பு விவசாயிகள் சங்க மாநிலத் தலைவர் அய்யாகண்ணுவின் கன்னத்தில் ஓங்கி அறைந்து பரபரப்பை ஏற்படுத்தினார்.

கல்லூரி மாணவிகளைத் தவறான பாதைக்கு அழைத்ததாக உதவிப் பேராசிரியை நிர்மலா தேவி கைது செய்யப்பட்டார். இந்த விவகாரத்தில், தமிழக கவர்னர் பன்வாரிலால் புரோஹித் பெயரும் அடிபட்டதால், அந்தப் பிரச்னையும் தீயாகச் சர்ச்சையைக் கிளப்பியது. மேலும் அவர், பெண் பத்திரிகையாளர் ஒருவரைக் கன்னத்தில் தட்டியதும், தமிழகத்தில் ஆய்வுப் பணிகளை மேற்கொண்டதும் சர்ச்சையைக் கிளப்பியது.

வட மாநிலங்களிலும் சர்ச்சைகளில் சிக்கிய ஆட்களுக்குப் பஞ்சம் இல்லை. மேகாலயா மாநில முன்னாள் கவர்னர் சண்முகநாதன்மீதும், மத்திய அமைச்சராக இருந்த எம்.ஜே.அக்பர்மீதும் பாலியல் தொடர்பான சர்ச்சை எழுந்ததால், அவர்கள் இருவரும் ராஜினாமா செய்தனர். அதேபோல், ‘அரசு நிர்வாகத்தில் தலையீடு; அதிகாரம் செலுத்துதல்; கணவர் அடித்தால் திருப்பித் தாக்கச் சொல்லும் பேச்சு’ உள்ளிட்ட பல விவகாரங்களில் புதுச்சேரி கவர்னரான கிரண்பேடிமீதும் சர்ச்சைகள் எழுந்தன.

நீங்க எப்படி பீல் பண்றீங்க

[X] Close

[X] Close