சமூகநலத் திட்டங்களின் ‘சாம்பியன்’ தமிழ்நாடு! | Tamil Nadu is best for Social Welfare Schemes - Junior Vikatan | ஜூனியர் விகடன்

வெளியிடப்பட்ட நேரம்: 06:00 (23/02/2019)

சமூகநலத் திட்டங்களின் ‘சாம்பியன்’ தமிழ்நாடு!

- சக்திவேல், ஓவியம்: கார்த்திகேயன் மேடி

“இலவசங்களையும், நலத்திட்டங்களையும் இழிவாகப் பார்க்கும் போக்கு, இங்கே பரப்பப்பட்டு வருகிறது. ‘நலத்திட்டங்கள் மக்களை ஏமாற்றும் நாடகம், அவை மக்களை மந்தப்படுத்தும் செயல்’ என்று கோபப்படுகிறார்கள். பக்குவமற்ற அரசியல் பார்வை இது. இலவசங்கள் இல்லாமையைப் போக்குவதும், நலத்திட்டங்கள் சாமான்யர்களைச் சமதளத்தை நோக்கி நகர்த்தி வருவதும் இவர்களுக்குப் புரிவதில்லை அல்லது புரிந்துகொள்ள இவர்கள் முயல்வது இல்லை.

படைப்புச் சுதந்திரம் பொறுப்பு உணர்வு எனும் அச்சிலிருந்து விலகுவதால் ஏற்படும் விளைவுகளை, கண்முன் காட்டியது ‘சர்கார்’ திரைப்படம். அந்தப் படத்தில் வாக்குரிமை பற்றிக் காட்டப்பட்ட காட்சிகளைவிட, இலவசப் பொருட்களை எரிக்கும் காட்சியே ரசிகர்களைச் சென்றுசேர்ந்தன. அதன் தாக்கத்தில் இலவச டி.வி-க்களையும், மின்விசிறிகளையும் தூக்கியெறிந்தனர் சில ஆர்வக்கோளாறு ஆசாமிகள். இப்படிப்பட்ட சமூகத்தில் எவ்வளவு கவனமாக இருக்க வேண்டும்? ஏனென்றால், ரசிகன் என்பவன் வெறும் ரசிகன் மட்டுமல்ல. அவன் குடிமகனும்கூட. அவனிடம் அடிப்படையற்ற அரசியலை விதைப்பது, விபரீத விளைவுகளையே உருவாக்கும். ‘சர்கார்’ மாதிரியான அரசியலற்ற அரசியல் படங்கள் அதிகரிப்பது ஆபத்தானதாகத் தெரிகிறது.

சரி... இலவசம் இழிவா? இல்லாமையை அனுபவித்தவர் வாயிலிருந்து, இலவசம் இழிவு என்ற வார்த்தை வராது. உண்ண உணவற்ற, உடுத்த உடையற்ற, இருக்க வீடற்ற மக்கள் வாழும் தேசத்தில், இலவசங்களை இழிவென காட்டுவது அறமற்ற செயல். சமூகத்தைப் பார்க்காமல், சமூக வலைதளங்களை மட்டுமே பார்ப்பதால், வருகின்ற நோய் இது. சென்ட்ரல் பில்டிங்கைக் கண்டு மெய்சிலிர்த்து, ‘வெள்ளைக்காரனே ஆண்டிருக்கலாம்’ என்று அந்நிய ஆதிக்கத்தை ஆதரிப்போரும், ‘எமர்ஜென்ஸியின்போது ரயிலெல்லாம் சரியான நேரத்துக்கு வந்தது’ என்று சர்வாதிகாரத்தை ஆதரிப்போரும் இங்கே இருக்கிறார்கள். சமூக வலைதளங்களில் அவ்வகை கருத்துகளை அதிகமாகவே பார்க்கலாம். அதற்காக, அதையெல்லாம் ஆதரித்துப் படம் எடுத்தால், நாடு தாங்குமா?

நீங்க எப்படி பீல் பண்றீங்க

[X] Close

[X] Close