எப்படி இருக்கிறார் கரகாட்டக் கலைஞர் மோகனாம்பாள்? | Present position of Karakattam dancer Mohanambal - Junior Vikatan | ஜூனியர் விகடன்

வெளியிடப்பட்ட நேரம்: 06:00 (26/01/2019)

எப்படி இருக்கிறார் கரகாட்டக் கலைஞர் மோகனாம்பாள்?

‘‘மணம் முடிக்கவில்லை. குழந்தையைப் பெற்றெடுக்கவில்லை. ஆனால், கரகத்தை என் தலையில் சுமப்பதால், தாய்மையை உணர்கிறேன். செம்மரக் கடத்தல்காரர் என்று சொன்னார்கள். அந்த வலி இன்னும் போகவில்லை. தினம் தினம் அழுகிறேன்’’ - என்கிறார், மோகனாம்பாள். சில ஆண்டுகளுக்கு முன்பு தமிழகம், ஆந்திரம் என இரு மாநிலங்களை உலுக்கிய செம்மரக்கட்டைகள் கடத்தல் விவகாரத்தில் அடிபட்ட கரகாட்டக் கலைஞர் மோகனாம்பாள்தான் இவர். வேலூர் வசந்தபுரத்தில், தான் நடத்திவரும் பெட்டிக்கடையில் அமர்ந்திருந்த அவரிடம் பேசினோம்.

சிறிய முன் அறிமுகம். காட்பாடி தாராபடவேடு பகுதியில் மோகனாம்பாள் வீட்டில், 2014-ம் ஆண்டு போலீஸார் சோதனை நடத்தினர். நான்கு கோடி ரூபாய்க்கும் அதிகமான ரொக்கம், 73 பவுன் தங்க நகைகள் சிக்கின. செம்மரக் கடத்தலில் மோகனாம்பாளுக்கு தொடர்பு இருப்பதாகக் குற்றச்சாட்டுகள் எழுந்தன. வேலூர் நீதிமன்றத்தில் அவர் சரணடைந்தார். அவரின் அக்கா நிர்மலா, அக்கா மகன் சரவணன் ஆகியோருடன் சிறையில் அடைக்கப்பட்டார் மோகனாம்பாள். ‘கரகாட்டம் ஆடியது மற்றும் அதனால்  கிடைத்தப் பணத்தை வட்டிக்கு விட்டது, வீடு மற்றும் கடைகளைக் கட்டி வாடகைக்கு விட்டது போன்றவற்றால் இவ்வளவு பணம், நகைகளைச் சம்பாதித்தேன்’ என்று மோகனாம்பாள் நீதிமன்றத்தில் தெரிவித்தார். விசாரணைக்கும் ஒத்துழைப்பு கொடுத்தார். ஜாமீனில் வெளிவந்த மோகனாம்பாளுக்கு சிக்கல்கள் தொடர்ந்தன. அவரிடம் இருக்கும் பணம், நகைகளைப் பறிக்க ரவுடி கும்பல்கள் திட்டமிட்டன. அக்கா மகன் சரவணனை ரவுடி கும்பல் கடத்திச்சென்று கொன்றது.

நீதிமன்றம், காவல் நிலையம், சிறை என நான்கு ஆண்டுகளைக் கழித்த  மோகனாம்பாள், இப்போது மீண்டும் கரகாட்டம் ஆடுகிறார். அதுவும், வேலூரில் காவல் துறையினரின் பொங்கல் கொண்டாட்டத்தில், மோகனாம்பாள் கரகாட்டக் குழுவினரின் கலை நிகழ்ச்சிகள் நடைபெற்றன. அதைப் பலரும் ஆச்சர்யத்துடன் பார்த்தனர்.