மொபைலில் நிர்வாணப் படம்... அல்லாடும் அபலை பெண்! | Sexual abuse on girl in Cuddalore Srimushnam - Junior Vikatan | ஜூனியர் விகடன்

வெளியிடப்பட்ட நேரம்: 06:00 (01/05/2019)

மொபைலில் நிர்வாணப் படம்... அல்லாடும் அபலை பெண்!

ஓராண்டாக நீதி கேட்டு அலையும் அவலம்

டலூர் மாவட்டம், ஸ்ரீமுஷ்ணத்தில் ஒரு பெண்ணின் நிர்வாணப் படத்தை வைத்து பாலியல் தொந்தரவு கொடுத்து வருவதாக இளைஞர் ஒருவர்மீது குற்றச்சாட்டு எழுந்துள்ளது. காவல் நிலையத்தில் புகார் கொடுத்து, சம்பந்தப்பட்ட நபர் கைதுசெய்யப்பட்டு, ஜாமீனிலும் வெளியே வந்துவிட்டார். தற்போது அவர் மீண்டும் மிரட்டுவதாகப் பாதிக்கப்பட்ட பெண்ணின் குடும்பத்தினர் நம்மிடம் புகார் தெரிவித்திருக்கிறார்கள்.

கடலூர் மாவட்டம், ஸ்ரீமுஷ்ணம் நகரில் நீதி கேட்டுக் கடந்த ஓர் ஆண்டாக அலைந்து வருகிறார்கள் அந்தப் பெண்ணின் குடும்பத்தினர். அவர்களைச் சந்தித்தோம். பாதிக்கப்பட்ட பெண் சார்பாக நம்மிடம் பேசிய அந்தப் பெண்ணின் மைத்துனர், “நாங்கள் இந்த ஊர்ல அம்பது வருஷமா இருக்கோம். யார்கிட்டயும் எந்த வம்புக்கும் போனதில்லை.என் தம்பி மனைவி, பொதுநலம் சார்ந்த குழுவுல இருக்காங்க. அங்க வர்ற சாமிநாதன் என்பவர், ஒருதடவை, ‘போன்ல பேலன்ஸ் இல்லை’ன்னு சொல்லி என் மைத்துனியின் போனை வாங்கிப் பேசியிருக்கார். கணவருக்கு அனுப்புறதுக்காகத் தனக்குத்தானே எடுத்துக்கிட்ட சில அந்தரங்க போட்டோக்களை போன்ல வெச்சுருந்துருக்கார் என் மைத்துனி. அந்த போட்டோக்களை அவருக்குத் தெரியாம தன்னோட போனுக்கு அனுப்பிக்கிட்டார் சாமிநாதன்.