மிஸ்டர் கழுகு: கொந்தளித்த ராஜேந்திரபாலாஜி... கொளுத்திப்போட்ட தமிழிசை - எடப்பாடி பலே ஏற்பாடு | Mr.Kazhugu - Politics & Current affairs | ஜூனியர் விகடன்

வெளியிடப்பட்ட நேரம்: 06:00 (18/05/2019)

மிஸ்டர் கழுகு: கொந்தளித்த ராஜேந்திரபாலாஜி... கொளுத்திப்போட்ட தமிழிசை - எடப்பாடி பலே ஏற்பாடு

‘கல்லை மட்டும் கண்டால் கடவுள் தெரியாது...’ என்று பாடிக்கொண்டே வந்த கழுகாரின் கையில் சில்லென்று மோரைக்கொடுத்து, ‘‘கமல்ஹாசன் விவகாரத்தைத்தான் சொல்லப்போகிறீர் என்பது தெரிகிறது... இதில் தெரியாத ஒரு விஷயம், ‘கமல் பேச்சுக்கு அமைச்சர் ராஜேந்திரபாலாஜி ஏன் இவ்வளவு கொந்தளித்தார்?’ என்பதுதான்!’’ என்றோம்.

‘‘அவர் எங்கே கொந்தளித்தார்... அவரைக் கொந்தளிக்கச் சொன்னதே முதல்வர் எடப்பாடி பழனிசாமிதான் என்கிறார்கள். ‘இஸ்லாமிய சமூகத்துக்கு இணக்கமாகவும் இந்துக்களுக்கு எதிராகவும் கமல் இருக்கிறார்’ என்று ஒரு லாபியை செய்ய ராஜேந்திரபாலாஜி மூலம் இந்த மூவ் நடந்துள்ளது என்கிறார்கள். இடைத்தேர்தல் நடைபெறும் சட்டசபைத் தொகுதிகள் நான்கிலும் இந்து ஓட்டுகளை முழுமையாக அறுவடை செய்ய இதை வாய்ப்பாகப் பயன்படுத்திக் கொள்ள திட்டமாம். முதல்வர் எதிர்பார்த்த ரியாக்‌ஷன் கிடைத்ததில் எடப்பாடி தரப்புக்கு ஏக மகிழ்ச்சியாம்.’’

‘‘தமிழக பி.ஜே.பி தலைவரான தமிழிசை சௌந்திரராஜன், பி.ஜே.பி-யுடன் ஸ்டாலின் பேசுவதாக ஒரு குண்டை வீசி இருக்கிறாரே?’’

‘‘அவர் கொளுத்திப்போட்ட தீ வேகமாகப் பற்றி எரிந்தது. ‘இந்தச் சந்திப்பை உறுதி செய்தால், அரசியலைவிட்டே விலகத் தயார்’ என்று ஸ்டாலின் கொந்தளித்துவிட்டார். சந்திரசேகர ராவ் உடனான சந்திப்பு முடிந்த அடுத்த இரண்டு நாள்களில், இந்த விவகாரம் வெடித்ததில், தி.மு.க தரப்பு கொஞ்சம் ஆடித்தான் போய்விட்டது. இதற்குப் பின்னால், பி.ஜே.பி தலைமையின் சதி இருக்குமோ என்றும் பேச்சு எழுந்திருக்கிறது. ஆனால், இதற்குப் பின்னாலும் அ.தி.மு.க அம்பு இருக்கிறது என்கிறார்கள்!’’

நீங்க எப்படி பீல் பண்றீங்க