மிஸ்டர் கழுகு: மீண்டும்... மிளிரும் மோடி... மிரட்டும் தமிழகம்! | Mr.Kazhugu - Politics and Current affairs - Junior Vikatan | ஜூனியர் விகடன்

வெளியிடப்பட்ட நேரம்: 06:00 (24/05/2019)

மிஸ்டர் கழுகு: மீண்டும்... மிளிரும் மோடி... மிரட்டும் தமிழகம்!

தேதோ எண்ண ரேகைகள் முகத்தில் தெறிக்க அமைதியாக வந்தமர்ந்தார் கழுகார்.

“என்ன நீர் ஏதும் தியானத்தை ஆரம்பிக்கப் போகிறீரோ” என்று கேட்டதுமே சிரித்த கழுகார், “சரி நீரே தொடங்கும்” என்றார்.

“மீண்டும் வெற்றிக்கொடியைப் பறக்கவிட்டுவிட்டாரே மோடி. என்னதான் அந்த மேஜிக்?’’

‘‘சென்ற இதழ் அட்டையில் நீர் போட்டதுபோலவே மிரட்டிவிட்டார் மோடி. 300 என்ற எண்ணிக்கையை பி.ஜே.பி கூட்டணி தாண்டும் என்று கருத்துக்கணிப்புகள் சொன்னதை பி.ஜே.பி தலைமையே முழுமையாக நம்பவில்லை. தேர்தல் முடிவுகள் அவர்களுக்கு ஆனந்த அதிர்ச்சியைத்தான் கொடுத் துள்ளன. பண மதிப்பிழப்பு, ஜி.எஸ்.டி, ரஃபேல் விவகாரம் என கடைசி நேரத்தில், பி.ஜே.பி-க்கு எதிரான பிரசாரம் வலுவாகயிருந்தது. ஆனாலும் கடும்நெருக்கடிகளையெல்லாம் உடைத்து பி.ஜே.பி ஜெயித்திருக்கிறது’’

‘‘வடமாநிலங்களில் இப்படியொரு ஆதரவு அலை வீசக் காரணமென்ன?’’

‘‘இரண்டு காரணங்களை பி.ஜே.பி தரப்பில் சொல் கிறார்கள். ஒன்று ஆர்.எஸ்.எஸ் அமைப்பின் அசுர வேலை. இரண்டு, காங்கிரஸ் போட்ட கணக்குகளையெல் லாம் காலிசெய்த அமித் ஷாவின் யுக்தி. இந்தத்தேர்தலை பி.ஜே.பி தரப்பு கொஞ்சம் அச்சத்துடனேயே எதிர்கொண்டது என்பதுதான் உண்மை. ஆனால், வெற்றிக் கான உத்தரவாதத்தைக் கொடுத்தது ஆர்.எஸ்.எஸ் மற்றும் சங்பரிவார அமைப்புகள்தான். 2014 லோக்சபா தேர்தலில், பி.ஜே.பி-க்குக் கிடைத்த வெற்றிக்குக் காரணம் ‘மோடி மேஜிக்’ என்றார்கள். இந்தத் தேர்தலில், ஆர்.எஸ்.எஸ்-ஸின் சித்தாந்த யுத்தம் ஜெயித்துவிட்டதாக நம்புகிறார்கள்!’’

நீங்க எப்படி பீல் பண்றீங்க