Published:Updated:

பட்டுக்குப் போட்டியாகும் ப்ராஸோ புடவைகள்... என்ன ஸ்பெஷல்?

ப்ராஸோ புடவைகள்
பிரீமியம் ஸ்டோரி
News
ப்ராஸோ புடவைகள்

ஒரே புடவையில் இரண்டு டிரெடிஷனலான நிறங்களின் கலப்புடன் விற்பனைக்கு வருகின்றன

சில்க் காட்டன், லினன் புடவைகளுக்கு அடுத்தபடியாகத் தற்போது ப்ராஸோ ரக புடவைகள்தான் லேட்டஸ்ட் டிரெண்ட். இந்தப் புடவைகளில் என்ன ஸ்பெஷல், யாருக்குப் பொருந்தும், அதை உடுத்துவதற்கான ஸ்டைலிங் டிப்ஸ் உள்ளிட்ட அனைத்துத் தகவல்களையும் வழங்குகிறார் ஸ்டைலிஸ்ட் மற்றும் காஸ்டியூம் டிசைனர் பிரியா ரீகன்.

பட்டுக்குப் போட்டியாகும் ப்ராஸோ புடவைகள்... என்ன ஸ்பெஷல்?

என்ன ஸ்பெஷல்... என்ன விலை?

ப்ராஸோ ரக புடவையில் முழுவதும் பிரின்ட்டடு டிசைன்கள் இருக்கும். இரண்டு பக்கங்களிலும் பார்டர்கள் இருக்கும். காட்டன், பட்டு, பூனம் என எல்லா வகையான மெட்டீரி யல்களிலும் ப்ராஸோ சாரீஸ் கிடைக்கின்றன. டிசைன் மற்றும் மெட்டீரியலுக்கு ஏற்ப 650 ரூபாயிலிருந்து வாங்க முடியும்.

ஸ்டைலிங்: ஒரே புடவையில் இரண்டு டிரெடிஷனலான நிறங்களின் கலப்புடன் விற்பனைக்கு வருகின்றன. அந்த இரண்டு நிறங்களுமே பச்சை, சிவப்பு, ஆரஞ்சு என பாரம்பர்ய நிறங்களில் இருக்கும். பேஸ்டல், நியான் போன்ற நிறங்களில் இந்தப் புடவை கிடைப்பதில்லை.

பட்டுக்குப் போட்டியாகும் ப்ராஸோ புடவைகள்... என்ன ஸ்பெஷல்?

நெருக்கமான டிசைன்கள் கொண்டிருப்பதால் பிளெயின் மெட்டீரியல் பிளவுஸ் பொருத்தமாக இருக்கும். மேல்பக்கம் ஒரு நிறம் கீழ்ப்பக்கம் வேறொரு நிறம் என இரண்டு நிறங்கள் அல்லது டிசைனில் புடவையைத் தேர்வு செய்கிறீர்களா? அப்போது புடவையின் மேற்புறம் அதாவது மார்புப் பகுதிக்கு நேராக ப்ராஸோ டிசைன் இருப்பது போன்று பார்த்துக்கொள்ளுங்கள்.

பிரியா ரீகன்
பிரியா ரீகன்

ஜாமெட்டிரிக்கல் டிசைன் கொண்ட ப்ராஸோ புடவைகளும் ப்ராஸோ டிசைனோடு பெரிய பிரின்ட்டுகளுடன் உள்ள புடவைகளும் உயரமான பெண்களுக்குப் பொருத்தமாக இருக்கும். ப்ராஸோ புடவைகளுக்கு மெட்டாலிக் நகைகள் சரியான தேர்வு. டிரெடிஷன லான ஸ்டைலில் இருப்பதால் திருமணம் போன்ற நிகழ்ச்சிகளுக்கு அணிந்து செல்லலாம். அலுவலகப் பயன்பாடுகளுக்குத் தவிர்த்து விடுங்கள்.

மாத்தி யோசிக்கலாம்: கிராண்டாக இருப்பதால் ப்ராஸோ புடவையில் ஸ்கர்ட் அல்லது அனார்கலி ஆடைகள் தைத்துப் பயன்படுத்தலாம். அம்மா - மகள் இருவரும் ஒரே மாதிரி ஆடை அணிய விரும்பினால் ப்ராஸோ சாரீஸ் பெஸ்ட் சாய்ஸ்.

டிப்ஸ்

புடவையில் என்ன வடிவ டிசைன் இருக்கிறதோ அதே வடிவத்தில் இருப்பது போன்ற பிளவுஸைத் தேர்வு செய்ய வேண்டும். உதாரணத்துக்கு, புடவையில் வட்ட வடிவ டிசைன் இருந்தால் பிளவுஸையும் அதே போன்ற டிசைனில் மேட்ச் செய்யுங்கள்.

பருமனான, ஒல்லியான என எல்லா உடல்வாகுக்கும் ஃப்ராஸோ புடவைகள் பொருந்தும்.

குஞ்சம் அல்லது ஸ்டோன் வேலைப்பாடுகள் அல்லது பார்டரில் வெல்வெட் வைத்துத் தைப்பது போன்றவை மூலம் ப்ராஸோ புடவைக்கு கிராண்டு லுக் தரலாம்.

இந்தப் புடவையைத் துவைத்து நிழலில் உலர்த்தி மடித்து வைத்தாலே போதுமானது. அயர்ன் செய்ய வேண்டிய அவசியம் இல்லை.