Published:Updated:

`40 மில்லி கிராம் தங்கம்; 4 மணி நேரம்!' - கோவை தொழிலாளி உருவாக்கிய `மினி' உலகக் கோப்பை

கோவை தங்க நகை தொழிலாளி 40 மில்லி கிராம் தங்கத்தில் உலகக் கோப்பை செய்துள்ளார்.

40 மில்லி கிராம் தங்க உலகக் கோப்பை
40 மில்லி கிராம் தங்க உலகக் கோப்பை

உலகக் கோப்பை கிரிக்கெட் பரபரப்பான கட்டத்தை எட்டியுள்ளது. இந்தியா முழுவதுமே உலகக் கோப்பை கிரிக்கெட்டை உற்சாகமாகப் பார்த்து வருகின்றனர்.

40 மில்லி கிராம் உலக கோப்பை
40 மில்லி கிராம் உலக கோப்பை

இந்நிலையில், கோவையைச் சேர்ந்த தங்க நகை தொழிலாளி வெங்கடேஷ்? 40 மில்லி கிராம் தங்கத்தில் குட்டி உலக கோப்பையை வடிவமைத்துள்ளார்.

இதுகுறித்து வெங்கடேஷ் கூறுகையில், “20 ஆண்டுகளுக்கு மேலாகத் தங்கப்பட்டறை துறையில் இருக்கிறேன். கின்னஸ் ரெக்கார்டில் இடம் பிடிப்பதற்காக, அவ்வப்போது இது போன்ற முயற்சிகளைச் செய்வேன். ஏற்கெனவே, தேர், விநாயகர், கால்பந்து உலகக் கோப்பை போன்றவற்றை தயாரித்துள்ளேன்.

வெங்கடேஷ்
வெங்கடேஷ்
Vikatan

2011-ம் ஆண்டு உலகக் கோப்பையின்போதும் இதே போன்று மினி உலகக் கோப்பை தயாரித்தேன். தற்போது, உலகிலேயே மிகவும் சின்ன உலக கோப்பையாக இருக்க வேண்டும் என்பதற்காக, 40 மில்லி கிராம் தங்கத்தில் உலகக் கோப்பையைத் தயாரித்துள்ளேன். நான்கு மணி நேரத்தில் இதைத் தயாரித்துள்ளேன். இதன் உயரம் அரை செ.மீ தான். இந்தத் தங்கத்தின் மதிப்பு ரூ.130 தான். இந்தியா வெற்றி பெற வேண்டும் என்ற நோக்கத்தில் இந்த உலகக் கோப்பையை தயாரித்துள்ளேன்” என்றார்.