அவர் தற்போது தனது இன்ஸ்டாகிராம் பக்கத்தில் பதிவு ஒன்றைப் பதிவிட்டுள்ளார். அந்தப் பதிவில், “எங்கள் குடும்பத்தில் இன்னும் ஓரிரு வாரத்தில் புதிய உறுப்பினர் ஒருவர் இணைந்துவிடுவார். கடந்த 8 மாதங்களாக மிகுந்த எதிர்பார்ப்புடன் இருக்கிறோம். என்ன குழந்தை பிறக்கப் போகிறது என்பதில் எனது மற்ற குழந்தைகளும் ஆர்வமாக உள்ளனர்" என்று பதிவிட்டிருக்கிறார். 

தான் மூன்றாவது முறையாகக் கர்ப்பமாகி  இருப்பதை கேரி ஜான்சன் அறிவித்ததன் மூலம் போரிஸ் ஜான்சன் தனது 58வது வயதில் 8-வது குழந்தைக்குத் தந்தையாகிறார். ஜான்சன் - கேரி தம்பதிக்கு ஏற்கெனவே ரோமி என்ற ஒரு வயது மகளும், வில்பிரட் என்ற மூன்று வயது மகனும் உள்ளனர். இவர்கள் மே 2021-ல் திருமணம் செய்து கொண்டனர். 

இதற்கு முன் மரீனா வீலர், ஹெலனைத் திருமணம் செய்துகொண்ட போரிஸ் ஜான்சனுக்கு மொத்தம் 5 குழந்தைகள் உள்ளன. தற்போது 8-வது குழந்தைக்குத் தந்தையாகப் போகும் போரிஸ் ஜான்சனுக்கு அந்நாட்டு மக்கள் பலரும் தங்களது வாழ்த்துக்களைத் தெரிவித்து வருகின்றனர்.