Published:Updated:

ஃபேஷன் ஸ்டுடியோ! - 4

இந்துலேகா.சி,  படங்கள்: கு.கார்முகில்வண்ணன் மாடல்: ஃபரினா

ஃபேஷன் ஸ்டுடியோ! - 4

இந்துலேகா.சி,  படங்கள்: கு.கார்முகில்வண்ணன் மாடல்: ஃபரினா

Published:Updated:
ஃபேஷன் ஸ்டுடியோ! - 4

ந்த இதழில், தன் 'XXL  டீனா வின்சென்ட்’ ஷோரூமின் பிரத்யேக கான்செப்டான, உடல் பருமனானவங்களுக்கான டிரெஸ் டிசைன் பற்றிச் சொல்றாங்க, டீனா வின்சென்ட்.

கான்ட்ராஸ்ட் துப்பட்டாதான் டிரெண்ட்!

ஒட்டுமொத்த விகடனுக்கும் ஒரே ஷார்ட்கட்!

"கொஞ்சம் பப்ளியா இருக்கும் பொண்ணுங் களுக்கு ஏற்ற சுடிதார் மாடல் பற்றிப் பார்ப் போம். மாடல் ஃபரினா ஸ்லிம்மா தெரியக் காரணம், அவங்களுக்கு நான் டிசைன் செய்த அந்த சுடிதார்தான். இந்த சுடிதாரோட டாப்ஸ், கையால கலர் சாயம் ஏற்றப்பட்ட ஜார்ஜெட் மெட்டீரியல். இது உடம்போட அப்படியே ஃப்ளோ ஆகும் என்பதால், பருமனானவங்களை ஒல்லியா காட்டும். பொதுவா டிரெஸ் முழுக்க எம்ப்ராய்டரி, சம்கி, ஸ்டோன்ஸ்னு ஹெவி வொர்க் டிசைன், பருமனானவங்களை இன்னும் பருமனா காட்டும். அதனால அதைத் தவிர்த்துடணும். ஹேண்ட் எம்ப்ராய்டரி மற்றும் கட் வொர்க் மாதிரி சிம்பிளா, கழுத்துக்கு மட்டும் டிசைன் பண்ணினா ரொம்ப குண்டா தெரியாம, நீட் லுக்கும் கிடைக்கும்.

மாடல் ஃபரினா உடுத்தியிருக்கும் இந்த சுடிதார் (பேன்ட்),  நல்லா ஸ்ட்ரெச் ஆகக்கூடிய பனியன் கிளாத் என்பதால், கால்களை பெரிதா இல்லாம, ஒடுக்கிக் காட்டும். சுடிதாரா இருந்தாலும் சரி, சல்வாரா இருந்தாலும் சரி... துப்பட்டாவை ஹைலைட் பண்றதுதான் இப்போதைய டிரெண்ட். இந்த சுடிதாரோட துப்பட்டாவை டிரெஸ்ஸுக்கு மேட்சிங்கா இல்லாம ஃபேமிலி கலர்ஸ், கான்ட்ராஸ்ட் கலர் இப்படி மிக்ஸ் பண்ணி டிசைன் செய்திருக்கேன். துப்பட்டாவின் ஓரங்களுக்கு சுடிதாரின் கலருக்கு மேட்சிங்கான சாட்டின் துணியை பார்டரா கொடுத்திருக்கேன். இது 'ஏ’ லைன் டிரெஸ். இந்த 'ஏ’ லைன் கட்டிங், பெரிய இடுப்பை சிறுத்துக் காட்டும்.

ஃபேஷன் ஸ்டுடியோ! - 4

மேட்சிங் அக்ஸசரீஸ்: கழுத்தில் டிசைன் இருப்பதால், செயின் தேவையில்லை. கைக்கு மெல்லியதா ஒரு பிரேஸ்லெட். செல்லும் இடத்தைப் பொறுத்து பெரிய கம்மலோ, சின்ன கம்மலோ போடலாம். காலேஜுக்கு இதை துப்பட்டா இல்லாம ஃப்ளாட் சப்பலுடனும், ஃபங்ஷனுக்கு துப்பட்டாவுடன் ஹை ஹீல்ஸ் போட்டும், 'டூ இன் ஒன்’னா உடுத்தலாம்!

ரெட் கார்பெட் டிரெஸ்!

ப்யூர் சாட்டின் மெட்டீரியலால் ஆன இந்த டிரெஸ்ஸின் பாதி பார்ட் ஒரு கலர், அடுத்த பார்ட் இன்னொரு கலர்னு, ஹேண்ட் டை பண்ணியிருக்கோம். இந்த மாதிரி ஷேடட் டிரெஸ் குண்டானவங்களை ஒல்லியா மட்டுமில்லாம, உயரமாவும் காட்டும். கழுத்துப் பகுதி இப்படி அகலமா இருந்தா, அப்பர் பாடி ஸ்லிம்மா தெரியும்.

மேட்சிங் அக்ஸசரீஸ்: கழுத்துக்கு லாங் செயின் (சில்வர்/கோல்டு), காதுக்கு லாங் கம்மல் (சில்வர்/கோல்டு), காலுக்கு கறுப்பு, கோல்டு, சில்வர், காப்பர், பிராஸ் கலரில் பாயின்டட் ஹீல்ஸ் பெஸ்ட் சாய்ஸ். ஹீல்ஸுக்கு மேட்சிங்கா அல்லது நகைகளுக்கு மேட்சிங்கா, ஸ்டோன் வொர்க் செய்யப்பட்ட க்ளட்ச் (மணிபர்ஸ்) யூஸ் பண்ணலாம்.  

இந்த டிரெஸ் ரெட் கார்பெட் மற்றும் காக்டெய்ல் டின்னரில், உங்களை ஸ்பெஷலா கவனிக்க வைக்கும்!''

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism