Published:Updated:

ஜுவல் மெயின்டனன்ஸ்..!

ஜுவல் மெயின்டனன்ஸ்..!

கைகளை விலைபோட்டு வாங்குவதோடு விட்டுவிடாமல், அவற்றை முறையாகப் பராமரிப்பதும் அவசியம். அப்போதுதான், திருமணத்துக்கு வாங்கிய நகைகள், 25-வது திருமண நாளிலும் புதிது போல் இருக்கும். அதற்கான டிப்ஸ்களை இங்கு வழங்குகிறார்கள், சென்னை, லலிதா ஜுவல்லரி நிறுவனத்தார்.

ஜுவல் மெயின்டனன்ஸ்..!

தங்கமே... தங்கமே!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஜுவல் மெயின்டனன்ஸ்..!

நகை வாங்கும்போது, அதற்குக் கடையில் தரும் பாக்ஸிலேயே எப்போதும் வைக்க வேண்டும். ஒரு பெரிய ஆரத்தைச் சுருட்டி சின்ன பாக்ஸில் வைத்தால், முறியும், உடையும்... ஜாக்கிரதை.

ஜுவல் மெயின்டனன்ஸ்..!

நகையை அதற்கான பெட்டிக்குள் வைக்கும்போது ஒரு வெள்ளைத் துணியில் சுற்றி வைத்தால், அது தூசி படாமல், சேதமாகாமல் தவிர்க்கலாம்.

ஜுவல் மெயின்டனன்ஸ்..!

லைட் வெயிட் நகைகளின் உறுதித்தன்மை குறைவாக இருக்கும் என்பதால், அதை மற்ற நகைகளோடு உரசும்படி வைக்கக் கூடாது. மேலும், நகைகளை ஒரே பாக்ஸில் குவியலாக வைத்து, வளையலும், ஆரமும் ஒன்றோடு ஒன்று பின்னிக்கொண்டு, அதை எடுக்கும் முயற்சியில் அவசரப்பட்டு என்பதையெல்லாம் தவிர்த்து, நகைகளை எப்போதும் மென்மையாகக் கையாள வேண்டும்.

ஜுவல் மெயின்டனன்ஸ்..!

இன்று விசேஷங்களில் வரவேற்பில் தெளிக்கப்படுவது எல்லாம் தரமான பன்னீர் கிடையாது. கெமிக்கல்கள் கலந்தேயிருக்கும். அது நகைகளில் படும்போது நகை நிறம் மாற வாய்ப்புள்ளது. அதேபோல, பயன்படுத்தும் பாடி ஸ்பிரேவும் நகைகளோடு கெமிக்கல் ரியாக்ட் ஆக வாய்ப்புள்ளது. எனவே, ஒவ்வொரு விசேஷத்துக்கு அணிந்த பின்னும், நகைகளை மெல்லிய வெள்ளைத் துணியால் துடைக்கலாம்.

ஜுவல் மெயின்டனன்ஸ்..!

காஸ்டிக் சோடாவின் வீரியம் குறைவாக இருக்கும் ஷாம்புகளை, நகைகளைச் சுத்தப்படுத்தப் பயன்படுத்தலாம்... முத்து நகைகளைத் தவிர. இந்த ஷாம்புவை தண்ணீரில் கலந்து, அதில் நகைகளைக் கழுவி, மிருதுவான டூத் பிரஷால் தேய்த்து, மீண்டும் குடிநீரில் அலசி, பின் நகைகளில் இருக்கும் தண்ணீரை மிருதுவான வெள்ளைத் துணியால் துடைத்தெடுக்க வேண்டும்.

கல் நகைகள்... கண்ணும் கருத்துமாக!

ஜுவல் மெயின்டனன்ஸ்..!

கல் நகைகளில் எண்ணெய் இறங்கி இருப்பது போல் இருப்பது, எண்ணெய் அல்ல. அது தூசு, அழுக்குகள்தான். அதை வீட்டிலேயே சுத்தம் செய்வது சுலபம் கிடையாது. மேலும் அந்த முயற்சியில் நகை சேதப்படுவதற்கும் வாய்ப்புள்ளது என்பதால், அதற்கு கடைகளையே நாடவும்.

ஜுவல் மெயின்டனன்ஸ்..!

கல் நகைகளில் கல் விழுந்துவிட்டால், தாமதிக்காமல் அதை வாங்கிய கடையிலேயே கொடுத்து வேறு கல் வைத்துக்கொள்ளவும்.

வைரம் ஜொலிக்க!

ஜுவல் மெயின்டனன்ஸ்..!

வைரம் ஒன்றை ஒன்று அறுக்கும் தன்மை உடையது. அதனால் வைர நகைகளை தனித்தனியாகத்தான் வைக்க வேண்டும். இரண்டு வைரத்தோடுகளைக்கூட சேர்த்து வைக்கக்கூடாது. இதை மென்மையாக கையாள்வதும் அவசியம்.

ஜுவல் மெயின்டனன்ஸ்..!

நகைகளில் அழுக்கு இல்லாத பட்சத்தில் வெறும் குடிநீரில் அலசி, நன்றாகத் துடைத்து வைக்கலாம்.

ஜுவல் மெயின்டனன்ஸ்..!

ஒரு நகையை அலசிய தண்ணீரை இன்னொரு நகைக்குப் பயன்படுத்தக் கூடாது.

முத்துக்கு முத்தாக..!

ஜுவல் மெயின்டனன்ஸ்..!

முத்து நகைகளை அவசியம் வெள்ளைத் துணிகளில் சுற்றிதான் வைக்க வேண்டும். இல்லையென்றால், மினுமினுப்பு குறைந்துவிடும்.

ஜுவல் மெயின்டனன்ஸ்..!

முத்து நகைகளைச் சுத்தம் செய்வதற்கான கெமிக்கல் லிக்விட், நகைக் கடைகளில் கிடைக்கும். அதில் முத்து நகைகளைப் போட்டு எடுத்து, குடிநீரில் அலசி, ஒரு வெள்ளைத் துணியில் துடைத்தால், முத்து நகைகளின் பளபளப்பு நீடிக்கும்.

பொதுவாக, ஒரு நகை வாங்கும்போதே, அந்தக் கடையில் அதன் பராமரிப்புக்கு டிப்ஸ் கேட்டுக்கொள்ளலாம். நகைகளின் தன்மையைப் பொறுத்து, அதனை சுத்தம் செய்யும் விதம் மாறுபடும் என்பது குறிப்பிடத்தக்கது!’’

- கே.அபிநயா

படம்: ‘கிரியேட்டிவ் வெடிங் ஃபோட்டோகிராபி’ஹரி