Published:Updated:

அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!
பிரீமியம் ஸ்டோரி
அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

Published:Updated:
அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!
பிரீமியம் ஸ்டோரி
அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

டாலர் சிட்டி... ஏற்றுமதி நகரம்... தொழிலாளர் நகரம் எனத் திருப்பூருக்கு எத்தனையோ பெயர்கள் உண்டு. இவை அனைத்துக்கும் காரணம், பின்னலாடைத் துறை. விவசாயப் பூமியான திருப்பூர் இன்றைக்கு உலகமே திரும்பிப் பார்க்கும் அளவுக்குப் பின்னலாடை ஏற்றுமதியில் கொடிகட்டிப் பறக்கிறது. இதற்குக் காரணம் இங்குள்ள உழைப்பாளர் கள்தான். திருப்பூர் எங்கும் பின்னலாடை வர்த்தகம் விஸ்தரித்துக் கிடந்தாலும், இந்த நகரில் தனக்கென ஒரு தனி யிடத்தைப் பிடித்துள்ளது  காதர்பேட்டை. 

அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

இன்றைக்குப் பின்னலாடைத் துறையில் செகண்ட்ஸ் பனியன்கள் விற்பனைக்கென  ஒரு தனிச் சந்தை இருக்கிறது. பொதுவாக, ஏற்றுமதி நிறுவனங் களில் உற்பத்தி செய்யப்படும் பின்னலாடைகளில், ஒரு குறிப்பிட்ட சதவிகிதம் பல்வேறு காரணங்களால் நிறுவனத்திலேயே தேக்கமடைந்துவிடும். அப்படி மீதமாக இருக்கும் துணிகளை அந்த நிறுவனத்திடம் ஒரு குறிப்பிட்ட விலைக்கு வாங்கி, காதர்பேட்டைக்குக் கொண்டு வந்து மொத்தமாகவும், சில்லறை யாகவும் விற்பனைக்கு வைப்பார்கள் இங்குள்ள வியாபாரிகள். அதை மும்பை, டெல்லி, ஜெய்ப்பூர், லூதியானா, ஜபல்பூர் உள்ளிட்ட பல்வேறு மாநிலங்களைச் சேர்ந்த துணி வியாபாரிகள் வந்து வாங்கிச் சென்று விற்பார்கள். இன்றைய  இந்தியாவின் அனைத்து நகரங் களிலும் உள்ள துணிக் கடைகளில் விற்பனைக்கு வைக்கப்பட்டிருக் கும் பின்னலாடை ரகங்கள் பெரும்பாலும் இந்த காதர் பேட்டையில் உள்ள குடோன்களில் இருந்தே செல்கின்றன.

பிரபல பன்னாட்டு முன்னணி நிறுவனங்களின் டி-சர்ட்கள், உள்ளாடைகள் என அனைத்தும் இந்த காதர்பேட்டையில் மிகக் குறைந்த விலையில் நமக்குக் கிடைக்கின்றன. குழந்தைகள், ஆண்கள் மற்றும் பெண்களுக்கான உள்ளாடைகள், ரவுண்டு நெக், காலர்நெக் டி-சர்ட்கள், டிராக் பேன்ட், ஷார்ட்ஸ் உட்பட பலவும் குறைந்தபட்சம் 30 ரூபாய் முதல் அதிகபட்சம் 150 ரூபாய் வரை இங்கு விற்பனை செய்யப்படுகிறது. மொத்த வியாபாரம் மற்றும் சில்லறை வியாபாரம் என இரண்டையுமே கையாண்டு வருகிறார்கள் காதர்பேட்டை வியாபாரிகள்.  

ஒட்டுமொத்த விகடனுக்கும் ஒரே ஷார்ட்கட்!

அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

திருப்பூர் செகண்ட்ஸ் பனியன் ஓனர்ஸ் அசோசியேஷனின் துணைத் தலைவர் எம்.ஜி.குமார் நம்மிடம் பேசினார். “1970-ல்   சத்தார் பாய் மற்றும் ஜான் பாய் என ஒரு சில நபர்கள் திருப்பூர் பின்னலாடை நிறுவனங்களில் மிச்சமாகும் துணிகளை வாங்கி வந்து, திருப்பூர் ரயில் நிலையத்துக்கு அருகில் இருக்கும் இந்த இடத்தில் வைத்து விற்பனை செய்யத் தொடங்கினார்கள். அவர்களது அந்தப் புது முயற்சிக்கு நல்ல வரவேற்பு கிடைக்கவே, நாளடைவில் எண்ணற்ற போட்டியாளர்கள் இந்த வியாபாரத்தை நடத்த துவங்கியிருக்கிறார்கள். அதுவே பிற்காலத்தில் செகண்ட்ஸ் பனியன் வியாபாரம் என்ற தொழில்முறையாக இந்தப் பகுதிக்கு ஒரு அடையாளத்தை உருவாக்கியிருக்கிறது.

இது ரயில் நிலையத்துக்கு அருகிலேயே இருப்பதால், வெளியூர் வாடிக்கையாளர்கள் மற்றும் திருப்பூருக்கு வந்து செல்லும் பயணிகள் என யாராக இருந்தாலும் எளிதாக காதர்பேட்டையை வந்தடைய முடிகிறது. ஞாயிற்றுக்கிழமை தவிர, மற்ற அனைத்து நாள்களிலும் காலை 9 மணி முதல் மாலை 8 மணி வரை காதர்பேட்டை பனியன் குடோன்கள் விற்பனைக்காகத் திறந்திருக்கும். ஆனால், தற்போதைய சூழலில் ஏற்றுமதி நிறுவனங்களுக்கு நிர்ணயித்துள்ள 5% சதவிகித ஜி.எஸ்.டி-யையே எங்களுக்கும் நிர்ணயித்திருப்பது, இந்தத் தொழில் நலிவடையும் நிலையை உருவாக்கியுள்ளது. செகண்ட்ஸ் பனியன் வர்த்தகத்துக்கு 2% சதவிகிதமாக ஜி.எஸ்.டி வரியைக் குறைத்தால் மட்டுமே இந்தத் தொழிலை அழியாமல் காப்பாற்ற முடியும்’’ என்றார்.  

அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

திருப்பூர் சர்ப்ளஸ் பனியன் ஓனர்ஸ் அசோசி யேஷனின் தலைவர் விஜய் சேகரிடம் பேசினோம். “காதர்பேட்டையில்  2,400 குடோன்களில் இந்தத் தொழில் நடைபெற்று வருகிறது. குடோனுக்கு குறைந்தது இரண்டு பணியாளர்கள் வீதம் சுமார் ஐந்தாயிரம் பேர் வரை இங்கு பணியாற்றிக்கொண்டு இருக்கிறார்கள். அதில் பலர் ஈரோடு, கோவை போன்ற மாவட்டங்களைச் சேர்ந்தவர்கள். மேலும், லோடு ஆட்டோ ஓட்டுநர்கள், சுமை தூக்கும் தொழிலாளிகள், கவுன்டிங் ஏஜென்ட்கள் என மொத்தம் 10 - 12 ஆயிரம் நேரடி மற்றும் மறைமுகத் தொழிலாளர்களுக்கு காதர் பேட்டை வேலைவாய்ப்பை வழங்கி வருகிறது.

ஆனால், ஒருநாளைக்கு சுமார் ரூ.20 கோடி வரை வியாபாரம் நடந்துவந்த காதர்பேட்டையில், ஜி.எஸ்.டி-க்குப் பிறகு இப்போது 50% வியாபாரம் குறைந்துவிட்டது.ஆரம்பகாலத்தில் வாடிக்கையாளர்களாக மட்டுமே வந்த நைஜீரியர்கள் இன்றைக்கு இங்கேயே குடோன் அமைத்து வியாபாரம் நடத்தும் அளவுக்கு இறங்கி விட்டார்கள். இது எங்களுக்குக் கடுமையான தொழில் நெருக்கடியைக் கொடுப்பதாக இருக்கிறது” என்றார்.

எப்படியிருந்தாலும் காதர்பேட்டை சிறு வியாபாரிகளுக்குச் சொர்க்க பூமிதான்!

தி.ஜெயப்பிரகாஷ்

படங்கள் : அ.சூர்ய பாரதி

அங்காடித்தெரு! - 7 - பனியன்களின் கூடாரம் திருப்பூர் காதர்பேட்டை!

போலி ஆசாமிகள் உஷார்!

காதர்பேட்டை செகண்ட்ஸ் பனியன் ஏஜென்ட் அசோசியேஷனின் தலைவர் காஜாமைதீன் பேசும்போது, “நான் கடந்த 30 வருடங்களாக காதர்பேட்டையில் பனியன் ஏஜென்டாக பணியாற்றி வருகிறேன். வெளியூரிலிருந்து வரும் வாடிக்கையாளர்களைப் பனியன் நிறுவனங்களுக்கும், குடோன்களுக்கும் அழைத்துச் சென்று அவர்களுக்கு வேண்டிய ரகங்களைக் காண்பிப்பதே எங்களுடைய வேலை. அப்படி அவர்கள் வாங்கும்பட்சத்தில் எங்களுக்கு ஒரு தொகையை கமிஷனாகப் பெற்றுக்கொள்வோம்.

பெரும்பாலும், வெளியூர் மற்றும் வெளிமாநில வியாபாரிகளின் வருகை இங்கு அதிகமாக இருப்பதால், அவர்களைக் குறிவைத்துப் பணம் பறிக்கும் நோக்கில் சில போலி ஆசாமிகள் இந்தப் பகுதியில் சுற்றித் திரிவார்கள். பனியன் நிறுவனங்களுக்கு அழைத்துச் செல்வதாகக் கூறி, வாடிக்கையாளர்களிடம் முன்பணம் பெற்றுக்கொண்டு தலைமறைவாகி விடுவார்கள். அல்லது பனியன் நிறுவனத்துக்கே நேரடியாக அழைத்துச் செல்வதுபோல் ஆள் நடமாட்டம் இல்லாத இடத்துக்குச் கூட்டிச் சென்று பணத்தையும், பொருள் களையும் அபகரித்துவிட்டு ஓடிவிடுவார்கள்.எனவே, அதுபோன்ற போலி ஆசாமி களிடம்  மாட்டிக்கொள்ளாமல் இருக்க, திருப்பூருக்கு பனியன் வாங்கவரும் வெளியூர் வியாபாரிகள், தாங்கள் சந்திக்கும் பனியன் ஏஜென்ட்களிடம் கட்டாயமாக ஐ.டி கார்டுகளைக் காண்பிக்கச் சொல்லி உறுதிபடுத்திக்கொள்ள வேண்டும். பனியன் நிறுவனங்களுக்கு அழைத்துச் செல்வதற்கு முன்பாகவே எந்தவொரு தொகையும் முன்பணமாகக் கொடுத்துவிடக்கூடாது. குறிப்பாக, அழைத்துச் செல்லும் பனியன் நிறுவனத்திலும், ஏஜென்ட் குறித்த உண்மைத் தன்மையைக் கேட்டறிய வேண்டும் என்றார். 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism