Published:Updated:

அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!

அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!
பிரீமியம் ஸ்டோரி
அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!

அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!

அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!

அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!

Published:Updated:
அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!
பிரீமியம் ஸ்டோரி
அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!

லைகளால் சூழப்பட்ட இயற்கை எழில் கொஞ்சும் மாவட்டங்களில் ஒன்று தேனி. காபி, தேயிலை, மிளகு, ஏலம், பருத்தி, இலவம், வெல்லம், நவதானியங்கள், மாம்பழம், எலுமிச்சை, திராட்சை, பூண்டு ஆகிய விளைபொருளள் அபரிமிதமாக விளையும் பூமிதான்  தேனி மாவட்டம். 

அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!

   தேனிக்குப் பெயர்போன சந்தை

பெரியகுளம், கம்பம், மதுரை ஆகிய ஊர்களுக்குச் செல்லும் மூன்று சாலைகள் சந்திக்கும் இடத்துக்கு முக்கூட்டுச் சாலை என்று பெயர். அங்கே ஒரு விளக்குத்தூண் இருக்கும். இந்த இடத்தில்தான் அந்தக் காலம் முதல் இந்தக் காலம் வரை வாரச் சந்தை நடக்கும். பொள்ளாச்சி சந்தைக்கு அடுத்தபடியாகத் தமிழகத்தின் மிகப் பெரிய இரண்டாவது சந்தையாகத் திகழ்ந்த முக்கூட்டுச் சாலை சந்தையானது வாரந்தோறும் ஞாயிற்றுக்கிழமை கூடுவது வழக்கம். அப்போது ஆயிரக்கணக்கான மாட்டு வண்டிகளில் மாவட்டத்தின் பல பகுதிகளிலிருந்து, விளைபொருள்களை அள்ளிக்கொண்டு வருவார்கள் விவசாயிகள். அதை வாங்குவதற்கு தேனீக்கள் போல மக்கள் மொய்த்துவிடுவார்கள். அதைக் கண்டுதான் முக்கூட்டுச் சாலைக்கு ‘தேனீ’ என்ற பெயர் வந்ததாகவும், அது வழக்காற்று மொழியில் ‘தேனி’ என்றானதாகவும் சொல்லப் படுகிறது.

   இருபெரும் பஜார்கள்

இந்த மாபெரும் சந்தையானது பெரியகுளம் சாலை மற்றும் கடற்கரை நாடார் தெரு என இரு பெரும் பஜார்களை உண்டாக்கியது. பெரியகுளம் சாலையில் நூற்றுக்கணக்கான கமிஷன் கடைகள் உள்ளன. கடற்கரை நாடார் தெருவில் வீட்டுக்குத் தேவையான அத்தனை பொருள்களின் மொத்த விலைக் கடைகள் ஆக்கிரமித்துள்ளன. இந்த இரண்டு பஜார்கள் குடியிருப்புகளை உண்டாக்கியது. இந்தப் பஜார்கள்தான் தேனி நகரை உருவாக்கியிருக்கிறது. தேனியைத் தீர்மானித்தது முக்கூட்டுச்சாலை சந்தையும் அதையடுத்து உருவான பஜார்களும்தான் என்கிறார்கள் பெரியவர்கள்.

ஒட்டுமொத்த விகடனுக்கும் ஒரே ஷார்ட்கட்!

அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!

   நடக்கவிடாத பஞ்சு மூட்டைகள் 

தேனி நகர் உருவான காலத்திலிருந்து பாரம்பர்யமாக மொத்த வியாபாரம் செய்துவரும் ஈ.ஆர்.ஜெகதீசனிடம் பேசினோம், “அப்போது நான் சின்னப் பையன். அல்லிநகரம்தான் என் தாய் கிராமம். பெரியகுளம்தான் பெரிய டவுனாக முன்பு இருந்தது.  தேனி என்பது வெறும் சந்தை கூடும் இடமாகத்தான் இருந்தது. அதைச் சுற்றிலும் காடுகளாக இருக்கும். வாரம் ஒருமுறை ஞாயிற்றுக்கிழமைகளில் கூடும் சந்தையில் வியாபாரம் சக்கைபோடு போடும். ஞாயிற்றுக் கிழமையில் வீட்டில் யாராவது இறந்துவிட்டால்கூட அன்று வெளியே சொல்லாமல் திங்களன்றுதான்  செல்வார்கள். அந்த அளவுக்கு வியாபாரம் நடக்கும் சந்தை அது.

காலப்போக்கில் சந்தைக்கு வரும் வியாபாரிகள் அருகில் இருக்கும் இடங்களில் வீடுகளைக் கட்டிக் குடியிருக்க ஆரம்பித் தார்கள். ஞாயிற்றுக்கிழமைகளைத் தவிர, மற்ற நாள்களில் வரும் மக்களுக்காகக் கடைகளைத் திறந்தார்கள். அப்படி உருவானது தான் கடற்கரை நாடார் தெரு, பெரியகுளம் சாலை கமிஷன் கடைகள். இந்த இரு தெருக்களிலும் இருக்கும் கடைகளை நன்கு  உற்றுப் பார்த்தால் தெரியும், அவற்றில் பெரும்பாலானவை வீடுகளாக இருந்தவை. அந்தக் காலத்தில் தங்கள் வீடுகளையே பின்னாளில் கடைகளாக மாற்றியிருக்கிறார்கள்.

இவை எல்லாம் எழுபதுகளின் தொடக்கம். இந்த பெரியகுளம் சாலையில் சுமார் 500 கமிஷன் கடைகள் இருக்கும். பஞ்சு, எலுமிச்சை, வெங்காயம், மிளகாய் வற்றல் என மாட்டு வண்டிகளில் மூட்டை மூட்டைகளாக வந்திறங்கும். பெரிய அகலம் கொண்ட சாலையானது பஞ்சு மூட்டைகளை அடுக்கி அடுக்கி ஒற்றையடிப் பாதையாக மாறிவிடும் அளவுக்கு மூட்டைகள் வந்திறங்கும். இந்த கமிஷன் கடைகளை அடுத்து இருக்கும் குடியிருப்புகளைத் தொடர்ந்து, மேலும் சில குடியிருப்புகள் உருவானது. இது மேற்கே என்றால், கிழக்கே இதேபோன்று கடற்கரை நாடார் தெருவும், அதையடுத்து பெரிய குடியிருப்பும் உருவானது. ஆனால், இன்றைக்கு தேனி மாவட்டத்தில் விவசாயம்  பெரிதும் குறைந்துவிட்டது; பருத்தி வரவும் சுத்தமாக இல்லை. அதனால் வியாபாரம் கொஞ்சம் டல்தான்” என்றார்.

அங்காடித்தெரு! - 9 - தேனியைத் தீர்மானித்த முக்கூட்டுச் சாலை சந்தை!

  கடைக்குப் பத்து பேர் 

தேனியைப் பொருத்தவரை, வீட்டுக்குத் தேவையான அத்தனைப் பொருள்களும் ஒரே இடத்தில் வாங்க வேண்டும் என்கிறவர்கள், நேராக கடற்கரை நாடார் தெருவுக்குத்தான் செல்வார்கள். பெரியகுளம் சாலைக்கு எதிர்புறம் இருக்கும் இந்த பஜாரில் மொத்த வியாபாரம் செய்யும் மகேந்திரனிடம் பேசினோம்.

“எனக்கு விவரம் தெரிந்த நாள் களிலிருந்து தேனி நகருக்கு மட்டு மல்லாமல், அதைச் சுற்றியுள்ள கம்பம், பெரியகுளம், ஆண்டிபட்டி, போடி ஆகிய பகுதிகளில் வசிக்கும் மக்களுக்கு பஜார் என்றால், அது இந்த தெருதான். மக்கள் மட்டு     மில்லாமல், அனைத்துப் பகுதி களிலும் கடை வைத்து நடத்தும் வியாபாரிகளின் ஒரே ஆதாரமாக விளங்குவதும் இந்த தெருதான். 

அந்தக் காலத்தில் கடற்கரை நாடார் என்பவர்தான் முதன்முதலாக இந்தப் பகுதியில் வீடு கட்டி அங்கே சந்தையில்லாத நாள்களில் கடை நடத்தியிருக்கிறார். முதன்முதலாக இந்தப் பகுதியில் கடை நடத்தியதால், இந்தப் பஜாருக்கு கடற்கரை நாடார் தெரு என்று பெயர் வந்தது.

அப்போதெல்லாம் இந்தத் தெருவுக்குள் நுழைய முடியாது. ஒருபக்கம் பொருள்களைக் கொண்டுவந்து அடுக்கிக் கொண்டிருப்பார்கள். மறுபக்கம், வியாபாரம் நடக்கும். ஒவ்வொரு கடை வாசலிலும் பத்து பேர் சிட்டை எழுதிக்கொண்டிருப் பார்கள். காலை முதல் இரவு வரை அவர்களுக்குச் சிட்டை எழுதுவது மட்டும்தான் வேலை. அப்படி யென்றால், எவ்வளவு பேர் பஜாருக்குள் வந்துசெல்வார்கள் என்று நீங்களெ கற்பனை செய்து கொள்ளுங்கள்.

தற்போது பெரிய பெரிய  சூப்பர் மார்கெட்டுகள் தேனி நகரத்தில் வந்துவிட்டது  என்றாலும், இன்றளவும் மொத்த வியாபாரத்துக்கு கடற்கரை நாடார் தெருவுக்குத்தான் தேனி மக்கள் வரவேண்டும்’’ என்றார்.

இந்த பஜார்கள் குறித்து தேனியில்  வசிக்கும் ஜீவாவிடம் பேசினோம். ‘‘சின்ன வயசில் கடற்கரை நாடார் தெரு, பெரிய குளம் சாலையில்தான் நாங்கள் ஒடி விளையாடுவோம். மக்கள் நெருக்கம் அதிகமாக இருக்கும். அதற்குள் ஓடுவதே ஒரு சவால்தான். மளிகைப் பொருள்களைக் கடற்கரை நாடார் தெருவிலும், காய்கறி, பழங்களைப் பெரியகுளம் சாலையிலும் என வீட்டுக்குத்் தேவையான அனைத்தையும் பஜாருக்கு வந்தால் வாங்கிவிடலாம். இன்று தெருவுக்குத் தெரு  கடைகள் திறக்கப்பட்டாலும் கடற்கரை நாடார் தெருவில் பொருள்களை வாங்கினால்தான் திருப்தியாக இருக்கும். இது எனக்கு மட்டுமல்ல, தேனியில் இருக்கும் ஒவ்வொரு வருடைய அனுபவமும்’’ என்றார் புன்னகையோடு.

மக்கள் கூடும் இடங்களில்தான் புதிய கலாசாரங்கள் தீர்மானிக்கப் படுகின்றன என்பது வரலாறு. ஒரு காலத்தில் சந்தையாக இருந்த இடம், இன்று தேனி நகரமாக மாறியதில் ஆச்சரியமில்லை!

- எம்.கணேஷ்,

படங்கள்: வீ.சக்தி அருணகிரி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism