Published:Updated:

ஒளி நகல் ஜெராக்ஸ் ஆனது ஏன்? இந்த விஷயம் அமெரிக்காவுக்கு தெரியுமா? #MyVikatan

இந்தியாவில் இது, ஜெராக்ஸ் (Xerox) இயந்திரம் என அழைக்கப்படுகிறது. இதற்கான காரணம் என்ன?

Representational Image
Representational Image ( Credits : Pixabay )

பொறுப்புத் துறப்பு : இந்தக் கட்டுரை வாசகரின் படைப்பு. கட்டுரையில் குறிப்பிடப்பட்டுள்ள தகவல்களுக்கும் கருத்துகளுக்கும் அதன் ஆசிரியரே பொறுப்பாவார். கட்டுரை சம்பந்தமாக உங்களுக்கு ஆட்சேபனை இருந்தால், my@vikatan.com-க்கு மின்னஞ்சல் அனுப்புங்கள்!

சிந்தனைகளை பல தலைமுறைக்கு கடத்தும் வாகனமாக இருப்பது எழுத்துகள். மனிதன் கல்லில் எழுதினான். துணியில் எழுதினான். பனை ஓலையில் எழுதினான். இவை நம்மில் எல்லோருக்கும் தெரிந்தவையே. தமிழர்கள் தாமரை மடலில் எழுதியது தொடர்பான குறிப்புகள் சிலப்பதிகாரத்தில் இருப்பதாக ம.தி.மு.க-வின் பொதுச்செயலாளர் வைகோ பேசியதன் மூலம் அறிந்தேன்.

Representational Image
Representational Image

காகிதத்தில் எழுதும் பழக்கம் வரும் வரை, எழுத்து என்பது குறிப்பிட்ட சிலருக்கானதாகவே இருந்தது. காகிதத்தில் பென்சில் மற்றும் பேனா வைத்து எழுதும் முறை, எழுத்தறிவை பலருக்கு புகட்டியது. காகிதத்தில் ஒருவர் எழுதுவது மூலப்பிரதி. அதன் நகல் வேண்டுமென்றால், மூலப்பிரதியைப் பார்த்து மீண்டும் எழுத வேண்டும்.

கார்பன் காகிதங்கள் நகல் எடுப்பதில் ஒரு முன்னேற்றத்தை ஏற்படுத்தியது. ஒரு காகிதத்தின் கீழே ஒரு கார்பன் காகிதத்தை வைத்து இன்னொரு காகிதத்தை அதன் கீழே வைத்து எழுதினால், ஒரே நேரத்தில் மூலமும் அதன் நகலும் கிடைக்கும்.

Representational Image
Representational Image

இந்த முறையில் அழுத்தி எழுதி இரண்டு மூன்று நகல்கள் கூட எடுக்க முடியும். வழக்கம்போல, நகல் எடுக்கும் முறையில் மிகப்பெரிய மாற்றத்தை ஏற்படுத்தியது ஒரு இயந்திரத்தின் கண்டுபிடிப்பு. அதுதான் ஒளி நகல் இயந்திரம் (Photo Copier Machine). ஒரு காகிதத்தில் எழுதியவற்றை ஒளி நகல் இயந்திரத்தைப் பயன்படுத்தி பல ஆயிரக்கணக்கான நகல்கள் எடுக்க முடியும். இந்த நகலை எடுப்பதற்கு ஒளியை பயன்படுத்துவதால், இது ஒளி நகல் இயந்திரம் என்று உலகெங்கும் அழைக்கப்படுகிறது.

இந்தியாவில் இது, ஜெராக்ஸ் (Xerox) இயந்திரம் என அழைக்கப்படுகிறது. இதற்கான காரணம் என்ன? ஒளி நகல் இயந்திரத்தைக் கண்டுபிடித்தது அமெரிக்காவில் உள்ள ஜெராக்ஸ் (Xerox) என்ற நிறுவனம். அவர்கள் கண்டுபிடித்த ஒளி நகல் இயந்திரத்தை `ஜெராக்ஸ்' என்று அழைப்பது விநோதமானதே.

Representational Image
Representational Image

உதாரணமாக, மோட்டோரோலா (Motorola) நிறுவனம் கண்டுபிடித்த செல்போனை (Cellphone), செல்போனை எடுத்து வா என்று சொல்கிறோம். மோட்டோரோலாவை எடுத்து வா என்று சொல்வதில்லை. அப்படிச் சொன்னால் விநோதமாக இருக்குமில்லையா? ஆனால், ஒளி நகல் எடுத்து வா என்று சொல்வதற்குப் பதிலாக, ஜெராக்ஸ் எடுத்து வா என்று சொல்கிறோம். இது விநோதமானது மட்டுமல்ல, தவறும் கூட.

எனவே, இனிமேல் ஒளி நகல் எடுத்து வாருங்கள் என்றோ ஒளி நகல் எடுக்கச் செல்கிறேன் என்றோ சொல்லிப் பழகுவோம்.

Representational Image
Representational Image

இன்னொரு நகைச்சுவையும் இருக்கிறது. இந்தியா முழுவதும் பல பெயரில் ஜெராக்ஸ் கடைகள் இருக்கின்றன. இது அமெரிக்காவின் ஜெராக்ஸ் நிறுவனத்துக்குத் தெரியுமா என்று தெரியவில்லை! மற்றுமொரு நகைச்சுவை என்னவென்றால், இந்தியாவில் உள்ள ஜெராக்ஸ் கடைகளில் (!?) பெரும்பாலும் இருப்பது கேனான் (Canon) கம்பெனியின் ஒளி நகல் இயந்திரங்கள்!

- கோதண்டம் கிருஷ்ணமூர்த்தி

விகடனில் உங்களுக்கென ஒரு பக்கம்...

உங்கள் படைப்புகளைச் சமர்ப்பிக்க இங்கே க்ளிக் செய்க https://www.vikatan.com/special/myvikatan/

My Vikatan
My Vikatan

ஏதோ ஓர் ஊரில், எங்கோ ஒரு தெருவில் நடந்த ஒரு விஷயம்தான் உலகம் முழுக்க வைரலாகிறது. உங்களைச் சுற்றியும் அப்படியொரு வைரல் சம்பவம் நடந்திருக்கலாம்... நடந்துகொண்டிருக்கலாம்... நடக்கலாம்..! அதை உலகுக்குச் சொல்வதற்காகக் களம் அமைத்துக் கொடுக்கிறது #MyVikatan. இந்த எல்லையற்ற இணையவெளியில் நீங்கள் செய்தி, படம், வீடியோ, கட்டுரை, கதை, கவிதை என என்ன வேண்டுமானாலும் எழுதலாம். மீம்ஸ், ஓவியம் என எல்லாத் திறமைகளையும் வெளிப்படுத்தலாம்.

உங்கள் படைப்புகளைச் சமர்ப்பிக்க இங்கே க்ளிக் செய்க https://www.vikatan.com/special/myvikatan/