Published:Updated:

குழந்தைகளோடு இருங்கள்... குழந்தைகளுக்காக இருங்கள்!

பேரன்ட்டிங்
பிரீமியம் ஸ்டோரி
News
பேரன்ட்டிங்

ஹெல்த்தி பேரன்ட்டிங்

உலகின் பல நாடுகளிலும் ஊரடங்கு... குடும்பங்கள் வீடுகளுக்குள் முடங்கிவிட்டன. குழந்தைகளை விளையாட வெளியே அனுப்பவும் முடியாமல், வீட்டுக்குள்ளும் வைத்துச் சமாளிக்கவும் முடியாமல் பெற்றோர்கள் போராடிக்கொண்டிருக் கிறார்கள். இந்த நேரத்தில் குழந்தைகளைப் புரிந்துகொண்டு செயல்படுவது அவசியம். இந்த நிலைமையைக் கையாள உலக சுகாதார நிறுவனம் பகிர்ந்துள்ள டிப்ஸ் இங்கே...
ஹெல்த்தி பேரன்ட்டிங்
ஹெல்த்தி பேரன்ட்டிங்

குழந்தையோடு நேரடியாக நேரம் செலவிடுங்கள்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
  • ஒவ்வொரு குழந்தைக்கும் தனித்தனியாக நேரம் ஒதுக்கவும்.

  • பெற்றோர் ஒவ்வொருவரும் தினமும் 20 நிமிடங்களுக்கும் அதிகமாகக் குழந்தையோடு நேரம் செலவிட வேண்டும்.

  • ஒன்றுக்கும் மேற்பட்ட குழந்தைகள் இருக்கும் வீட்டில், ஒவ்வொரு குழந்தைக்கும் பெற்றோர் தனித்தனியாக நேரம் செலவிட வேண்டியது அவசியம்.

பச்சிளம் குழந்தைகள், பத்து வயதுக்குட்பட்ட குழந்தைகளுக்கு...

  • குழந்தைகள் எழுப்பும் ஓசைகள், அவர்களின் செய்கை களை அவர்களிடமே செய்து காட்டுங்கள்.

  • அவர்களுக்காகப் பாட்டு பாடுங்கள்.

  • கதை சொல்லுங்கள், அவர் களுக்குப் பிடித்த புத்தகங்களை வாசித்துக் காட்டுங்கள்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

டீன் ஏஜ் குழந்தைகள் இருக்கும் வீடுகளில்...

ஹெல்த்தி பேரன்ட்டிங்
ஹெல்த்தி பேரன்ட்டிங்
  • அவர்களுக்குப் பிடித்தமான விளையாட்டு, இசை, பிரபலங்கள், நண்பர்கள் குறித்து நிறைய பேசுங்கள்.

  • உங்கள் சமையலில் அவர்களையும் ஈடுபடுத்திக்கொள்ளுங்கள்.

  • அவர்களுக்குப் பிடித்த பாட்டைக் கேட்டுக்கொண்டே, அவர்களும் சேர்ந்து செய்யும்படியான உடற்பயிற்சியைத் தினமும் செய்யுங்கள்.

  • எந்த வயதுக் குழந்தையாக இருந்தாலும், அவர்களோடு ஒன்றாக அமர்ந்து புத்தகம் வாசியுங்கள்.

  • பழைய புகைப்படங்களைப் பாருங்கள்.

  • படம் வரையுங்கள்.

  • நடனம் ஆடுங்கள்... பாட்டு பாடுங்கள்.

  • சுத்தப்படுத்தும் பணிகளில் குழந்தைகளை யும் ஈடுபடுத்துங்கள்.

  • உங்கள் குழந்தையின் ஆர்வம் எதில் இருக்கிறதென, அவர்களிடம் கேட்டுத் தெரிந்துகொள்ளுங்கள். அதை அவர்கள் வளர்க்க உதவிபுரியுங்கள்.

  • வீட்டில் டி.வி, மொபைலை ஆஃப் செய்து விட்டு, குடும்ப உறுப்பினர்களோடு நேரம் செலவிடுங்கள்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஹெல்த்தி பேரன்ட்டிங்
ஹெல்த்தி பேரன்ட்டிங்

பாசிட்டிவ் சிந்தனைக்கு...

  • குழந்தை எந்தப் பழக்கத்தையெல்லாம் மாற்றிக்கொள்ள வேண்டும் என நீங்கள் நினைக்கிறார்களே, அதை அவர்களிடம் மென்மையாகச் சொல்லுங்கள்.

  • குழந்தையிடம் பேசும்போது தன்மையாகப் பேசுவது அவசியம்.

  • நாள் முழுவதும், ஒரே இடத்தில் அடை பட்டுக் கிடப்பதென்பது, குழந்தைகளுக்குச் சிரமமான காரியம். ஆகவே, அவர்கள் அவ்வப் போது ஹைப்பராக ரியாக்ட் செய்யக்கூடும். இப்படியான சூழல்களில், பெற்றோர்தான் சூழலுக்கேற்ப நடக்க வேண்டும்.

  • குழந்தைகள் சிறப்பாக நடந்துகொள்ளும் போதெல்லாம், அவர்களைப் பாராட்டுங்கள். இதன்மூலம், வருங்காலத்தில் அவர்கள் சிறப்பாகச் செயல்படுவர்.

  • டீன்ஏஜ் குழந்தைகளை, சமூக வலைதளத்தில் அதிக நேரம் செலவிட அனுமதிக்க வேண்டாம். இந்த நேரத்தில் அவர்களை உங்களோடு நேரம் செலவிடுமாறு பார்த்துக்கொள்ளுங்கள்.

அட்டவணை தயாரியுங்கள்...

நீங்களும் குழந்தையும் அன்றாடம் செய்ய வேண்டிய விஷயங்களை அட்டவணையாகத் தயாரித்துக்கொள்ளுங்கள். அதைச் சரியாகப் பின்பற்றுங்கள். அட்டவணை தயாரிக்கும்போது மறக்காமல் குழந்தையையும் ஈடுபடுத்துங்கள். அவர்களின் வார்த்தைகளுக்கு எப்போதும் மதிப்பு கொடுங்கள்.

ஹெல்த்தி பேரன்ட்டிங்
ஹெல்த்தி பேரன்ட்டிங்

கொரோனா பரவுதலின்போது சமூக விலகல் ஏன் அவசியம்?

  • ஒவ்வொரு முறையும் 20 நொடிகள் வரையில், கைகளைக் கழுவ அறிவுறுத்துங்கள். நோய்த்தாக்கம் குறைந்த பின்னரும்கூட, இந்த அறிவுரையை உங்கள் குழந்தை பின்பற்ற வேண்டும்.

  • ‘அதிக நிமிடங்களில், குறைந்த அளவே முகத்தைத் தொடுவது’ என்கிற அடிப்படையில் வீட்டில் இருப்போர் அனைவரும், குழந்தை யோடு அடிக்கடி விளையாடி வாருங்கள். இதில் வெல்வோருக்குப் பரிசுகள் தரலாம்.

  • ஒவ்வொரு நாளின் இறுதியிலும், அன்றைக்குச் செய்த விஷயங்கள் குறித்து குழந்தையோடு பேசுங்கள். நல்ல விஷயங்களில், குழந்தையின் ஒத்துழைப்பைக் குறிப்பிட்டுப் பாராட்டுங்கள்.

ஒவ்வொரு நாளும் அன்றைக்குச் செய்த விஷயங்கள் குறித்து குழந்தையோடு பேசுங்கள். நல்ல விஷயங்களில், குழந்தையின் ஒத்துழைப்பைக் குறிப்பிட்டுப் பாராட்டுங்கள்.

கெட்ட பழக்கங்களைக் கைவிட...

  • குழந்தையின் கெட்ட அல்லது தவறான குணத்தை அறிந்து, அதை அவர்கள் செய்ய முயலும் சூழலைக் கண்டறியுங்கள். அந்தச் சூழல்களில், அவர்களை வேறு வேலைகளில் ஈடுபடுத்துங்கள்

  • குழந்தை அசாதாரணமாகச் செயல்படும் போது, கோபமாகும்போது அதை எப்படிக் கையாள வேண்டுமென அவர்களுக்குச் சொல்லிக்கொடுங்கள். அதுபோன்ற தருணங்களில் பத்து விநாடிகளுக்கு மூச்சுப்பயிற்சி செய்வது, தியானம் செய்வது போன்றவற்றைப் பரிந்துரையுங்கள்

  • கடினமான சூழ்நிலை காரணமாக, குழந்தை தனித்துவிடப்படவில்லை என்பதை அவர்களுக்குச் சொல்லுங்கள்.

  • நேரம் கிடைக்கும்போதெல்லாம், குழந்தையோடு அமர்ந்து பேசுங்கள். நீங்கள் எப்போதும் சோர்ந்து போய் விடாதீர்கள்.

ஹெல்த்தி பேரன்ட்டிங்
ஹெல்த்தி பேரன்ட்டிங்

குழந்தை முன் பெற்றோர்...

  • குழந்தையின் நண்பர்கள், உங்கள் உறவுகள், உங்களின் நெருங்கிய நண்பர்கள், அவர்களின் குடும்பத்தாருக்கெல்லாம் இரு நாள்களுக்கு ஒருமுறையாவது போன் செய்து பேசுங்கள். குழந்தைகளையும் பேசச் சொல்லுங்கள். வாய்ப்பிருந்தால் வீடியோவிலும் பேசலாம்.

  • குழந்தை பேசும்போது, எப்போதும் குறுக்கே பேசாமல் கவனியுங்கள்.

  • குழந்தைகளின் வார்த்தைகளை எப்போதும் உதாசீனப்படுத்தி விடாதீர்கள். எப்போதும் அவர்களுக்கு உறுதுணையாக இருங்கள்.

  • அவர்கள் முன் சண்டையிட்டுக் கொள்வதை அறவே தவிர்க்கவும்.

எந்தச் சூழலிலும் குழந்தையிடம் பொய் சொல்லாதீர்கள்...

  • குழந்தைகளின் இயல்பே கேள்வி கேட்பதுதான். அந்தக் கேள்விகளுக்கு எப்போதும் உண்மையாகவும் நேர்மையாகவும் பதிலளித்துப் பழகுங்கள். உங்களுக்குப் பதில் தெரியவில்லையென்றால், `தெரியவில்லை' என்றே சொல்லுங்கள். பதிலைத் தெரிந்து கொள்ள நேரம் எடுத்துக் கொண்டாலும் பரவாயில்லை.

  • எந்தச்சூழலிலும் பொய் சொல்லாதீர்கள்.

  • கொரோனா வைரஸ் குறித்து குழந்தைகள் கேட்டால், அதைக் கதை வடிவில் சொல்லிப் புரியவையுங்கள்.

  • கொரோனாவிலிருந்து மீண்டவர்கள், கொரோனா நோயாளிகளுக்கு சிகிச்சை அளித்தவர்கள் குறித்த செய்திகளைக் கதைகளாகக் குழந்தைகளுக்குச் சொல்லலாம்.

  • குழந்தைகளிடம் கொரோனா குறித்து பேசும்போது, முடிந்தவரை பாசிட்டிவ்வாக பேசுங்கள்.

  • மொத்தத்தில், இந்தக் கடினமான காலத்தில் பெற்றோர் அனைவரும் குழந்தைகளோடு இருங்கள்... குழந்தைகளுக்காக இருங்கள்!