அவள் வாசகி: பேத்தியை கையில் ஏந்திய தருணம்!

என் பெற்றோருக்கு ஒன்பதாவது மகள் நான். அசராமல் அத்தனை பேரையும் நன்கு படிக்க வைத்து, நல்ல வேலையில் அமர்த்தியதில், தந்தைக்கு இணையாக என் தாய்க்கும் மிகப்பெரிய பங்குண்டு. சமையலில் ஆரம்பித்து நன்னடத்தை வரை அத்தனையும் எங்களுக்குக் கற்றுக்கொடுத்தார். வீட்டு வேலை, தையல், கோலம் என அவரின் பத்து விரல்களும் பல கலைகளை அறியும். அவற்றையெல்லாம் எங்களுக்கும் கற்றுக்கொடுத்தார்.

நான் இந்திய உணவுக் கழகத்தில் மேலாளராகப் பணியாற்றி ஓய்வுபெற்றேன். அந்த உயரம் தொட என் தாயும் ஒரு காரணம். இன்றளவும் மனத்தில் தொய்வு ஏற்படும் நேரங்களில் என் தாயை நினைத்துக்கொண்டால் விருட்டென்று எழுந்துகொள்வேன். என் கடமைகளை நினைப்பதற்கு மேலாகவே திருப்தியுடன் செய்யும் என் வழக்கத்துக்கும் தாயே காரணம்.