Published:Updated:

குடும்ப புகைப்படம், மலர்க்கொத்து, ரசனைக்கேற்ற புத்தகம்...

டிப்ஸ்
பிரீமியம் ஸ்டோரி
டிப்ஸ்

- படுக்கையறையை அழகாக்கும் டிப்ஸ்

குடும்ப புகைப்படம், மலர்க்கொத்து, ரசனைக்கேற்ற புத்தகம்...

- படுக்கையறையை அழகாக்கும் டிப்ஸ்

Published:Updated:
டிப்ஸ்
பிரீமியம் ஸ்டோரி
டிப்ஸ்

‘என்ன சொல்லுவேன் என்னுள்ளம் தாங்கல... மெத்த வாங்கினேன் தூக்கத்த வாங்கல...” - ஆண்ட்ராய்டு உலகிலும் பலருடைய மைண்ட் வாய்ஸ் இதுதான்! என்னதான் விலை உயர்ந்த மெத்தையையும், அழகுப் பொருள்களையும் வாங்கி பெட்ரூமை நிரப்பினாலும் அவையெல்லாம் நிம்மதியான உறக்கம் தருமா?

ஆழ்ந்த, நிம்மதியான உறக்கத்துக்கு பெட்ரூம் எப்படியெல்லாம் இருக்க வேண்டும்... விளக்குகிறார் இன்டீரியர் டிசைனர் ஸ்வப்னா பாலா.

 ஸ்வப்னா பாலா
ஸ்வப்னா பாலா

‘பெட்ரூம்’ எப்படி இருக்க வேண்டும்?

பெட்ரூம் என்பது நம் கவலைகளையெல்லாம் மறந்து ரிலாக்ஸ்டாக ஓய்வெடுக்கும் அறை.

இலவம்பஞ்சு மெத்தையோ, பத்தமடை பாயோ... உங்கள் சாய்ஸ் எதுவாகவும் இருக்கலாம். படுக்கை அறையின் நீள, அகலம் மற்றும் அங்கு நிரம்பியிருக்கும் விலையுயர்ந்த பொருள்களைக் காட்டிலும் அதன் தூய்மையே முக்கியத்துவம் பெறுகிறது. பெட்ரூமின் சுவர், தரை, கட்டில், படுக்கை விரிப்பு, தலையணை என அனைத்தும் அழுக்கில்லாமல் சுத்தமாக இருக்க வேண்டும். அறை காற்றோற்றம் நிரம்பியதாகவும் இரைச்சலின்றியும் இருக்க வேண்டும்.

இடம்பெறக்கூடாத பொருள்கள்...

  • பெட்ரூமில் தேவைக்கு அதிகமான, அநாவசிய ஃபர்னிச்சர்கள் இருக்கக் கூடாது. இவை இடத்தை அடைத்துக்கொண்டு ஒருவித இறுக்கமான சூழலை ஏற்படுத்தும்.

  • உங்களின் அலுவலக வேலை தொடர்பான கோப்புகள் பெட்ரூமுக்குள் வராமல் இருப்பது நல்லது. அவை வேலை தொடர்பான பிரச்னைகளை நினைவுபடுத்தி, அதிகம் யோசிக்க வைத்து உங்கள் நிம்மதியைக் கெடுக்கலாம்.

  • குழந்தைகளின் புத்தகங்கள், ஹோம் வொர்க் நோட்டுகளைப் படுக்கையில் போட்டு வைக்கக் கூடாது.

  • அழுக்குத் துணிகள், மடிக்கப்படாத ஆடைகளைப் படுக்கையின் மீது போட்டுப் பரப்பி வைக்கக் கூடாது.

  • மொபைல் போன், லேப்டாப், ஐ-பேட் போன்ற கேட்ஜெட்களை படுக்கையிலோ, தலையணைக்கு அருகிலோ வைத்துக்கொண்டு தூங்கக் கூடாது. இந்த எலெக்ட்ரானிக் பொருள்களிலிருந்து வெளிப்படும் கதிர்வீச்சுகள் ஒற்றைத் தலைவலி, கண் எரிச்சல் போன்ற உடல் சார்ந்த பாதிப்புகளை ஏற்படுத்தும்.

  • உடற்பயிற்சி உபகரணங்களை பெட்ரூமில் வைக்க வேண்டாம்.

  • செல்லப்பிராணிகளை பெட்ரூமுக்குள் அனுமதிப் பதைத் தவிர்க்கவும். அவற்றால் ஒவ்வாமை பிரச்னைகள் ஏற்பட வாய்ப்புள்ளது.

  • உங்களுக்குப் பிடிக்காத, பார்த்தவுடன் டென்ஷனையோ, கோபத்தையோ ஏற்படுத்தக் கூடிய பொருள்கள் பெட்ரூமில் இடம்பெறாதவாறு பார்த்துக்கொள்ளுங்கள்.

குடும்ப புகைப்படம், மலர்க்கொத்து, ரசனைக்கேற்ற புத்தகம்...
RossHelen

இவையெல்லாம் இருக்கலாம்...

  • படுக்கையறை சுவர், அதைப் பயன்படுத்தும் நபர்களுக்குப் பிடித்த வண்ணத்தில் பெயின்ட் செய்யப்பட்டிருக்க வேண்டும்.

  • ஓய்வு நேரத்தில் படிப்பதற்கு உங்கள் ரசனைக்கு ஏற்ப சில புத்தகங்களை வைக்கலாம்.

  • மனதுக்குப் புத்துணர்வைத் தரக்கூடிய உங்களுக்குப் பிடித்த ஓவியங்களில் ஒன்றிரண்டை சுவர்களில் மாட்டி வைக்கலாம்.

  • சந்தோஷத்தையும் காதலையும் அதிகரிக்கும் சிற்பங்களைக் கொண்டும் படுக்கையறையை அழகுபடுத்தலாம்.

  • நீங்கள் உங்கள் துணையுடனோ, குழந்தைகளுடனோ இருக்கும் புகைப்படங்களை பெட்ரூமில் வைத்திருப்பது சிறப்பு.

  • பசுமையான செடிகள் உள்ள தொட்டிகள் அல்லது மலர்க் கொத்துகள் நிரம்பியிருக்கும் ஜாடிகள் சிலவற்றை பெட்ரூம் மேஜையில் வைக்கலாம்.