``நான் மாடலிங் செஞ்சப்ப ரியாக்‌ஷன் வேற‌‌‌... ஆனா, இப்ப..?!'' - அண்ணன் கெளதம் மேனன் பற்றி உத்ரா மேனன்

பாசமலரெல்லாம் சான்ஸே இல்ல. அண்ணன் என்ன சொன்னாலும் நான் கேட்க மாட்டேன். அதேபோல நான் என்ன சொன்னாலும் அவரு கண்டுக்கவே மாட்டாரு. ஆனா, வீட்டுக்கு வெளியே எங்களை ரொம்பவே பத்திரமா பார்த்துப்பாரு. உதாரணத்துக்கு ஒரு சம்பவம் சொல்றேன். 'பிரேமம்' படத்துல வர்ற மாதிரியே, ஸ்கூல் படிக்கிறப்போ என்னையும் அக்காவையும் நிறைய பசங்க ஃபாலோ பண்ணுவாங்க. அந்தப் பசங்களோட சண்டையெல்லாம் போட்டிருக்காரு அண்ணா.

நான் மாடலிங் செய்ய ஆரம்பிச்சப்போ, நிறைய விளம்பரப்படங்கள்ல நடிக்கிறதுக்கு வாய்ப்புகள் கிடைச்சுது. சொன்னா, ஆச்சர்யப்படுவீங்க... நான் மாடலிங் செய்யக் கூடாதுன்னு எங்க வீட்ல எதிர்த்த முதல் ஆள் கெளதம் அண்ணாதான். அந்த நேரத்துல ரொம்ப கோவம்கோவமா வந்துச்சு எனக்கு. ஆனா, கொஞ்சம் மெச்சூரிட்டி வந்தபிறகுதான், அண்ணா நம்ம நல்லதுக்குதான் சொல்லிருக்காருனு புரிஞ்சுது. மத்தபடி, எல்லா அண்ணன் - தங்கச்சியும் மாதிரிதான் நாங்களும்... அடி தடி, டமால் டுமீல் சண்டை குஸ்தி எல்லாமே உண்டு.

கெளதம் அண்ணா எப்பவுமே அம்மா செல்லம்தான். நானும் அக்காவும் அப்பா செல்லம். அண்ணனுக்குப் பிடிச்ச சிக்கன் ஃபிரை மாதிரி ஏதாவது ஸ்பெஷலா சமைச்சாங்கன்னா, அவருக்கு மட்டும் தனியா எடுத்து வெச்சிடுவாங்க அம்மா. இதனால, எங்களுக்கு சிக்கன் குறைஞ்சுபோச்சுனு சண்டையெலாம் போட்டிருக்கேன். (சிரிக்கிறார்)

நான் சேமிச்சு வெச்சிருந்த பணத்திலிருந்து அண்ணாவுக்கு ஒரு 'ஹெட்ஃபோன்' வாங்கிக் கொடுத்தேன்.

'வாரணம் ஆயிரம்' படத்துல வர்ற தங்கச்சி கதாபாத்திரத்துல நான் பாதி, என் அக்கா பாதி இருந்தோம்னு சொல்லலாம். அந்தப் படத்துல வர்ற மாதிரியே என் அப்பா இறந்தப்போ நான்தான் அவர்கூட இருந்தேன். முழுசா என் கேரக்டர்ல ஒரு கதாபாத்திரத்தை அண்ணன் இன்னும் தன் படத்துல வைக்கலை.

சந்தேகமே வேண்டாம். கண்டிப்பா தாய்மாமா கெளதம்தான் பெஸ்ட். குழந்தைகள்னா அண்ணாவுக்கு ரொம்பப் பிடிக்கும். அதுலேயும் என் மகன் மேலே கொஞ்சம் கூடுதல் லவ்தான் அவருக்கு...

எல்லாமே ஃபேவரைட்தான். 'மின்னலே', 'காக்க காக்க', 'வேட்டையாடு விளையாடு'னு லிஸ்ட் நீண்டுட்டே போகும். இந்தப் படங்களையெல்லாம் ஏதோ ஒரு விதத்துல நம்ம வாழ்க்கையோடு ஒப்பிட்டுப் பார்க்க முடியும். அந்த வரிசையில 'நீதானே என் பொன்வசந்தம்' திரைப்படம் அண்ணாவோட பெஸ்ட் திரைப்படங்கள்ல ஒண்ணு. ரிலேஷன்ஷிப்ல இருக்கிறவங்களுக்கு கண்டிப்பா இந்தப் படத்துல வர்ற எமோஷன்ஸ் புரியும்.

அந்த நேரத்துல தனியா பேசுறதுக்கு சான்ஸே கிடைக்காது. அங்கேயும் இங்கேயும் ஓடிட்டே இருப்போம். ரொம்ப முக்கியமான விஷயம்னா மட்டும்தான் பேச வேண்டி வரும். படத்தைப் பத்தி ஏதாவது கருத்து பரிமாற்றம், எது சரி, எது தப்புனு எல்லா விஷயங்களையுமே கலந்து பேசி முடிவெடுப்போம். வேலையைப் பொறுத்தவரையில எனக்கான இடத்தை அண்ணா முழுமையா கொடுத்திருக்கார். அதுல அவர் தலையிட்டதேயில்லை.

இதுவரைக்கும் அப்படி எதுவும் நடக்கலை. 'என்னை அறிந்தால்' படத்துல ஒரு பாட்டுக்கு அனுஷ்காவுக்கு ஆடை வடிவமைக்கப் போதுமான நேரமில்லை. கடைசி நிமிஷத்துல அவசர அவசரமா வடிவமைச்சேன். 'இன்னும் நல்லா பண்ணிருக்கலாமே'ன்னு நான்தான் வருத்தப்பட்டுட்டு இருந்தேன். ஆனா, அண்ணா எதுவும் சொல்லலை. அவரு எப்பவுமே அமைதியாத்தான் இருப்பார். அதுதான் அவரோட இயல்பு. ஆனா, அவர் பிடிச்சிப்போய் அமைதியா இருக்காரா, பிடிக்காம அமைதியா இருக்காரானு சில நேரங்கள்ல நானே குழம்பிப்போயிருக்கேன்.