Published:Updated:

`டென்ஷன் ஃப்ரீ’ திருமணத்துக்கு சூப்பர் ஆலோசனைகள்!

`டென்ஷன் ஃப்ரீ’ திருமணத்துக்கு சூப்பர் ஆலோசனைகள்!

திருமண வேலைகளில், ஒவ்வொன்றையும் பார்த்துப் பார்த்துச் செய்தாலும், ஏதாவது ஒன்றை மறந்து, அல்லது தாமதப்படுத்தி என குழப்பம் வந்து நிற்கும். அதைத் தவிர்க்க, இந்த ‘வெடிங் பிளான் கார்டு’ தந்திருக்கிறார்கள், சென்னை, நட்சத்திரா வெடிங் பிளானர்ஸை சேர்ந்த பிரதீப் மற்றும் பாலசந்தர். இதைப் பின்பற்றி திருமண வேலைகளை முன்னெடுங்கள்... திருத்தமாக, திருப்தியாக முடிக்கலாம்!

`டென்ஷன் ஃப்ரீ’ திருமணத்துக்கு சூப்பர் ஆலோசனைகள்!

ஒரு வருடத்துக்கு முன்பே..!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

முகூர்த்த நாளை அல்லது முகூர்த்த மாதத்தை தேர்ந்தெடுத்துக் கொள்ளுங்கள். திருமணத்தை நடத்தவிருக்கும் இடம் கோயில் எனில், அங்கு அந்த நாள்/மாதத்தில் வேறு ஏதேனும் கோயில் நிகழ்ச்சி இருக்கிறதா என்பதை சரிபார்த்துக்கொள்ளுங்கள். ஹோட்டல், மண்டபம் எனில், உடனடியாக புக் செய்துவிடுங்கள். சொல்லப்போனால், இந்த புக்கிங் காரணத்துக்காகத்தான் பலரும் திருமணத் தேதியை ஆறு மாதங்களுக்கு முன்பே முடிவு செய்துவிடுகிறார்கள். வெடிங் போட்டோகிராஃபர் மற்றும் வீடியோகிராஃபரை புக் செய்துவிடுங்கள். அழைக்கவிருக்கும் விருந்தினர்களை, ஊரின் அடிப்படையில் பட்டியல் தயாரியுங்கள். திருமணத்தன்று உள்ளூர் தேர், திருவிழா, அரசியல் கட்சிகளின் செயல்பாடு என்று எதுவும் இல்லாமல் பார்த்துக்கொள்ளுங்கள். ஹனிமூனுக்கு வெளிநாடு செல்ல திட்டமிட்டிருந்தாலோ அல்லது திருமணத்துக்குப் பின் வெளிநாட்டுக்குச் செல்லவிருந்தாலோ, பாஸ்போர்ட் ஃபார்மாலிட்டிகளை சரிபார்த்துக்கொள்ளுங்கள்.

`டென்ஷன் ஃப்ரீ’ திருமணத்துக்கு சூப்பர் ஆலோசனைகள்!

ஆறு மாதங்களுக்கு முன்பு..!

திருமணம் நடத்தி வைக்கும் புரோகிதரை புக் செய்துகொள்ளுங் கள். அதேபோல, மங்கள வாத்தியங்கள் வாசிப்பாளர்களையும் புக் செய்துகொள்ளுங்கள். கேட்டரிங் புக் செய்யும்போது, என்னென்ன பதார்த்தங்கள் என்பதை ஆற அமர முடிவெடுத்துச் சொல்லுங்கள். மேடை அலங்காரம், பூ, சங்கீத் போன்றவற்றுக்கு ஆட்களை நியமித்துக்கொள்ளுங்கள். மணமகள் காஸ்மாட்டலஜிஸ்ட்/பியூட்டிஷியன், நியூட்ரிஷியன், டென்டல் சிட்டிங்குகளை எல்லாம் இப்போதில் இருந்தே ஆரம்பித்துவிடலாம். அதேபோல, மணப் பெண் தனக்கான திருமண ஆடை ஷாப்பிங்கையும் முடித்து, டெய்லரிடம் கொடுத்துவிடலாம்.

`டென்ஷன் ஃப்ரீ’ திருமணத்துக்கு சூப்பர் ஆலோசனைகள்!

நான்கு மாதங்கள் இருக்கிறது..! 

சேர், சமையல் பாத்திரங்கள் போன்ற திருமணத்தன்று மட்டும் பயன்படும் வாடகைக்கு எடுக்க வேண்டிய பொருட்களுக்கு அட்வான்ஸ் கொடுத்துவிடுங்கள். மேக்கப் ஆர்ட்டிஸ்ட், ஹேர்ஸ்டைலிஸ்ட், மெஹந்தி ஆர்ட்டிஸ்ட்களை புக் செய்துகொள்ளுங்கள். திருமணத்துக்கு அழைக்க வேண்டிய உறவினர்கள், நண்பர்களின் முகவரி, தொலைபேசி எண், மெயில் ஐ.டி-களை சேகரித்துக்கொள்ளுங்கள். வெடிங் கார்டை தேர்ந்தெடுத்துவிடுங்கள். தேனி லவுக்கு எங்கே செல்ல வேண்டும் என்று இப்போதே முடிவெடுத்துவிட்டால், வெளியூர், வெளிநாடுகளுக்கு முன்பே ஃப்ளைட் டிக்கெட் புக் செய்யும்போது கட்டணம் குறையும் என்பதை கவனியுங்கள்.

இரண்டு மாதங்கள்... இதோ ஓடிவிடும்!

திருமணத்துக்கு வெளியூரில் இருந்து வருபவர்கள் தங்கு வதற்கான ஏற்பாடுகளை செய்து முடியுங்கள். ஹோட்டல்களில் அறைகள் புக் செய்ய வேண்டுமெனில், எத்தனை அறைகள் என தெளிவாகத் திட்டமிட்டு, அதிகமாக ஓரிரு அறைகளுக்கும் சேர்த்து அட்வான்ஸ் செய்து விடுங்கள். திருமண வீட்டினருக்கு தேவை யான ஆடை, நகை போன்றவற்றை வாங்கிக்கொள்ளுங்கள். விருந்தினர்களுக்கு ஆடைகள் எடுத்துக் கொடுக்கவிருப்பின், அந்த வேலையையும் முடித்துவிடுங்கள். ரிட்டர்ன் கிஃப்ட் என்ன கொடுக்க வேண்டும் என்பதை முடிவு செய்து, ஆர்டர் செய்வது, மொத்தக் கடையில் வாங்கி வைப்பது போன்ற வேலைகளையும் இரண்டு மாதங்களுக்கு முன்பே முடித்துவிடுங்கள்.

`டென்ஷன் ஃப்ரீ’ திருமணத்துக்கு சூப்பர் ஆலோசனைகள்!

ஒரு மாதத்தில் முகூர்த்தம்!

திருமணத்துக்கு உறவினர்களை அழைக்க ஆரம்பிக்கலாம். முகூர்த்தப்புடவை, தாலி, மோதிரம், வெள்ளிப் பொருட்கள் வாங்கலாம். முகூர்த்த பிளவுஸ் போன்ற உடைகளை டெய்லரிடம் சேர்த்துவிடுங்கள். கேட்டரிங் ஆர்டர் கொடுத்தவரிடம், உணவு லிஸ்ட்டை உறுதிப்படுத்திக்கொள்ளுங்கள். இதுவரை புக் செய்த ஆட்கள் அனைவரிடமும் ஒரு நினைவூட்டலாக பேசிக்கொள்ளுங்கள்.

இரண்டு வாரங்களில்..!

திருமணச் சடங்குகளுக்குத் தேவையான பொருட்களை வாங்கி வையுங்கள். பத்திரிகை வைத்தது போக, நெருங்கிய உறவினர்கள், நண்பர்களை மீண்டும் போனில் திருமணத்துக்கு பிரத்யேகமாக அழையுங்கள். திருமணத்தன்று அடுத்தடுத்த என்னென்ன சம்பிரதாயங்கள் நடக்க வேண்டும் என்று எழுதி வைத்துக்கொள்ளுங்கள். 'வெடிங் பிளானர்ஸ்'ஸை ஏற்பாடு செய்திருந்தால், அவர்களிடமும் ஒரு காப்பி கொடுத்து வைக்கலாம். போட்டோகிராஃபர், வீடியோகிராஃபர்களுக்கு உங்களது திருமணத்தின் முக்கிய சடங்குகள் என்ன என்பதைச் சொல்லி, அதற்கு முக்கியத்துவம் தரச் சொல்லுங்கள்.

ஒரு வாரம்தான் இருக்கிறது..!

திருமணத்தன்று அணியவிருக்கும் ஆடை, அணிகலன்களை சரிபார்த்துக் கொள்ளுங்கள்.

`டென்ஷன் ஃப்ரீ’ திருமணத்துக்கு சூப்பர் ஆலோசனைகள்!

வீட்டிலிருந்து திருமணம் நடக்கவிருக்கும் இடத்துக்குச் செல்ல வாகனங்களை ஏற்பாடு செய்துவிடுங்கள். கல்யாணச் சமையலுக்கு மளிகை, காய்கறி போன்றவற்றை இந்த வாரத்தில் இறுதி நாட்களில் வாங்கிவிடுங்கள். தேனிலவுக்கு வெளியூர் அல்லது வெளிநாடு செல்ல திட்டமிட்டிருந்தால் அதற்கான நடைமுறை, டிக்கெட், ரூம் புக்கிங் ஆகிய ஏற்பாடுகளை முடித்துவிடுங்கள்.

நாளை திருமணம்..! 

திருமணத்துக்கு முதல் நாள், திருமணச் சடங்குகளுக்கு தேவையானவற்றை எல்லாம் வாங்கிவிட்டோமா என்று உறுதிபடுத்திக் கொள்ளுங்கள். திருமணத்துக்காக வாங்கிய வாடகைப் பொருட்களை மீண்டும் ஒப்படைக்க ஒருவரை நியமித்துக்கொள்ளுங்கள். நுழைவுவாயில் வரவேற்பில், மேடையில், டைனிங் ஹாலில் என ஒவ்வொரு வேலை யையும் கவனிக்க ஏற்றவர்களைத் தேர்ந்தெடுத்து பொறுப்பை ஒப்படையுங்கள். மறுநாளுக்குத் தேவையான அனைத்தையும் இன்றே தயார் செய்து வைத்துக்கொள்ளுங்கள். நிம்மதியாக உறங்குங்கள்!

 - திட்டமிட்டுச் செய்தால், திருமண டென்ஷன் போயே போச்!

- ந.ஆஷிகா,

படங்கள்: ஹரி, முனீஷ், சண்முகராஜன், ஸ்ரீநிவாஸ்