Published:Updated:

கனவுக்கு உருவம் கொடுக்கும் வெடிங் கேக்!

கனவுக்கு உருவம் கொடுக்கும் வெடிங் கேக்!

பிறந்தநாளுக்கு மட்டுமல்ல... இப்போது திருமணங்களிலும் ‘வெடிங் கேக்’ என்ற பெயரில் கேக்

கனவுக்கு உருவம் கொடுக்கும் வெடிங் கேக்!

வெட்டிக் கொண்டாடுகிறார்கள். அமெரிக்க, டெக்சாஸ் மாகாணத்தில் வசிக்கும் மதுரைப் பெண் திவ்யா அசோக், அங்கு வாழும் இந்தியர்கள் மற்றும் அமெரிக்கர்களுக்கு வீட்டிலிருந்தே வெடிங் கேக் செய்து கொடுத்துக்கொண்டிருக்கிறார் பிஸியாக!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

‘‘என் மகள் அனு, தன் பிறந்தநாளுக்கு பொம்மை வடிவிலான கேக் வேண்டும் என்று ஆசையாக கேட்டு நச்சரிக்க, அவளுக்காக பேக்கிங் கிளாஸ் சென்று கேக் செய்யக் கற்றுக்கொண்டு, வீட்டிலேயே கேக் செய்தேன். அவள் பிறந்தநாளின் ஹைலைட்டே, கேக்தான்! வந்தவர்களுக்கு எல்லாம் மிகவும் பிடித்துவிட்டது. மற்ற குழந்தைகளின் அம்மாக்கள், ‘எங்கள் பிள்ளைகளின் பிறந்தநாளுக்கும் கேக் செய்து கொடுங்கள்’ என்று ஆர்டர்கள் கொடுக்க ஆரம்பித்துவிட்டார்கள். நானும் ‘டிடி’ஸ் பேக் ஷாப் என்ற என் ஹோம் கேக் பிசினஸை ஆரம்பித்துவிட்டேன். தொடர்ந்த நாட்களில், வெடிங் கேக் ஆர்டர் களும் குவியத்துவங்கிவிட்டன.

கனவுக்கு உருவம் கொடுக்கும் வெடிங் கேக்!

அமெரிக்காவில் இப்படி வீட்டிலிருந்தே கேக் தயாரிப்பவர்களுக்கு என உள்ள, பயன்படுத்தும் பொருட்களின் தரக் கட்டுப்பாடு, ஃபுட் ஹேண்ட்லர் சான்றிதழ் போன்ற விதிகளைப் பின்பற்றி பிசினஸ் செய்து வருகிறேன். விலை உயர்ந்த யூரோப்பியன் பட்டர், ஆர்கானிக் பால் என்று சுவையிலும் தரத்திலும் முதல் தரமாக இருக்கும் என் கேக். வெடிங் கேக்கை பொறுத்தவரை ஒரு கேக் செய்ய, இரண்டு, மூன்று நாட்களாகிவிடும். டிசைன் செய்வதற்தே 10 - 12 மணி நேரம் தேவைப்படும். சில கேக்களுக்கு 20 மணி நேரம் வரை உழைத்துள்ளேன். பெரிய வேலை இது.

கனவுக்கு உருவம் கொடுக்கும் வெடிங் கேக்!
கனவுக்கு உருவம் கொடுக்கும் வெடிங் கேக்!

`கேக் செய்வதில் என்ன பெரிய வேலை?’ என்று தோணலாம். என் கேக்குகள் ரெகுலர் கேக்குகள் போல இருக்காது. ஒவ்வொரு கேக்கிலும் ஒரு புதுமை இருக்கும். மணமக்களுக்கு முதலில் ஸ்கெட்ச் வரைந்து காட்டுவேன். அதில் அவர்கள் ஏதேனும் மாற்றங்கள் சொன்னால், அதையும் சேர்த்துக்கொள்வேன். வாரத் துக்கு இரண்டு, மூன்று கேக் மட்டுமே ஆர்டர் எடுப்பேன். அப்போதுதான் என் கிரியேட்டிவிட்டி சோர்வாகாமல் வேலை பார்க்க முடியும். நான் செய்ததிலேயே எனக்கு மிகவும் பிடித்தது, லெஹங்கா கேக். அதாவது, மணப்பெண்ணின் லெஹங்கா ஆடை போலவே டிசைன் செய்த கேக். இதுபோல நான் விதம்வித மாக செய்த வெடிங் கேக்குகள் எல்லாம், என் கஸ்டமர்களிடம் செம ஹிட்! அதனால் தான் இங்கே வசிக்கும் இந்தியர்கள் மட்டுமல்லாமல் பல வெளிநாட்டினரும், இங்குள்ள பெரிய பேக்கரிகளை எல்லாம் விட்டுவிட்டு என்னைத் தேடி வருகிறார்கள்.

கனவுக்கு உருவம் கொடுக்கும் வெடிங் கேக்!

என் பிசினஸில், கணவர் அஷோக் பெரிய துணை எனக்கு. வெட்டிங் கேக்கின் விலை 400 டாலரிலிருந்து ஆரம்பம். ஒவ்வொரு கேக்கிலும், மணமக்களின் கனவுக்கு வடிவம் கொடுத்திருப்பேன். என் கேக் சுவை, சுவாரஸ்யம் இரண்டிலும் வசீகரிக்கும்!’’

- கிலோ கணக்கில் பெருமை திவ்யாவுக்கு!

- ந.ஆஷிகா