Published:Updated:

சருமத்துக்கேற்ற சரியான தீர்வு!

ஒட்டுமொத்த விகடனுக்கும் ஒரே ஷார்ட்கட்

Use App
சருமத்துக்கேற்ற சரியான தீர்வு!
சருமத்துக்கேற்ற சரியான தீர்வு!

சருமத்துக்கேற்ற சரியான தீர்வு!

பிரீமியம் ஸ்டோரி

ன்னதான் சருமப் பராமரிப்புக்கு முக்கியத்துவம் கொடுத்தாலும் முகப்பரு, வியர்க்குரு மற்றும் சருமப் பிரச்னைகள் பெண்களை வாட்டிவதைக்கும். இப்படிப் பொதுவாக சருமத்தில் ஏற்படக்கூடிய பிரச்னைகளுக்கான தீர்வுகளைச் சொல்கிறார் ‘கேர் அண்ட் க்யூர்’ அரோமா கிளினிக்கின் நிர்வாகி கீதா அஷோக்.

சருமத்துக்கேற்ற சரியான தீர்வு!

சன் டேன் மறைய!

வீட்டை விட்டு வெளியே சென்று நீண்ட நேரம் வெயிலில் இருந்துவிட்டு திரும்பும்போது சருமம் கறுத்துவிடும். இதைத்தான் `சன் டேன்’ என்று சொல்கிறோம். இதைச் சரிசெய்ய எளிய முறை உள்ளது. 10 ஸ்ட்ராபெர்ரி பழங்களை மிக்ஸியில் அரைத்துக்கொள்ளுங்கள். அரைத்த விழுதுடன் இரண்டு டீஸ்பூன் கிளிசரின் சேர்த்துக் கலந்து ஃப்ரிட்ஜில் வைத்துக்கொள்ளவும். தினமும் இந்தக் கலவையில் இருந்து

சருமத்துக்கேற்ற சரியான தீர்வு!

தேவையான அளவு எடுத்துக்கொண்டு அதனுடன் கால் டீஸ்பூன் காய்ச்சாத பால் சேர்த்துக் கலந்து முகம், கழுத்து, கை கால் என வெயில்படும் இடங்களில் பூசி, அரை மணி நேரம் ஊறவிடவும். அப்படிச் செய்வதால் `சன் டேன்’ நாளடைவில் மறையும்.

அதேபோல், மருந்துக் கடைகளில் கிடைக்கும் காலமைன் லோஷனுடன் (Calamine IP Lotion) 10 சொட்டு எலுமிச்சைச் சாறு, கால் டீஸ்பூன் பால் பவுடர் கலந்து குழைத்து முகம், கழுத்து, கை கால்களில் பூசி வர, கருமை குறையும்.

வியர்க்குரு தொல்லை நீங்க!

வியர்க்குரு வந்தால் உடம்பு முழுக்க அரிக்கும். அரிப்பு அதிகமாகி சொறிவதன்மூலம் உடலில் புண்கள்கூட ஏற்படலாம். அதனால் வியர்க்குரு ஆரம்ப நிலையில் இருக்கும்போதே காலமைன் லோஷனுடன் கால் டீஸ்பூன் சமையல் சோடா சேர்க்கவும். இரண்டையும் ஒன்றாக சேர்க்கும்போதே நுரைக்க ஆரம்பிக்கும். நுரை அடங்கும்முன் அதை உடனே வியர்க்குரு உள்ள இடத்தில் தடவ, விரைவில் வியர்க்குரு உதிர்ந்துவிடும்.

சருமத்துக்கேற்ற சரியான தீர்வு!

மங்கு நீங்க!

நாட்டு மருந்துக் கடைகளில் படிகாரம் கிடைக்கும். அதைப் பொடியாக அரைத்து வைத்துக்கொள்ளவும். புதினா இலைகளைத் தண்ணீர் விடாமல் அரைத்து சாறு எடுத்துக்கொள்ளவும். ஒரு டீஸ்பூன் புதினாச் சாற்றுடன், படிகாரப்பொடி ஒரு சிட்டிகை சேர்த்து முகத்தில் தடவி 15 நிமிடங்கள் ஊறவிடவும். பிறகு, குளிர்ந்த நீரால் முகத்தைக் கழுவவும்.

படிகாரம் பிடிக்காதவர்கள் பார்லி அரிசியை மிக்ஸியில் அரைத்து அரை டீஸ்பூன் புதினா சாற்றுடன் ஜாதிக்காய் எண்ணெய் 3 சொட்டு சேர்த்துக் கலந்து முகத்தில் தடவி 15 நிமிடங்கள் கழித்துக் கழுவி வந்தால், மங்கு படிப்படியாக குறையும்.

சருமத்துக்கேற்ற சரியான தீர்வு!

பருக்கள் மறைய!

முகப்பருவுக்கு எந்தளவுக்கு சிகிச்சை முக்கியமோ, அந்தளவுக்கு தரமான ஃபேஸ் வாஷ் (Face wash) உபயோகப்படுத்துவதும் அவசியம். வெண்சங்கை மஞ்சள் அரைக்கும் கல்லில், சிறிது ரோஸ்வாட்டர் சேர்த்து நன்கு உரசிக் கொள்ளவும். அதனுடன் ஜாதிக்காயைச் சேர்த்து அரைத்தால் அடர்த்தியான பேஸ்ட் மாதிரி வரும். அதை எடுத்து படுக்கப்போகும் முன் முகத்தில் பூசுங்கள். காலையில் எழுந்ததும் கழுவினால் பருக்களும் அதனால் ஏற்படும் தழும்புகளும் மறைந்துவிடும்.

இதேபோல், கால் டீஸ்பூன் திருநீற்றுப்பச்சிலைப் பொடியுடன், 6 சொட்டு எலுமிச்சைச் சாறு அல்லது தண்ணீர் சேர்த்துத் தடவி, 15 நிமிடங்கள் கழித்துக் கழுவினால் பருக்கள் மறையும்.

சருமத்துக்கேற்ற சரியான தீர்வு!

தழும்புகள் குறைய...

பருக்களைக் கிள்ளினாலும், சாதாரணமாக பரு வந்தாலும் அவை தழும்பை ஏற்படுத்திவிடக்கூடும். பொடித்த நெருஞ்சில் முள், கறிவேப்பிலைப் பொடி, சிறிதளவு சலித்த பச்சரிசி மாவு ஆகியவற்றை ஒரு பவுலில் சேர்த்து ஒன்றாகக் கலக்கவும். அதிலிருந்து தேவையான அளவு எடுத்து, தண்ணீர்விட்டு கொரகொரப்பாக இருக்கும் பதத்தில் கலந்து, முகத்தில் மசாஜ் செய்யவும். சிறிது நேரம் கழித்து அந்தக் கலவையில் இருந்து சிறிதளவு எடுத்து தண்ணீர்விட்டு மையாகக் குழைக்கவும். பிறகு, முகத்தில் தடவி 15 நிமிடங்கள் ஊறவிட்டுக் கழுவவும். இதேபோல தொடர்ந்து செய்து வந்தால் பருக்களால் உண்டான தழும்புகள் ஓரளவு மறைந்துவிடும்.

சருமத்துக்கேற்ற சரியான தீர்வு!

கருவளையம் நீங்க...

கண்களின் கீழ்ப்பகுதியில் உள்ள தோலைக் கையால் இழுத்துப் பார்க்கும்போது தோல் வெண்மை நிறமாக தெரிந்தால் ஊட்டச்சத்து குறைபாடு உள்ளதென்று அர்த்தம். கறுத்துக் காணப்பட்டால் மரபணு பிரச்னையாக இருக்கலாம்.

இதுபோன்ற நேரங்களில், நான்கு வெண் தாமரைப்பூக்களின் இதழ்களுடன், விளக்கெண்ணெய்விட்டு மிக்ஸியில் அரைத்து ஃப்ரிட்ஜில் வைக்கவும். க்ரீன் டீயை கொதிக்கவைத்து வடிகட்டி, அதை வட்டமாக வெட்டிய மெல்லிய காட்டன் துணியில் ஒற்றி கண்களில் வைக்கவும். அதன்பிறகு தாமரைப்பூ கலவையை கண்களைச் சுற்றிப் பூசி ஓய்வெடுக்கவும். தொடர்ந்து இப்படி செய்வதால் கண்களுக்குக் கீழ் உள்ள கருவளையம் மறைந்துவிடும்.

சருமத்துக்கேற்ற சரியான தீர்வு!

புருவம் அடர்த்தியாக!

அடர்த்தியாக இருந்த புருவத்தில் முடிஉதிர்வு இருந்தால் தலையில் வரும் பொடுகும் ஒரு காரணமாக இருக்கலாம். எப்போதுமே குறைவாக இருந்தால் அதற்கு மரபுரீதியான காரணம் இருக்கும். புருவம் அழகுடன் அடர்த்தியாக இருக்க, விளக்கெண்ணெயில் ஒருநாள் முழுக்க ஐப்ரோ பென்சிலின் முனை படும்படி ஊறவைக்கவும். இரவு பென்சிலால் அப்ளை செய்துவிட்டு தூங்கவும். தொடர்ந்து இப்படிச் செய்வதால் புருவம் அடர்த்தியாகவும் கருமையாகவும் இருக்கும்.

சருமத்துக்கேற்ற சரியான தீர்வு!

பூனைமுடி உதிர...

பெண்களின் உடலில் நிகழும் ஹார்மோன் மாற்றத்தால் முகத்தில் தேவையற்ற முடிகள் வளர ஆரம்பிக்கின்றன. சில பெண்களுக்கு அதிக அளவில் வளர்ந்திருக்கும். குப்பைமேனி இலைப்பொடி, கோரைக்கிழங்குப் பொடி, கடலை மாவு, கஸ்தூரி மஞ்சள்தூள், அடுப்புச் சாம்பல் ஆகியவற்றைத் தலா 50 கிராம் அளவு எடுத்து ஒரு பவுலில் சேர்த்துக் கலக்கவும். மொத்தமாகக் கலந்த பவுடரில் இருந்து அரை டீஸ்பூன் எடுத்து, அதில் 10 சொட்டு எலுமிச்சைச் சாறு சேர்த்து தேவையற்ற முடிகள் உள்ள பகுதியில் தேய்க்கவும். காய்ந்ததும் நன்கு அழுத்தித் தேய்க்க, முடியின் வேர்க்கால்கள் வலுவிழந்து உதிர்ந்துவிடும். இதைத் தொடர்ந்து மூன்று மாதங்கள் செய்துவர... முழுமையான பலன் கிடைக்கும்.

சருமத்துக்கேற்ற சரியான தீர்வு!

அழகான உதடுகளுக்கு...

உதடுகளை ஈரப்படுத்துவது அல்லது கடிப்பது உள்ளிட்டவை தவறான பழக்கங்களாகும். சிலருக்கு உதடுகளில் பிளவும், உதடுகள் சீரற்ற நிறத்திலும் காணப்படும். தரமற்ற லிப்ஸ்டிக்குகளைப் பயன்படுத்துவதன் மூலம் உதடுகள் நாளடைவில் பொலிவிழந்துவிடும். ஆகவே, தரமான வெளிர்நிற லிப்ஸ்டிக்குகளைப் பயன்படுத்துவது நல்லது.

உதடு பொலிவு பெற, பட்டைப்பொடி ஒரு சிட்டிகையுடன், நாட்டுச் சர்க்கரை ஒரு சிட்டிகை சேர்த்து இரண்டு சொட்டு தேன் கலந்து குழைத்துக்கொள்ளவும். அதை உதடுகளின் மேல் பூசி  தினமும் மசாஜ் செய்துவர... உதடுகள் பூவிதழ்போல அழகாய்ப் பொலிவுறும்.

சருமத்துக்கேற்ற சரியான தீர்வு!

கழுத்தில் கருமை நீங்க...

கவரிங் நகைகள் அணிவதாலும் எடை அதிகமான நகைகள் அணிவதாலும் சிலருக்குக் கழுத்துப் பகுதிகளில் கறுப்பு நிறம் படர்ந்து இருக்கும். கருமை நீங்க வேண்டும் என்பதற்காக அந்த இடத்தில் தேங்காய் நார் வைத்துத் தேய்க்கக் கூடாது.

அதற்குப் பதிலாக, தக்காளி அரை டீஸ்பூன், ஆம்சூர் பொடி கால் டீஸ்பூன், கடலை மாவு அரை டீஸ்பூன், தயிர் கால் டீஸ்பூன் சேர்த்துக் குழைத்து கழுத்துப் பகுதிகளில் தடவிவர... கருமை குறையும். இதைத் தொடர்ந்து 15 நாள்கள் செய்ய வேண்டும்.

- பொன்.விமலா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு