Published:Updated:

அழகுக் கண்கள்... அடர்ந்த புருவங்கள்... ஆசையா?

அழகுக் கண்கள்... அடர்ந்த புருவங்கள்... ஆசையா?
பிரீமியம் ஸ்டோரி
News
அழகுக் கண்கள்... அடர்ந்த புருவங்கள்... ஆசையா?

பியூட்டிஆ.சாந்தி கணேஷ்

ருவளையம் இல்லாத பளிச் கண்கள், கறுத்த அடர்த்தியான புருவங்கள், இமைகள்... இப்படி அமைந்தால் எப்படி இருக்கும் என்கிற ஆசை எல்லோருக்கும் உண்டு. `இந்த ஆசையை வீட்டில் உள்ள பொருள்கள் மூலமே சாத்தியப்படுத்தலாம்' என்கிறார், சென்னையைச் சேர்ந்த அழகுக்கலை நிபுணர் மோனிஷா பிரசாந்த். அத்துடன் கண் சிவந்துபோதல், கண் கட்டி ஆகியவற்றுக்கும் தீர்வுகள் சொல்கிறார்.

அழகுக் கண்கள்... அடர்ந்த புருவங்கள்... ஆசையா?

கருவளையம் வராமல் இருக்க...

* தினமும் எட்டு மணிநேரத் தூக்கம் அவசியம்.

* கம்ப்யூட்டர், மொபைல் என்று தொடர்ச்சியாகப் பார்த்துக் கண்களைச் சோர்வடைய வைக்கக் கூடாது.

* வெயிலில் செல்லும் போது சன் கிளாஸ் போட மறக்க வேண்டாம்.

* குளிர்ந்த நீரில் நனைத்த பஞ்சை தினமும் பத்து நிமிடங்கள் கண்களின் மேல் வைத்து எடுக்கலாம்.

* தூங்கும்போது தலையைச் சற்று உயரவைத்துத் தூங்கினால், முகத்துக்கும் கண்களுக்கும் ரத்த ஓட்டம் பாய்ந்து கருவளையம் வராது.

கருவளையம் மறைய...

* தக்காளிச்சாறு, எலுமிச்சைச்சாறு இரண்டை யும் சம அளவு கலந்து கண்களின் கீழே தடவி, பத்து நிமிடங்கள் கழித்துக் குளிர்ந்த நீரால் கழுவி வர, படிப்படியாகச் சரியாகிவிடும்.

* உருளைக்கிழங்கைக் கழுவி, தோலுடன் துருவிச் சாறெடுத்து, அந்தச் சாற்றில் பஞ்சை நனைத்து கண்களின் மேல் வைத்து சில நிமிடங்கள் கழித்து எடுத்துவர, கருவளையம் மறையும்.

 * பாதாம் எண்ணெயை தினமும் கண்களின் கீழே தடவிவர, கருவளையம் நீங்கும்.

 * காய்ச்சாத பாலை கண்களைச் சுற்றித் தடவுவதும் நல்ல தீர்வாகும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
அழகுக் கண்கள்... அடர்ந்த புருவங்கள்... ஆசையா?

புருவம் மற்றும் கண் இமைகள் உதிராமல் இருக்க...

 எட்டு சொட்டு விளக்கெண்ணெய், பத்து சொட்டு ஆலிவ் ஆயில் இரண்டையும் சேர்த்து லேசாகச் சூடாக்கி, அதில் இரண்டு துளசி இலையைப் போடவும். எண்ணெய் ஆறியதும் எடுத்துவைத்துக்கொண்டு, தினம் விரல்களால் தொட்டு, புருவம் மற்றும் இமைகளில் தடவி வரவும். இமை முடிகள் கொட்டாது; கொட்டினாலும் சரியாகிவிடும்.

சிவந்த கண்கள் குளிர...

கண்கள் சோர்வடையும் அளவுக்கு அவற்றுக்கு  வேலைகொடுப்பது, கான்டாக்ட் லென்ஸுடன் தூங்குவது, கண்களுக்கு ஒப்புக்கொள்ளாத காஸ்மெட்டிக் அயிட்டங்களைப் பயன்படுத்துவது போன்றவற்றைத் தவிர்த்தாலே கண்கள் சிவந்துபோவதைத் தவிர்க்கலாம். ஹைப்போஅலர்ஜினிக் காஸ்மெட்டிக் அயிட்டங்களைப் பயன்படுத்தினால் கண்கள் சிவந்து போகாது.

கண்கள் சிவந்துபோனால், முதலில் வெதுவெதுப்பான நீரில் கைக்குட்டையை நனைத்துக் கண்களுக்குச் சில நிமிடங்கள் ஒத்தடம் கொடுத்துவிட்டு, பிறகு குளிர்ந்த நீரில் ஒத்தடம் கொடுக்கவும். சோர்வு நீங்கி, கண்கள் பால்போல வெண்மையாகும்.

கண் கட்டிகள்... கெட் அவுட்!

இன்னொருவர் பயன்படுத்திய கண்மையைப் பயன்படுத்தாமல் இருப்பது மற்றும் வாரம் இருமுறை எண்ணெய்க்குளியல் செய்வது ஆகியவை கண்களில் கட்டி வருவதைத் தவிர்ப்பதற்கான வழிகள். கட்டி வந்துவிட்டால் வெள்ளரிச்சாறு எடுத்து அதில் பஞ்சை நனைத்துக் கண்களின் மேல் தினமும் ஒரு வாரத்துக்கு வைத்துவர, சரியாகிவிடும்.’’

கவிதை எழுதட்டும் கண்கள்!