தன்னம்பிக்கை
தொடர்கள்
லைஃப்ஸ்டைல்
Published:Updated:

சுகாதாரமான கழிப்பறையும் பெண்ணின் சட்ட உரிமையே! - வழக்கறிஞர் வைதேகி பாலாஜி

சுகாதாரமான கழிப்பறையும் பெண்ணின் சட்ட உரிமையே! - வழக்கறிஞர் வைதேகி பாலாஜி
பிரீமியம் ஸ்டோரி
News
சுகாதாரமான கழிப்பறையும் பெண்ணின் சட்ட உரிமையே! - வழக்கறிஞர் வைதேகி பாலாஜி

சட்டம் பெண் கையில்!

வ்வோர் ஆண்டும் நவம்பர் 19 அன்று உலகக் கழிப்பறை தினத்தை அனுசரிக் கிறோம். ஆனால், சுகாதாரமான கழிப்பறை பெண்களுக்கு இங்கு சாத்தியமாகியிருக்கிறதா? காலம் காலமாகப் பாதுகாப்பற்ற, சுகாதாரமற்ற கழிப்பிடங்களே பெரும்பகுதி பெண்களுக்கு அனுமதிக்கப்பட்டுள்ளன. இயற்கை உபாதைகளைக் கழிக்க, கிராமப்புறப் பெண்கள் ஊரின் ஒதுக்குப்புறங்களில் அத்தனை சங்கடங்களுக்கு இடையில் அச்சத்துடனேயே சென்றுவருகிறார்கள். நகரம், பெருநகரங்களில் பயணங்களில் பெண்கள் சுகாதாரமற்ற கழிப்பிடங்களால் அவதியுறுகிறார்கள்.

சுத்தமான கழிப்பறை பெண்ணின் உரிமை. இந்திய அரசியலமைப்பு சாசனம் 1949 - ஷரத்து 21, மனிதனின் உயிருக்கும் தனிப்பட்ட சுதந்திரத்துக்கும் பாதுகாப்பு அளிப்பதைப் பற்றி விளக்குவதுடன், சுகாதாரம் நமது உரிமை என்பதையும் தெளிவுபடுத்துகிறது. இந்த உரிமையை சக மனிதனுக்குப் பெற்றுத்தர சட்டரீதியாக வழக்கு தொடர்ந்து பலதரப்பினரும் போராடிவருகின்றனர். அதில் சில முக்கிய சட்டக் குறிப்புகள் குறித்துப் பகிர்ந்துகொள் கிறார் வழக்கறிஞர் வைதேகி பாலாஜி.

சுகாதாரமான கழிப்பறையும் பெண்ணின் சட்ட உரிமையே! - வழக்கறிஞர் வைதேகி பாலாஜி

கணவர் வீட்டில் கழிப்பறை கட்டித்தராததால் விவாகரத்து!

ராஜஸ்தான் மாநிலத்தின் பில்வாரா மாவட்டத்தில் உள்ளது அதுன் கிராமம். இந்தக் கிராமத்தைச் சேர்ந்த ஒருவரை 2011-ம் ஆண்டில் திருமணம் செய்து கொண்டு வாழவந்த பெண்ணுக்கு அதிர்ச்சி காத்திருந்தது. புகுந்த வீட்டில் கழிப்பறை இல்லை. திறந்தவெளிக்குச் செல்ல வேண்டிய நிலை. கணவனிடம் கழிப்பறை கட்டித்தரும்படி கேட்டார் மனைவி. கணவன் வீட்டாரோ அவரது கோரிக்கைக்குச் செவிசாய்க்கவில்லை. நான்கு ஆண்டுகள் பொறுத்திருந்து பார்த்துவிட்டுத் தாய் வீட்டுக்கே சென்றுவிட்டார் மனைவி.

இரண்டு ஆண்டுகளாகக் கணவனைப் பிரிந்திருந்த அந்த இளம்பெண் 2015-ல் குடும்பநல நீதிமன்றத்தில் விவாகரத்து வழக்கு தொடர்ந்தார். விவாகரத்து பெற சட்டம் முன்வைக்கும் காரணங்களில் ஒன்றாவது அவர் வசம் இருக்க வேண்டுமே? இந்த வழக்கில் மனைவி முன்வைத்த காரணம் புதுமையானது. ‘என் கணவன் வீட்டில் கழிப்பறை இல்லை’ எனக் கூறி, இதுவரை விவாகரத்து வழக்கில் நீதிமன்றம் கேட்டிராத ஒரு காரணத்தை அவர் முன்வைத்தார். வழக்கை நீதிபதி ராஜேந்திர சர்மா விசாரித்தார். மனைவியின் தரப்பு நியாயத்தை, உள்ளக் குமுறலை, நியாயமான கோரிக்கையை அவர் மதித்தார். ‘இருபத்து ஒன்றாம் நூற்றாண்டில் ஒரு வீட்டில் கழிப்பறை வசதி இல்லை என்பது எத்தகைய அவமானம்? சாராயம், கைப்பேசி வாங்கப் பணம் இருக்கிறது. ஆனால், கழிப்பறை கட்ட முடியாதா? இயற்கை உபாதைகளைக் கழிக்க இருள் சூழும்வரை பெண்கள் காத்திருக்க வேண்டியது கொடுமை, அவலம்’ என நீதிபதி வருத்தம் தெரிவித்தார்.

கழிப்பறை கட்டிய ஆதாரத்தை நீதிமன்றத்தில் சமர்ப்பிக்க கணவர் தரப்புக்கு அவகாசம் கொடுத்தார் நீதிபதி. அவர்கள் அந்த வாய்ப்பை நழுவவிட்டனர். கணவன் வீட்டில் கழிப்பறை இல்லை என்ற காரணத்தை நீதிமன்றமும் ஏற்றது. இதுவும் பெண்ணுக்கு இழைக்கப்படும் மன உளைச்சல் என்று சொன்ன நீதிபதி, அந்தப் பெண்ணுக்குச் சாதகமாகத் தீர்ப்பு வழங்கினார்.

மும்பையிலிருந்து வெளிவரும் மிலுன் சர்யாஜனி என்கிற பத்திரிகையில் பணியாற்றியவர் தொடர்ந்த வழக்கு

இந்திய அரசியலமைப்பு சாசனம், ஷரத்து 47, பொதுமக்களின் சுகாதாரத்தில் அக்கறைகொள்ள வேண்டியது அரசின் கடமை என்று கூறுகிறது. முனிசிபல் கார்ப்பரேஷன் (மாநகராட்சி) அலுவலர்களின் கடமைகள் என்று, மாநில அளவில் தனிச்சட்டங்கள் உள்ளன. அதில் ஒன்று, கழிப்பறைப் பராமரிப்பு. பொது இடங்களில் பெண்களுக்கு அவசியம் கழிப்பறை ஏற்படுத்திக்கொடுக்க வேண்டும் என்று ஷரத்து 226-ன் கீழ் தொடரப்பட்ட பொதுநல வழக்கை விசாரித்த மும்பை உயர் நீதிமன்றம் கோரிக்கைகளை ஏற்றுக்கொண்டு அவற்றை நடைமுறைப்படுத்தும் வழிமுறையையும் கடைப்பிடிக்க வேண்டிய அம்சங்களையும் பட்டியலிட்டது.  அதன்படி...

சுகாதாரமான கழிப்பறையும் பெண்ணின் சட்ட உரிமையே! - வழக்கறிஞர் வைதேகி பாலாஜி


* தன்னார்வத் தொண்டு நிறுவனங் களுடன் இணைந்து அனைத்து முனிசிபல் கார்ப்பரேஷன் அலுவலர்களும் கழிப்பறைத் திட்டத்தை நடைமுறைப்படுத்த வேண்டும். இத்திட்டத்தை அமல்படுத்தத் தனிப்பட்ட குழு அமைக்க வேண்டும். அக்குழுவுக்கு முனிசிபல் கமிஷனர் தலைமை வகிப்பார். முனிசிபல் அலுவலகத்தில் இன்ஜினீயர், இதர அலுவலர்கள், தன்னார்வத் தொண்டு நிறுவனங்களில் இருந்து பெண்கள், பெண்கள் மற்றும் குழந்தைகள் மேம்பாட்டு பொறுப்பு அலுவலர் ஆகியோரும் இடம்பெறுவார்கள். அனைத்து கார்ப்பரேஷன் அலுவலகங்களிலும் இந்த கமிட்டி அமைக்க வேண்டும்.

* இந்தக் கழிப்பறைகள் பெண்களுக்கு அத்தியாவசியமான இடங்களில் அமைக்கப்பட வேண்டும் என்று வலியுறுத்தப்படுகிறது. தனியார் - அரசு என இருதரப்பின் கூட்டாண்மையில் இத்திட்டம் செயல்பட வேண்டும். பராமரிப்பதற்கு அதைப் பயன்படுத்துபவர்களிடமிருந்து கட்டணம் வசூலித்துக்கொள்ளலாம். வெளியிடங்களுக்குப் பயணிக்கும் பெண்கள் எளிதாக அடையாளம் காணும்படியாக பிரதான சாலைகளில், பூங்காக்கள் அருகில், ஆட்டோ ஸ்டாண்டு, பேருந்து நிலையம், அரசு அலுவலகங்கள், பொதுமக்கள் கூடும் இடங்கள் என்று பெண்களின் தேவையை ஆய்வு செய்த பின் அந்தந்தச் சூழ்நிலைகளுக்கு ஏற்ப கழிப்பறை கட்ட வேண்டும். கழிப்பறைகளைப் பயன்படுத்துவோர் எண்ணிக்கை அதிகமாக இருக்காது என்று கருதினால், `இ-டாய்லெட்’டுகளையும் பரிந்துரைக்கலாம்.

* இந்தக் கழிப்பறை பெண்கள் எளிதில் பயன்படுத்தும் விதமாகவும், நகரின் முக்கிய இடங்களிலும் அமைக்கப்படுவது அவசியம். மின்சாரம், தண்ணீர் வசதி மற்றும் அழகியலோடு அமைக்கப்பட வேண்டும். சுற்றுச்சூழலுக்கு இணக்கமாக மின்சாரத்தைச் சேமிக்கும் வகையில் சோலார் வசதிகளையும் செய்துகொள்ளலாம். காற்றோட்ட வசதி, இயற்கையான வெளிச்சம் உள்ளபடியும் அதேநேரம் பெண்களின் பாதுகாப்புக்கு குந்தகமில்லாம லும் தனி யூனிட்டாக அமைக்க வேண்டும். ஆண்கள் கழிப்பறைக்கும், பெண்கள் கழிப்பறைக்கும் இடையில் குறிப்பிட்ட இடைவெளி இருக்க வேண்டும்.

* சோப் விநியோகம், குப்பைத் தொட்டி, கை துடைக்கும் பேப்பர், டிரையர், சானிட்டரி நாப்கினுக்கான குப்பைத்தொட்டி போன்ற வசதிகளும் இருக்க வேண்டும். கட்டணம் செலுத்தி உபயோகிக்கும் கழிப்பறை என்பதால், சானிட்டரி நாப்கின் விற்பனை செய்யும்  வசதியும் இருக்க வேண்டும். இந்தக் கழிப்பறையைச் சுத்தம் செய்ய நியமிக்கப்படும் சுகாதாரப் பணியாளருக்குத் துடைப்பம், பினாயில், குப்பைக்கூடை ஆகியவை வழங்கப்பட்டிருக்க வேண்டும். டிஷ்யூ பேப்பருக்கான குப்பைத்தொட்டி, சானிட்டரி நாப்கின் குப்பைத்தொட்டி எனத் தனித்தனியாகப் பராமரிக்க வேண்டும். கழிப்பறையைப் பயன்படுத்துவோருக்கு, அதை உபயோகிக்கும் முறையை விளக்கும் போர்டு அங்கே வைக்கப் பட்டிருக்க வேண்டும். குறிப்பாக, சானிட்டரி நாப்கின்களை அதற்குரிய குப்பைத்தொட்டியில் மட்டுமே போட வேண்டும் என்பதைக் குறிப்பிட்டிருக்க வேண்டும். பயன்படுத்திய பின் தண்ணீரை வெளியேற்ற வேண்டும். டாய்லெட்டை ஈரமின்றி வைக்க வேண்டும்.

* கழிப்பறையைச் சுத்தம் செய்யப் பெண் ஊழியர் மற்றும் பாதுகாப்புக்காகப் பயிற்சி பெற்ற பெண் செக்யூரிட்டியை நியமிக்க வேண்டும். அவர்கள் சீருடை மற்றும் அடையாள அட்டை அணிந்திருக்க வேண்டும். கழிப்பறையைச் சுத்தம் செய்வது பொதுமக்களின் கூட்டத்தைப் பொறுத்துத் தீர்மானிக்கப்பட வேண்டும். சந்தர்ப்பம் மற்றும் சூழ்நிலையைப் பொறுத்து இரண்டு மணி நேரத்துக்கு ஒரு முறையோ, ஒரு மணி நேரத்துக்கு ஒரு முறையோ சுத்தப்படுத்த வேண்டும். அவ்வாறு சுத்தம் செய்யும் நேரத்தை வெளிப்பக்கம் அறிவிப்புப் பலகையில் எழுத வேண்டும்.

* கழிப்பறைகள் பராமரிக்கப்படும் விதத்தை மாநகராட்சியைச் சேர்ந்த அலுவலர்கள் கண்காணிக்க வேண்டும். கண்காணிப்பை உறுதிப்படுத்த ‘இன்ஸ்பெக்‌ஷன் கார்டு’ கழிவறைகளில் வைக்கப்பட்டிருக்க வேண்டும். பயனாளி களின் விகிதத்தை அறிய ரெஜிஸ்டர் அல்லது பில்லிங் சிஸ்டம் இருக்க வேண்டும். டாய்லெட் பயன்படுத்தியவர்கள் விவரம் மற்றும் கட்டண விவரமும் இடம்பெற வேண்டும்.

* கழிப்பறையின் உள்பக்கம் மட்டுமின்றி கழிப்பறையைச் சுற்றியுள்ள இடங்களையும் சுத்தமாகப் பராமரிக்க வேண்டும். வெளிப்பக்கம் சிசிடிவி கேமரா பொருத்த வேண்டும். இதன் மூலம் குற்ற நடவடிக்கைகள் ஏற்படாமல் தடுக்க இயலும். சுத்தம் செய்தல் மற்றும் பராமரிப்புப் பணிகளுக்கு அவுட்சோர்ஸிங் செய்துகொள்ளலாம். இரவு நேரங்களில் கழிப்பறை இருக்கும் இடத்தை எளிதில் தெரிந்துகொள்ளும் வகையில் விளம்பரப் பலகையை மெயின் ரோட்டில் வைக்க வேண்டும்.

* கழிப்பறையை உபயோகிப்பதற்கான கட்டணத்தை மாநகராட்சி நிர்ணயம் செய்துகொள்ளலாம். அந்தக் கட்டணம் அனைத்துத் தரப்பு பெண்களும் எளிதாகக் கொடுக்கும் வகையில் இருக்க வேண்டும். 24 மணி நேரமும் கழிப்பறையை உபயோகிக்கும் வசதியை ஏற்படுத்திக் கொடுக்க வேண்டும். கழிப்பறையின் பராமரிப்பு நேரத்தை முகப்பில் எழுதி வைக்க வேண்டும்.

* கழிப்பறை சுத்தமில்லாமல் இருந் தாலோ, தண்ணீர் வராமல் இருந்தாலோ, பைப்புகள் உடைந்திருந்தாலோ புகார் அளிக்க டோல் ஃப்ரீ எண், வலைதளம், புகார் எழுதிச் சமர்ப்பிக்கும் இடம் போன்ற விவரங்களை வெளியிட வேண்டும். குறிப்பாக, அவசரக் காலங்களில் தொடர்புகொள்ள வேண்டிய எண்ணை எழுதிவைக்க வேண்டும். புகார் கொடுத்த பின் எடுத்த நடவடிக்கைகளைத் தெரிந்து கொள்ளும் வசதியையும் ஏற்படுத்திக் கொடுக்க வேண்டும். கழிப்பறை வசதிகள் எங்கெங்கு உள்ளன என்று சுற்றுலாப் பயணிகள் மற்றும் பயணம் செய்யும் பெண்கள் தெரிந்துகொள்ளும் வகையில் இணையத்தில் பதிவிட வேண்டும். செய்தித் தாள்கள், எலெக்ட்ரானிக் மீடியாவிலும் தொடர்ந்து விளம்பரம் செய்ய வேண்டும்.

மேற்சொன்ன அனைத்தும் தீர்ப்பில் கூறப்பட்டுள்ள வரையறைகள்.

இப்போதைய நிலவரப்படி கழிப்பறை  அமைக்க மும்பை நெடுஞ்சாலைகளில் 96 இடங்களைத் தேர்வு செய்திருப்பதாக மும்பை மாநகராட்சி நீதிமன்றத்தில் தெரிவித்துள்ளது. மும்பை உயர் நீதிமன்றத் தீர்ப்பின்படி மற்ற மாநிலங்களின் அரசுகளும் இதுபோன்ற முயற்சியை மேற்கொள்ள வேண்டும். அனைத்து மாநிலங்களிலும் சுமார் 20 கிலோமீட்டர் தூரத்துக்கு ஒரு பொதுக்கழிப்பறை அவசியம் இருக்க வேண்டும். ‘வெளியிடங்களில், கழிப்பறைகளைத் தேடிப் பெண்களோ குழந்தைகளோ சிரமப்பட வேண்டாம். அருகில் இருக்கும் ஹோட்டல் மற்றும் ரெஸ்டாரன்ட்டுகளில் உள்ள கழிப்பறைகளைக் கட்டணமில்லாமல் உபயோகித்துக் கொள்ளலாம்’ என்று டெல்லி மாநகராட்சி அறிவித்துள்ளது. இதற்கு டெல்லியில் உள்ள ஹோட்டல் சங்கங்களும் ஒப்புதல் அளித்துள்ளன. இந்நிலை இந்தியா முழுவதும் உருவானால் கழிப்பறைச் சங்கடங்களில் இருந்து பெண்களுக்கு ஆறுதல் கிடைக்கும்.

-   வழக்கறிஞர் வைதேகி பாலாஜி

 ஓவியம் : கோ.ராமமூர்த்தி

கழிப்பறையின்மை பறித்த உயிர்!

வேலூர் மாவட்டம் அடுக்கம்பாறை என்ற கிராமத்தில் கணவர் மற்றும் இரண்டு குழந்தைகளுடன் வசித்து வந்த இளம்பெண் ஒருவர் சமீபத்தில் தற்கொலை செய்துகொண்டார். அவர் இறப்புக்கான காரணம், ஏற்றுக்கொள்ள முடியாதது. ‘வாடகைத் தொகையை அதிகமாகக் கொடுத்தால்தான் கழிப்பறையை உபயோகிக்க அனுமதிப் பேன்’ என்று கழிப்பறையைப் பூட்டி, சாவியை எடுத்துச் சென்றுவிட்டார் வீட்டின் உரிமையாளர். தென்னை மர ஓலையைத் தடுப்பாக்கிக் குளியல் அறையாகவும், இயற்கை உபாதையைக் கழிக்க ஆள் நடமாட்டமில்லாத நேரத்தில் கொல்லைப்புறத்துக்குச் செல்வதும் ஏற்படுத்திய மன உளைச்சலால் அந்தப் பெண் தற்கொலை செய்துகொண்டுள்ளார்.

துயரம்...

வழிகாட்டும் மாவட்டம்!

உத்தரப்பிரதேச மாநிலத்தின் ராய்சன் மாவட்டம் இப்போது அனைவரது கவனத்தையும் ஈர்த்துள்ளது. அந்த மாவட்டத்தின் கிராம நிர்வாகத்தைக் கட்டுப்படுத்தும் தலைமை அலுவலரின் உத்தரவுப்படி அனைத்து வீடுகளிலும் கட்டாயம் கழிப்பறை இருக்க வேண்டும் என்று அறிவிக்கப்பட்டுள்ளது. வீட்டில் கழிப்பறை இல்லாத அரசு ஊழியர்கள் பணியில் இருந்து நீக்கப்படுவார்கள் என்றும் அவர் அறிவித்துள்ளார்.

நன்று!

சுகாதாரமான கழிப்பறையும் பெண்ணின் சட்ட உரிமையே! - வழக்கறிஞர் வைதேகி பாலாஜி

* வெல்லத்தைக் காய்ச்சியதும் வடிகட்டியே உபயோகப்படுத்த வேண்டும். நேரடியாகச் சேர்க்கக் கூடாது. வெல்லத்தில் மண், தூசு இருக்கும்... கவனம்!

சுகாதாரமான கழிப்பறையும் பெண்ணின் சட்ட உரிமையே! - வழக்கறிஞர் வைதேகி பாலாஜி

* மண் சட்டியை வாங்கிய உடன் அடுப்பில் வைத்தால் கீறல் விழுந்துவிடும். எனவே, அரிசி கழுவிய நீர் அல்லது வெறும் நீரில் நான்கு நாள்கள் ஊறவிடுங்கள். ஐந்தாவது நாள் அந்தச் சட்டியைக் கழுவி அடுப்பில் வைத்து தண்ணீர் ஊற்றிச் சுடவைக்கவும். பிறகு, அந்த நீரைக் கொட்டிவிட்டுச் சமைக்க ஆரம்பிக்கலாம்.