Published:Updated:

லாபத்துக்கு லாபம்... உடலுக்கும் ஆரோக்கியம்! - ஜோதி

லாபத்துக்கு லாபம்... உடலுக்கும் ஆரோக்கியம்! - ஜோதி
பிரீமியம் ஸ்டோரி
லாபத்துக்கு லாபம்... உடலுக்கும் ஆரோக்கியம்! - ஜோதி

நீங்களும் செய்யலாம்

லாபத்துக்கு லாபம்... உடலுக்கும் ஆரோக்கியம்! - ஜோதி

நீங்களும் செய்யலாம்

Published:Updated:
லாபத்துக்கு லாபம்... உடலுக்கும் ஆரோக்கியம்! - ஜோதி
பிரீமியம் ஸ்டோரி
லாபத்துக்கு லாபம்... உடலுக்கும் ஆரோக்கியம்! - ஜோதி

து இன்ஸ்டன்ட் உலகம். எந்தக் காரியத்தையும் நின்று நிதானமாகச் செய்ய யாருக்கும் நேரமில்லை, பொறுமையும் இல்லை. எல்லாமே இன்ஸ்டன்ட்டாக நடந்து முடிய வேண்டும்.  இன்ஸ்டன்ட் சிந்தனையில் முதலிடம் சமையலுக்கு. காலையில் குடிக்கிற காபியில் தொடங்கி இரவில் அருந்துகிற பாதாம் பால் வரைக்கும் எல்லாமே இன்ஸ்டன்ட்டாகக் கிடைக்கின்றன. 

லாபத்துக்கு லாபம்... உடலுக்கும் ஆரோக்கியம்! - ஜோதி

பரபரப்பான லைஃப்ஸ்டைலுக்கு இவை பெரும் ஆறுதல் என்றாலும், ஆரோக்கியமானவைதானா என்கிற கேள்வியும் எழாமலில்லை. கடைகளில் கிடைக்கும் இன்ஸ்டன்ட் மிக்ஸ் எல்லாமே ஆரோக்கியத்துக்கு உத்தரவாதம் தருபவையா? தெரியாது. ஆனால், ``அவற்றை வீட்டிலேயே தயாரிக்கும்போது செலவும் குறைவு, ஆரோக்கியமும் உறுதிசெய்யப்படும்'' என்கிறார் சென்னை, சூளையைச் சேர்ந்த ஜோதி. இன்ஸ்டன்ட் மிக்ஸ் பிசினஸில் கலக்குபவர்.

‘‘பத்தாவது படிச்சிருக்கேன். புடவை, சுடிதார் பிசினஸ் பண்ணிட்டிருந்தேன். அந்த பிசினஸை யார் வேணாலும் பண்ணிடலாம். தனித்தன்மையைக் காட்ட முடியாது. என் பெயர் சொல்ற மாதிரியான பிசினஸா இருக்கணும்னு யோசிச்சபோதுதான் இன்ஸ்டன்ட் மிக்ஸ் பிசினஸ் ஐடியா வந்தது. கடைகளில் எல்லா வகையான இன்ஸ்டன்ட் மிக்ஸும் கிடைக்குது. ஆனா, அவையெல்லாமே நம்ம நேரத்தை மிச்சமாக்குமே தவிர,  ஆரோக்கியமா இருக்கிறதில்லை. அந்தக் குறையைப் போக்குகிற மாதிரியான இன்ஸ்டன்ட் மிக்ஸ்தான் என் ஸ்பெஷாலிட்டி'' என்கிற ஜோதி, பாதாம் மிக்ஸ், ராகி மால்ட், சத்துமாவு மிக்ஸ், புட்டு மிக்ஸ் மற்றும் சுக்கு காபி மிக்ஸ் என ஐந்து வகையான இன்ஸ்டன்ட் மிக்ஸ் தயாரிக்கிறார்.

என்னென்ன தேவை... எவ்வளவு முதலீடு?

பாதாம் மிக்ஸுக்கு பாதாம், சர்க்கரை, நாட்டுச் சர்க்கரை அல்லது பனங்கற்கண்டு. சத்து மாவுக்குக் கேழ்வரகு, கம்பு, வரகு, சாமை, தினை, பாதாம், பொட்டுக்கடலை, ஏலக்காய் உள்ளிட்ட 30 வகையான பொருள்கள். புட்டு மிக்ஸுக்குச் சிவப்பு மற்றும் வெள்ளை அரிசி. ராகி மால்ட்டுக்கு கேழ்வரகு, சர்க்கரை. சுக்கு காபிக்குச் சுக்கு, மிளகு, பனங்கற்கண்டு உள்ளிட்ட சில பொருள்கள் என அடிப்படையான மளிகைப் பொருள்கள், பேக்கிங் கவர், எடை மெஷின் போன்ற எல்லாவற்றுக்கும் சேர்த்து 2,000 ரூபாய் முதலீடு தேவைப்படும்.

எவற்றில் கவனம் தேவை?


வாடிக்கையாளர்களின் தேவை அறிந்து தயாரிப்பதுதான் இதில் முக்கியம். அதாவது நம்முடைய வாடிக்கையாளர்களின் வயது, உடல்நிலை, தேவை என எல்லாவற்றையும் கவனத்தில்கொள்ள வேண்டும். சர்க்கரை நோயாளிகளுக்கு சப்ளை செய்வதென்றால், இனிப்பு சேர்ப்பதைத் தவிர்க்கவும், அவர்களின் ஆரோக்கியத்துக்கான மேலும் சில பொருள்களைச் சேர்ப்பதும் அவசியம்.

குழந்தைகளுக்குத் தயாரிக்கிற கஞ்சி மாவு மற்றும் பாதாம் மிக்ஸ் என்றால் ஊட்டம் கூடுதலாக இருக்கும்படி பார்த்துக்கொள்ள வேண்டும். சுவைக்காகவோ, கவர்ச்சியான தோற்றத்துக்காகவோ செயற்கை நிறமிகள், நறுமணமூட்டிகள் சேர்க்கக் கூடாது. தானியங்களை வறுப்பதில் அதிக கவனம் அவசியம். லேசாகக் கருகினாலோ, கூடுதலாகச் சிவந்தாலோகூட மிக்ஸின் சுவை மாறக்கூடும்.

தானியங்களை வறுத்து ஆறவைக்கிற, அரைத்து ஆறவைக்கிற பகுதி சுத்தமாக இருக்க வேண்டும். பல்லி, கரப்பான் பூச்சிகள் நடமாடும் இடமாக இல்லாமலும், ஒட்டடை விழும் இடமாக இல்லாமலும் பார்த்துக்கொள்ள வேண்டும். மொத்தமாக அரைத்து ஸ்டாக் செய்வதற்குப் பதில் அவ்வப்போது ஆர்டருக்கேற்ப தயாரித்து விற்பனை செய்வது உங்கள் பொருளின் தரத்துக்கும் உத்தரவாதம் தரும்.

விற்பனை வாய்ப்பு? லாபம்?

அக்கம்பக்கத்து வீடுகளில்தான் முதல் விற்பனையைத் தொடங்க வேண்டும். நீங்கள் தானியங்களை வறுக்கும்போதே தெருக்கோடி வரை வீசும் வாசம் வாடிக்கையாளர்களை இழுத்துக்கொண்டு வரும். வீட்டுக்கு அருகிலுள்ள சின்னக் கடைகளில் சிறிய அளவு பாக்கெட்டுகளை சாம்பிள் கொடுத்து விற்கச் சொல்லலாம். அடுத்தகட்டமாக அப்பார்ட்மென்ட்டுகள், சூப்பர் மார்க்கெட் போன்றவற்றுக்கு சப்ளை செய்யலாம்.

சத்து மாவை கால் கிலோ 100 ரூபாய்க்கும், புட்டு  மாவை ஒரு கிலோ 180 ரூபாய்க்கும், பாதாம் மிக்ஸை கிலோ 300 முதல் 400 ரூபாய்க்கும், சுக்கு காபி மற்றும் ராகி மால்ட் இரண்டையும் கிலோ 200 ரூபாய்க்கும் விற்பனை செய்யலாம்.
50 சதவிகிதம் லாபம் பார்க்கலாம்.

கடன் வசதி?

இரண்டு, மூன்று பேர் சேர்ந்து முதலீட்டைப் பகிர்ந்துகொண்டு இந்த பிசினஸை ஆரம்பிக்கலாம்.

மகளிர் குழுக்களில் இருப்பவர்களுக்கு உள்கடன் வசதி கிடைக்கும். வங்கிக் கடன் பெறும் வாய்ப்புகளும் உண்டு.

பயிற்சி?

ஒரே நாள் பயிற்சியில் ஐந்து வகை யான இன்ஸ்டன்ட் மிக்ஸ் செய்யக் கற்றுக் கொள்ளலாம். 500 ரூபாய் கட்டணம்.

சாஹா - படம் : ஜெ.வேங்கடராஜ்

ஒட்டுமொத்த விகடனுக்கும் ஒரே ஷார்ட்கட்!

பொடி பிசினஸில் கலக்கும் சுகன்யா செல்வராஜின் வெற்றிக்கதை பார்க்க பக்கம் 76 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism