Published:Updated:

கலக்கமில்லா வாழ்க்கைக்கு கைகொடுக்கும் காப்பீடு !

ம.பிரியதர்ஷினி படம்: செ.பாலநாக அபிஷேக் மாடல்: பாரதி ஸ்ரீராம்

##~##

பத்து ஆண்டுகளுக்கு முன்புவரை இன்ஷூரன்ஸ் பற்றிய விழிப்பு உணர்வை மக்களிடம் ஏற்படுத்த வேண்டியது அரசின் மிகப்பெரிய பொறுப்பாக இருந்தது. இன்று அந்த நிலைமை மாறி, பல்வேறு இன்ஷூரன்ஸ் ஸ்கீம்களின் தகவல்களைப் பற்றிய தேடலில் மக்கள் ஆர்வம் காட்டும் அளவுக்கு, அது வெற்றியடைந்து உள்ளது.

இங்கே இன்ஷூரன்ஸின் அடிப்படைகள் பற்றிப் பேசுகிறார், சென்னையைச் சேர்ந்த ஃபினான்ஷியல் அட்வைஸர் ராஜாராமன் கும்பேஸ்வரன்.

''இந்தியாவைப் பொறுத்தவரை சம்பாதிக்கும் பெண்களுக்கு அனைத்து இன்ஷூரன்ஸ் திட்டங்களும் வழங்கப்பட்டாலும், இல்லத்தரசிகளுக்கு 3 முதல் 5 லட்சம் வரை மட்டுமே இன்ஷூரன்ஸ் கவரேஜ் கொடுக்கின்றன இன்ஷூரன்ஸ் நிறுவனங்கள். எல்.ஐ.சி, பிர்லா, ஐ.சி.ஐ.சி.ஐ. போன்ற நிறுவனங்கள்... கணவரின் இன்ஷூரன்ஸ் ஷரத்துகள், மனைவி பெயரில் உள்ள சொத்துக்கள் உள்ளிட்ட சில கூறுகளின் அடிப்படையில் பெண்ணுக்கான இன்ஷூரன்ஸ் தொகையை நிர்ணயிக்கின்றன.

முன்பெல்லாம் இல்லத்தரசிகளுக்கும் எல்லா இன்ஷூரன்ஸ் திட்டங்களும் வழங்கப்பட்டன. ஆனால்... மண்ணெண்ணெய் அடுப்பு வெடிப்பு, கேஸ் ஸ்டவ் வெடிப்பு என்று மனைவியின் மரணத்தைப்  பதிந்து, அவளுடைய இன்ஷூரன்ஸ் தொகையை கைப்பற்றும் கொலைகாரக் கணவர்களின் எண் ணிக்கை அதிகரிக்கவே, இல்லத்தரசிகளின் செக்யூ ரிட்டிக் காக இன்ஷூரன்ஸ் தொகையைக் குறைத்தார்கள்'' என்கிற தகவலைத் தந்த ராஜாராமன், தொடர்ந்தார்.

கலக்கமில்லா வாழ்க்கைக்கு கைகொடுக்கும் காப்பீடு !

''ஹெல்த், லைஃப் மற்றும் பென்ஷன் பிளான் என, இன்ஷூரன்ஸ் பாலிசி மூன்று வகைப்படும். ஹெல்த் இன்ஷூரன்ஸைப் பொறுத்தவரை குடும்ப உறுப்பினர்களைப் பொறுத்து பிரீமியத்தை முடிவு செய்ய வேண்டும். 35 வயதில் இருக்கும் கணவன், மனைவி, மூன்று வயதுக் குழந்தை உள்ள குடும்பத்துக்கு 4 லட்சம் கவரேஜ் கொண்ட ஹெல்த் இன்ஷூரன்ஸ் பரிந்துரைக்கத்தக்கது. இதுவே, இரண்டு குழந்தைகள் இருந்தால், 5 லட்சம் கவரேஜ் எடுக்கலாம். வருடத்துக்கு 10,000 ரூபாய் பிரீமியம் கட்ட வேண்டியது வரும். 45 வயதுக்கு மேல் கட்டாயம் 10 லட்சம் கவரேஜ் எடுத்துக்கொள்ளுங்கள். இந்த வயதில்தான் உடல் ரீதியான பிரச்னை கள் ஆரம்பிக்கும் என்பதால் இது அவசியம். வருடத்துக்கு 15,000 ரூபாய் ப்ரீமியம். இதற்கு வருமான வரிவிலக்கும் உண்டு.

அடுத்தது, லைஃப் இன்ஷூரன்ஸ். இதை நான்கு விதமாகப் பிரிப்பார்கள்... டேர்ம் இன்ஷூரன்ஸ், மணி பேக் பாலிசி, எண்டோமென்ட் பாலிசி, யூலிப் பாலிசி. இந்த நான்கு பிளான்களில் குறைவான பிரீமியத்தில் அதிக கவரேஜ் எடுத்துக் கொள்ள வழிவகுப்பது... டேர்ம் இன்ஷூரன்ஸ்தான். கிட்டத்தட்ட வாகனங்களுக்கு இன்ஷூரன்ஸ் செய் வது போலத்தான் இதுவும். ஆண்டுதோறும் பணத்தைக் கட்டி இதைப் புதுப்பிக்க வேண்டும். இந்த இன்ஷூரன்ஸ் செய்திருப்பவர் மரணமடையும் பட்சத்தில் மட்டுமே அவருடைய குடும்பத்தைக் காப்பாற்றும் வகையில் மொத்தமாக ஒரு தொகை கிடைக்கும். உதாரணமாக, வருட பிரீமியம் 10,000 ரூபாய் என்றால், இழப்பீட்டுத் தொகையாக ஒரு கோடி கிடைக்கும்.

மணி பேக் பிளான் என்பது, கட்டியிருக்கும் தொகையை குறிப்பிட்ட காலத் துக்கு ஒரு தடவை குறிப்பிட்ட ஒரு தொகையைப் பிரித்துக் கொடுப்பது. அதனாலேயே இது கொஞ்சம் காஸ்ட்லி பிளானும்கூட. ஒருவேளை எதிர்பாராத அசம்பா விதம் ஏதும் நடைபெற்றால், மொத்தப் பணமும் குடும்பத் தாரிடம் வழங்கப்படும்.

கலக்கமில்லா வாழ்க்கைக்கு கைகொடுக்கும் காப்பீடு !

அடுத்தது எண்டோமென்ட் பாலிசி. இதில் மாதா மாதம் கட்டும் பிரீமியம் தொகையும், அதற்கான வட்டியும் சேர்த்து பாலிசி முடிந்த பிறகு வழங்கப்படும். பாலிசி கட்டும் காலத்திலேயே ஏதாவது அசம்பாவிதம் ஏற்பட்டால், அந்தத் தொகை குடும்பத்துக்கு கிடைக்கும். இதற்கான பாலிசி பிரீமியம் சற்று அதிகம். அதேசமயம் ரிட்டர்ன் குறைவு. இந்த இரு வகை பாலிசிகளின் மீது லோன் எடுக்கும் வசதி உண்டு.

'யூலிப் பிளான்' என்பது தொலைநோக்குப் பார்வையுடன் ஆரம்பிக்கப்பட்ட இன்ஷூ ரன்ஸ் பிளான். பங்குச் சந்தை சார்ந்த பிளான்.  ரிட்டயர்மென்ட் லைஃப்புக்காகவோ, மகள் திருமணம், மகன் படிப்பு போன்ற வற்றுக்காகவோ பணம் சேர்க்க, இதைத் தேர்வு செய்யலாம். பாலிசி முடிவடையும் போது முழுப்பணத்துடன், 8 - 10 சதவிகித வட்டியும் கிடைக்கும். பாலிசி முடிவதற்கு முன்னரே ஏதாவது அசம்பாவிதம் ஏற்பட் டால், தொகை குடும்பத்தாரிடம் கொடுக்கப்படும்.

இவை தவிர, பென்ஷன் பிளான் மற்றும் சைல்ட் பிளான் என இரண்டு திட்டங்கள் உள்ளன. பென்ஷன் பிளானில் உங்களுக்கு ரிட்டயர்மென்ட் வயதாகும்போது அதை 'ஆனுட்டி பிளான்' என்று மாற்றிக் கொண் டால், இன்ஷூரன்ஸ் நிறுவனத்தில் இருந்து மாதந்தோறும் பென்ஷன் கிடைக்கும்.

சைல்ட் பிளானில் பாலிசி பெற்றோர் பெயரில் எடுக்கப்பட்டாலும், பலன் அனுபவிப்பது பிள்ளைகளே. இந்தப் பாலிசியில் மூன்று லாபங்கள் இருக்கின்றன. பொதுவாக பாலிசிதாரர் இறந்துவிட்டால், அந்தப் பாலிசியை முடித்து தொகையை நிறுவனங்கள் குடும்பத்தாரிடம் ஒப்படைக்கும். ஆனால், இந்த பாலிசியில், பாலிசிதாரர் இறந்துவிட்டால், பாலிசி தொகை முழுவதை யும் குடும்பத்தாரிடம் கொடுப்பதுடன், பாலிசிதாரர் இடத்தில் இருந்து கம்பெனி தொடர்ந்து முழு பிரீமியம் தொகையையும் கட்டி வரும். பாலிசி முடிந்ததும் மொத்தப் பணமும் வட்டியுடன், சம்பந்தப்பட்ட குழந்தைக்கு 18 வயதில் சென்றடையும். இந்த பிளானை குழந்தைகளின் எதிர்கால கல்வி, திருமணம் என எந்தத் தேவைக்கும் சேமித்து வைக்கலாம்'' என்கிற யோசனைகளுடன் முடித்தார் ராஜாராமன் கும்பேஸ்வரன்!