Published:Updated:

வினு விமல் வித்யா: ஆகாயத்தில் பிறந்த குழந்தை... ஆச்சர்யப்படுத்தும் நோபல் பெண்கள்!

நோபல் பெண்கள்
பிரீமியம் ஸ்டோரி
News
நோபல் பெண்கள்

சஹானா

ப்பார்ட்மென்ட் தோட்டத்தில் அமர்ந்திருந்தாள் வினு. சற்று நேரத்தில் விமலும் வித்யாவும் வந்து சேர்ந்தார்கள். எப்போதுமே தோழிகளைக் கண்டதும் உற்சாகமாகக் குரல் கொடுப்பாள் வினு. இன்று ஏனோ அமைதியாகத் தலையசைத்தாள்.

“என்ன ஆச்சு வினு? உடம்பு எதுவும் சரியில்லையா...” என்று பதறினார் வித்யா.

“உடம்பெல்லாம் நல்லாதான் இருக்கு வித்யாக்கா. ஹத்ராஸ் கொடூரம் என் இயல்பை ரொம்ப சீர்குலைச்சுருச்சு. சரியா தூங்கியே ரொம்ப நாள் ஆச்சு. என்னைவிடச் சின்ன பெண் பலரால் பாலியல் வன்கொடுமை செய்யப்பட்டு, சித்ரவதைகளை அனுபவிச்சு, உயிரையும் விட்டிருக்கா. அந்தக் கொடூரத்தின் தன்மையைச் சொல்வதற்கு தண்டுவடம் உடைஞ்ச எக்ஸ்ரே ஒண்ணே போதும்” என்று சொல்லும்போதே வினு அழ ஆரம்பித்துவிட்டாள்.

“வினு, கொஞ்சம் தைரியமா இரு. இப்படி உடைஞ்சு போயிடக் கூடாது” என்று தேற்றினார் வித்யா.

“அவ அழட்டும். மனசுக்குள்ளே வெச்சிருந்தால் இன்னும் மோசமாயிருவா. பட்டியலின சாதியினர்னு சொல்லி ஒதுக்குகிற மற்ற சாதியினருக்குப் பெண் உடலில் மட்டும் சாதி தெரியாது போல? இது என்ன ஓர் அராஜகம்? எல்லாத்தையும் செய்துட்டு, பாலியல் வன்கொடுமை நடக்கலைன்னு வேற சொல்றாங்க. குற்றவாளிகளுக்கு ஆதரவா போராடுறாங்க... நினைக்க நினைக்க என்னாலயும் தாங்க முடியலை வித்யாக்கா...”

“இவனுகளுக்கு எல்லாம் கடுமையான தண்டனை கொடுக்கணும்” என்றார் வித்யா.

“தண்டனை கொடுத்தால் எல்லாம் இந்தப் பிரச்னைக்குத் தீர்வு வராது வித்யாக்கா. சமூகத்தின் மனநிலையே மாறணும். பெண் குழந்தைகளை ஆண் குழந்தைகள் மாதிரி போல்டா வளர்க்க ஆரம்பிச்சிட்டோம். ஆனா, ஆண் குழந்தைகளைத்தான் பெண் குழந்தைகள் மாதிரி எல்லாத்தையும் புரிய வெச்சு வளர்க்கணும்னு பெண்ணுரிமைப் போராளி க்ளோரியா ஸ்டெனம் சொல்றது சரிதான்” என்றாள் விமல்.

வினு விமல் வித்யா: ஆகாயத்தில் பிறந்த குழந்தை... ஆச்சர்யப்படுத்தும் நோபல் பெண்கள்!

“இத்தனை மக்களுக்கு மத்தியில் இத்தனை மீடியாக்களுக்கு மத்தியில், அதிகாரம் படைச்ச ஒரு குடும்பத்தைச் சேர்ந்த பிரியங்கா காந்தி மேலேயே கை வைக்கிறாங்கன்னா, சாமானியப் பெண்களின் நிலையைச் சொல்ல வேண்டியதே இல்லை” என்றாள் வினு.

“இந்தப் பெருந்தொற்றுக் காலத்துல துணிச்சலோடு போய், பாதிக்கப்பட்ட பெண்ணின் பெற்றோருக்கு ஆறுதல் சொன்ன பிரியங்காவையும் ராகுலையும் யாரும் எளிதில் மறக்க மாட்டாங்க.''

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

``ஆமாம். எல்லோர் மனசையும் கொள்ளை கொண்டுட்டாங்க. சரி... வினுவோட மனநிலையை மாத்துவோம் விமல். நடிகர் சோனு சூட் நிஜ வாழ்க்கையிலும் ஹீரோவா கலக்கறார் பார்த்தீங்களா... தனிமனிதரா வாரம் ஒரு விஷயத்தைச் செய்து எளிய மக்களின் துயர் துடைக்கிறார். இவருடைய மனிதாபிமான சேவைகளைப் பாராட்டி, ஐக்கிய நாடுகள் சபை `நிலையான வளர்ச்சிக்கான இலக்குகள்’ (Sustainable Development Goals) என்ற சிறப்புப் பிரிவு விருதை சோனு சூடுக்கு வழங்கியிருக்கு. இந்த விருதைப் பெற்ற சோனு சூட், நான் எதையும் எதிர்பார்க்காமதான் உதவறேன். அதுக்கு ஓர் அங்கீகாரம் கிடைக்கும்போது என் பொறுப்பு இன்னும் அதிகமாகுதுன்னு நெகிழ்ச்சியாகச் சொல்லியிருக்கார்” என்றார் வித்யா.

“ரொம்ப நல்ல விஷயம்... இந்த ஆண்டுக்கான நோபல் பரிசுகள் அறிவிக்கப்பட்டு வருது. இயற்பியலிலும் வேதியியலிலும் பெண்கள் நோபல் பரிசுகளை வென்றது மகிழ்ச்சியா இருக்கு. இயற்பியலுக்கான நோபல் பரிசை வென்ற ஆண்ட்ரியா கெஸ், வானியலாளராகவும் இயற்பியல் பேராசிரியராகவும் இருக்காங்க. சின்ன வயசில் பாலே நடனம் கற்க விரும்பினாங்க. பிறகு நிலாவில் மனிதர்கள் இறங்கும் நிகழ்ச்சியைப் பார்த்து, தன்னுடைய விருப்பத்தை வானியலுக்கு மாத்திக்கிட்டாங்க. 55 வயது அமெரிக்கரான ஆண்ட்ரியா, இன்னும் ரெண்டு விஞ்ஞானிகளோடு இந்தப் பரிசைப் பகிர்ந்துக்கறாங்க. இயற்பியலில் நோபல் பரிசு பெறும் நான்காவது பெண் என்ற சிறப்பையும் பெற்றிருக்காங்க. வேதியியல் பரிசு வாங்கினவங்களைப் பத்தி வினு சொல்லட்டும்” என்று நிறுத்திய விமல், வித்யா கொண்டு வந்த மிளகு சூப்பைப் பருகினாள்.

“ரெண்டு பெண்கள் ஒரு நோபல் பரிசைப் பகிர்ந்துகிறது இதுதான் முதன்முறை. வேதியியலில் நோபல் வென்ற 51 வயது இமானுவெல் சார்பென்டியர், பிரான்ஸ் நாட்டைச் சேர்ந்தவங்க. நுண்ணுயிரியல், மரபணுவியல், உயிர்வேதியியல்னு பல துறைகளிலும் ஆய்வுகளை மேற்கொண்டு வராங்க. மரபணுத் தொகுதியைத் துல்லியமா நறுக்கிப்பிணைக்கும் தொழில்நுட்பக் கண்டுபிடிப்புக்காக இவங்களுக்கும் ஜெனிஃபர் டவ்டுனாவுக்கும் நோபல் பரிசு வழங்கப்பட்டிருக்கு. 56 வயசு ஜெனிஃபர் அமெரிக்கர். உயிர்வேதியியலாளராக இருக்காங்க. இவங்க ரெண்டு பேருமே 2015-ம் ஆண்டு பிரபல ’டைம்’ இதழ் வெளியிட்ட புகழ்பெற்ற நூறு மனிதர்கள் பட்டியலில் இடம்பிடிச்சவங்க!”

“இலக்கியத்துக்கான நோபல் பரிசும் அறிவிச்சிட்டாங்க. லூயிஸ் க்ளக் என்ற 77 வயது அமெரிக்கக் கவிஞருக்குக் கிடைச்சிருக்கு. இதுவரை மொத்தம் நான்கு பெண்கள் இந்த வருஷம் நோபல் பரிசை வாங்கிருக்காங்க” என்று உற்சாகமாகக் குரல் கொடுத்தாள் வினு.

 பிரியங்கா காந்தி
பிரியங்கா காந்தி

“ஓ... இந்த நான்கு பெண்களுக்காக ஸ்வீட் எடுங்க, கொண்டாடுங்க” என்று டப்பாவைத் திறந்து மைசூர்பாவை எடுத்துக் கொடுத்தார் வித்யா.

ஸ்வீட்டை எடுத்துச் சுவைத்த விமல், “இண்டிகோ விமானம் டெல்லியிலிருந்து பெங்களூருவுக்கு வந்திட்டிருந்தது. திடீர்னு ஒரு பெண்ணுக்குப் பிரசவ வலி வந்துடுச்சு. நல்லவேளை ஒரு மருத்துவர் விமானத்தில் இருந்திருக்கார். அதனால் நல்லவிதமா குழந்தை பிறந்துடுச்சு. ஆகாயத்தில் பிறந்த இந்தக் குழந்தைக்கு, வாழ்நாள் முழுவதும் இலவசமாகப் பயணம் செய்ய அனுமதி கொடுத்திருக்கு இண்டிகோ நிறுவனம்!” என்றாள்.

“பாதுகாப்பு கருதி 32 வார கர்ப்பத்துக்கு மேல விமானத்தில் பயணிக்க அனுமதிக்க மாட்டாங்களே விமல்...’’ என்று கேட்டார் வித்யா.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

“நீங்க சொல்றது சரிதான் வித்யாக்கா. இந்தப் பெருந்தொற்று காலத்துல அதைக் கடைப்பிடிக்கலையோ என்னவோ... ஆனா, இது குறைமாசப் பிரசவம்னு சொல்லிருக்காங்க. யாராவது சீன வானொலி தமிழ் பிரிவு (CRI Tamil) நடத்தும் ஃபேஸ்புக் பக்கத்தைப் பார்த்திருக்கீங்களா... ரொம்ப சுவாரஸ்யமா இருக்கும். அதில் வேலை செய்யும் சீனப் பெண்களும் ஆண்களும் தமிழ்ப் பெயர்களில்தான் தங்களை அறிமுகம் செய்துப்பாங்க. அழகுத் தமிழில் அமர்க்களமாகப் பேசுவாங்க. புதுப் புது இடங்கள், விவசாய நிலங்கள், சமையல், தேனீ வளர்ப்பு... இப்படிப் பல விஷயங்களை வீடியோவா வெளியிடறாங்க. அவங்க பேசும் தமிழைக் கேட்க அவ்வளவு நல்லா இருக்கு. கடினமான வார்த்தைகளைக்கூட கஷ்டப்பட்டாவது சொல்லிடறாங்க.”

“நான் ஃபாலோ பண்றேன் விமல். நல்லா இருக்கும். வித்யாக்கா அந்தப் பக்கத்தை லைக் பண்ணி வெச்சிடுங்க. அவங்க தமிழை என்ஜாய் பண்ணுங்க. என்ன வித்யாக்கா, மேடி படம் வந்திருக்கே, பார்க்கலையா?”

“சைலன்ஸா? இன்னும் பார்க்கலை வினு. அது எப்படி இருந்தாலும் பார்த்துடுவேன். மாதவன் எப்பவோ நடிக்கிறார். அதை மிஸ் பண்ணிட மாட்டேன். நீ பார்த்துட்டியா?”

“வித்யாக்கா, நீங்கதான் மேடி ஃபேன். நான் ஏன் பார்க்கப் போறேன்?!”

“இதெல்லாம் டூமச் வினு. நம்ம எஸ்பிபி சார் இப்படி ஏமாத்திட்டுப் போயிட்டாரே... நாலு நாள் என்னால சாப்பிட, தூங்க முடியலைப்பா. பாடல்களைக் கேட்டுட்டே இருந்தேன்...”

“அவர் எல்லாம் இன்னும் காலாகாலத்துக்கும் வாழ்ந்துட்டுதான் இருப்பார் வித்யாக்கா. ரொம்ப நல்ல மனிதர்னு சொல்லாதவங்களே இல்லை. கொரோனா காலத்திலும் எவ்வளவு கூட்டம்? இஸ்லாமியப் பெண் ஒருத்தங்க தன் மகளுடன் மழையில் இரவு நேரத்தில் அஞ்சலி செலுத்த ஓடிவந்ததைப் பார்த்தபோது பிரமிப்பா இருந்துச்சு. நம்ம பெண்கள் எல்லாம் தங்கள் துயரத்தை அவருடைய பாடல்கள்லதான் கரைச்சிருக்காங்க... ”

“வினும்மா, நேரமாச்சு. நானும் விமலும் கிளம்பறோம்?” என்று கடிகாரத்தைப் பார்த்தார் வித்யா.

“ஓகே வித்யாக்கா. அடுத்த தடவை எங்கே மீட் பண்ணலாம்னு சொல்றேன். சென்னையில் கொரோனா பரவல் அதிகமாகுது. கவனமா இருங்க. பை” என்று எழுந்தாள் வினு.

வித்யாவும் விமலும் தங்கள் ஸ்கூட்டிகளை எடுத்துக்கொண்டு கிளம்பினார்கள்.

(அரட்டை அடிப்போம்!)