Published:Updated:

பெற்றோர்களுக்கும் குழந்தைகளுக்கும்: ஆண்களுக்கும் சொல்லித் தர வேண்டும்!

பெற்றோர்களுக்கும் குழந்தைகளுக்கும்
பிரீமியம் ஸ்டோரி
பெற்றோர்களுக்கும் குழந்தைகளுக்கும்

பாலியல் மருத்துவர் காமராஜ்

பெற்றோர்களுக்கும் குழந்தைகளுக்கும்: ஆண்களுக்கும் சொல்லித் தர வேண்டும்!

பாலியல் மருத்துவர் காமராஜ்

Published:Updated:
பெற்றோர்களுக்கும் குழந்தைகளுக்கும்
பிரீமியம் ஸ்டோரி
பெற்றோர்களுக்கும் குழந்தைகளுக்கும்

குழந்தைகளிடம் பாலியல் குறித்த விஷயங்களைப் பேசுவதால் பிரச்னைகள் வராதா என்ற கேள்வி பல பெற்றோருக்கு உண்டு.

இந்த விஷயங்களை அவர்களுக்கு ஏன் சொல்லித்தர வேண்டும் என்பதைப் புரிந்துகொண்டால் இந்தக் கவலை வராது. இந்தத் தலைமுறை பிள்ளைகள் ரொம்பவும் சிக்கலான, வேகமான மாற்றங்களுக்குள்ளாகும் காலகட்டத்தில் இருக்கிறார்கள்.

20 ஆண்டுகளுக்கு முன் ஆபாசப் படங்கள் குழந்தைகள் கைகளுக்கு எளிதாகக் கிடைக்காது. கூட்டுக்குடும்பங்கள் சிதையாமலிருந்தவரை, உணர்வுகள் கவனிக்கப்பட்டன; புரிந்து கொள்ளப்பட்டன. பாரம்பர்யம் பாதுகாக்கப் பட்டது. எல்லாவற்றையும் பார்த்துக்கொள்ள வீட்டில் ஆட்கள் இருந்தார்கள். இன்று எல்லாமே மாறிவிட்டன.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

மீடியாவில் ஏற்பட்ட புரட்சியும் இணையத் தின் வளர்ச்சியும் பிள்ளைகள் விரும்பினாலும் விரும்பாவிட்டாலும் தேடிவந்து தகவல்களைக் கொட்டுகின்றன. இப்படி பிள்ளைகளை வந்து சேரும் அனைத்தும் பயனுள்ள தகவல்களா என்றால் இல்லை. பல நேரங்களில் பல தகவல்கள் தேவையற்றவையாகவும் குழப்பங்களைத் தருபவையாகவுமே இருக்கின்றன. எது சரி, எந்த முடிவை எடுக்க வேண்டும் என்கிற வழி காட்டுதல் தேவைப்படுகிறது. அதைக் கொடுக்க வேண்டிய பொறுப்பு பெற்றோர் களுக்கு உள்ளது.

பெற்றோர்களுக்கும் குழந்தைகளுக்கும்: ஆண்களுக்கும் சொல்லித் தர வேண்டும்!

செக்ஸ் பற்றிய பேச்சு என்பது பிள்ளை களின் பாலியல் உணர்வுகளைத் தூண்டுகிற வேலை என்று அர்த்தமில்லை. பாலியல் பற்றிய அடிப்படை விஞ்ஞான அறிவு, பொறுப்புகள், ஆளுமை, உடல், மனமாற்றங்கள் என அனைத்தையும் அவர்களுக்குச் சொல்லித் தருகிற செயலே இது.

ஆணும் பெண்ணும் மிருகங்களைப் போல உடலியல் தேவைகளை மட்டும் வைத்துக் கொண்டு வாழ்வதில்லை. உணவுக்காகப் பொருளீட்டுவதும் இனப்பெருக்கம் செய்வதும் மட்டுமே அவர்களின் நோக்கங்களாக இருப்பதில்லை. சரி எது, தவறு எது, அழகானது எது, அழகற்றது எது, முறையானது எது, முறையற்றது எது என்று தெரிந்து முடிவெடுக்கிறார்கள்.

பாலியல் கல்வி பிள்ளைகளின் ஆளுமையை முறைப்படுத்த உதவும்!

எந்த வயதானாலும் எந்தப் பாலினமாக இருந்தாலும் எந்த அந்தஸ்தில் இருந்தாலும் பாலியல் பற்றிய உணர்வுகளும் புரிந்துணர்வுகளும்தாம் முக்கியமான பங்கு வகிக்கின்றன. மதம், வாழ்விடங்களைப் பொறுத்து பாலியல் விஷயங்களில் சில நேரங்களில் அவர்கள் தவறான விஷயங்களைப் புரிந்துகொள்கிறார்கள். அவற்றில் சரியானவற்றைச் சொல்லித் தர வேண்டியது அவசியம். தேவையற்ற போதைப் பழக்கங்கள், மது, சிகரெட் தவிர்த்த வாழ்க்கை முறையின் அவசியத்தை முறையான பாலியல் கல்வியின் மூலம் உணரவைக்க முடியும்.

குழந்தைகளுக்கு என்ன சொல்லித்தர வேண்டும்?

சுயமதிப்பீடு மற்றும் அணுகுமுறை, திறமைகள் மற்றும் தகுதிகள், படிப்பு, விளையாட்டு உட்பட அன்றாட வாழ்க்கையில் உள்ள சவால்கள், போதை மருந்துகள், மது, பாதுகாப்பற்ற செக்ஸ் போன்று தவிர்க்க வேண்டிய தீமைகள், ஓய்வு, உடற்பயிற்சி மற்றும் கேளிக்கை என உடலுக்கான தேவைகள், வீட்டில், வெளியில், பள்ளியில் சமுதாயத் தேவைகள், பிரச்னைகள், மன அழுத்தம், பதற்றம் என உணர்வு தொடர்பான அணுகுமுறைகள், ஆரோக்கியமாக இருப்பதற்கான பொறுப்புணர்வு... இவற்றை யெல்லாம் பிள்ளைகளிடம் பேச வேண்டும்.

பாலியல் கல்விக்கு ஏன் முக்கியத்துவம் தர வேண்டும்? அது அப்படி எதையெல்லாம் போதிக்கும்?

பாலியல் என்பது இயல்பான ஒரு விஷயம். தன் உடலைப் பற்றித் தெரிந்துகொள்வதும் அதில் ஆர்வம் காட்டுவதும் அப்படித்தான். எல்லா மனிதர்களுமே - ஆணோ, பெண்ணோ - செக்ஸ் உணர்வுகளுடன்தான் இருப்பார்கள்.

பாலியல் என்பது உடல்ரீதியான, உளவியல் ரீதியான, உணர்வு ரீதியான, சமுதாய ரீதியான பரிமாணங்களைக் கொண்டது.

ஒவ்வொரு மனிதனுக்கும் சுயமதிப்பும் கண்ணியமும் இருக்கும். பாலியல் நடத்தை என்பது ஒவ்வொரு மனிதனுக்குள்ளும் ஆழமான உணர்வுகளை ஏற்படுத்தும்.

பெற்றோர்களுக்கும் குழந்தைகளுக்கும்
பெற்றோர்களுக்கும் குழந்தைகளுக்கும்

ஒவ்வொரு தனிமனிதனும் பாலியல் விஷயங்களை வெவ்வேறு முறைகளில் வெளிப்படுத்துகிறான்.

பன்முக கலாசாரம் கொண்ட நம் நாட்டில் பாலியல் விஷயங்களில் வேறு வேறு விதமான நம்பிக்கைகள் இருப்பதைப் பார்க்கலாம்.

பாலியல் உறவுகள் எப்போதும் ஒருவரைச் சுரண்டுவதாகவோ, மிரட்டுவதாகவோ இருக்கக் கூடாது. அது காதல் உட்பட எதுவாக இருந்தாலும்...

பாலியல் உறவு என்பது இரண்டு பேரின் பரஸ்பர நம்பிக்கை, மரியாதை, நேர்மை மற்றும் கமிட்மென்ட்டுடன் இருக்க வேண்டும்.

எல்லாக் குழந்தைகளுக்கும் அன்பு, அக்கறை, கொடுக்கப்பட வேண்டும். பாலியல் ரீதியான ஒவ்வொரு முடிவுக்கும் ஒரு விளைவு உண்டு. உதாரணத்துக்குத் தேவையற்ற கர்ப்பம், பாலியல் நோய்களால் பாதிக்கப்படுவது போன்றவை.

ஒவ்வொரு தனி மனிதரும், தான் நம்பிக்கை வைத்த நபர்களுடன் (மருத்துவர்கள், ஆசிரியர்கள் போன்று) பாலியல் குறித்த விஷயங்களை விவாதிக்க வாய்ப்புகள் அளிக்கப்பட வேண்டும்.

இளம் பிள்ளைகள் பாலியல் உணர்வுகள் பற்றி ஆராய்வது இயல்பானது. சில நேரம் இது பெற்றோருக்கு அதிர்ச்சியளிக்கும் விஷயமாக இருக்கலாம். ஆர்வங்களின் அடிப்படையில் அவற்றை அனுபவித்துப் பார்க்க நினைப்பது ஆபத்தில் முடியலாம் என்பதைப் பிள்ளைகளுக்குப் பெற்றோர் போதிக்க வேண்டும்.

பாலியல் நடத்தை என்பது பொறுப்புணர் வோடு இருக்க வேண்டும். குழந்தைகளுக்கு அவர்களின் சந்தேகங்களைக் கேட்டுத் தெளிவு பெறவும், உடல் ரீதியான பிரச்னை களைக் காட்டவும் ஹெல்த் கேர் சேவைகள் மேற்கொள்ளப்பட வேண்டும்.

பாலியல் கல்வி என்பது மனித உரிமை சார்ந்ததும்கூட. பாலியல் கல்வியில் பெண்களுக்கு இழைக்கப்படுகிற அநீதிகளைப் பற்றி அதிகம் பேசுகிறோம். அதைப் பற்றி ஆண்களுக்கும் சொல்லித் தர வேண்டும். ஆண் பெண் வித்தியாசம் என்பது செக்ஸ் விஷயத்திலும் குழந்தைப் பேற்றிலும் ஆண்களுக்கு ஒருவித அதிகாரத்தைத் தருகிறது.

பெற்றோர்களுக்கும் குழந்தைகளுக்கும்: ஆண்களுக்கும் சொல்லித் தர வேண்டும்!

இந்தியாவில் ஆண் குழந்தைகளைத்தான் வாரிசாக நினைத்து ஆண் குழந்தையைப் பெற்றுக்கொள்ளவே நினைக்கிறார்கள். பெண்களுமே அப்படித்தான் விரும்ப வைக்கப்படுகிறார்கள். சில நேரங்களில் பெண் குழந்தைகளைப் பெற்றால் அந்தக் குழந்தைகளைக் கொல்லும் அநீதியைக்கூடப் பார்க்கிறோம். பாலினம் அறிந்து, பெண்ணாக இருப்பின் அதை அழிக்கும் ‘செக்ஸ் செலக்ட்டிவ் அபார்ஷன்’ எனப்படுகிற கொடுமையும் பல இடங்களில் நடக்கிறது.

பெண்ணுக்குத் தன் விருப்பமின்மையை வெளிப்படுத்தும் சுதந்திரம் இல்லை. நிறைய குழந்தைகள் இருந்தாலும், மீண்டும் மீண்டும் கர்ப்பம் தரிப்பதையும், அதனால் பல பாதிப்புகளுக்கு உள்ளாவதையும் பார்க்கிறோம். பெரும்பாலான பகுதிகளில் ஆண் குழந்தைகளுக்குக் கொடுக்கப்படும் ஊட்ட உணவுகள் பெண் குழந்தைகளுக்குக் கொடுக்கப்படுவதில்லை.

வயதுக்கு வருவதற்கு முன்பே திருமணம் செய்துகொடுப்பதும், பூப்பெய்திய உடனே கர்ப்பம் தரிப்பதும் தொடர்ந்துகொண்டுதான் இருக்கிறது. பெண்ணுறுப்புச் சிதைப்பு அவலங்களும் நின்றபாடில்லை.

வயதுக்கு வரும் பெண் குழந்தைகள் உடல், மனரீதியாக ஏராளமான காயங்களை எதிர்கொள்கிறார்கள். பெண் குழந்தைகள் தம் உரிமைகளைப் பற்றிப் பேச வாய்ப்பின்றி வளர்க்கப்படுகிறார்கள். குழந்தைப்பேறு தொடர்பான முடிவுகளை எடுக்கும் உரிமை பெண்ணுக்கு இருக்கவேண்டும். ஆனால், இந்த விஷயங்கள் பெரும்பாலும் அந்தப் பெண்ணால் தீர்மானிக்கப்படுவதில்லை.

திருமணமாகாத பெண் மரியாதையுடன் சமுதாயத்தில் நடத்தப்பட வேண்டும்.

இவற்றைப் பற்றியெல்லாம் ஆண் குழந்தை களுக்கும் சொல்லித்தருவதுதான் சிறந்த தீர்வாக இருக்கும்.