Published:Updated:

2K Kids: விளையாட்டில் பாலின ஊதிய பாகுபாடு... இது பேசப்பட வேண்டிய நேரம்!

2K Kids
பிரீமியம் ஸ்டோரி
2K Kids

நவீன்குமார்.வே

2K Kids: விளையாட்டில் பாலின ஊதிய பாகுபாடு... இது பேசப்பட வேண்டிய நேரம்!

நவீன்குமார்.வே

Published:Updated:
2K Kids
பிரீமியம் ஸ்டோரி
2K Kids

லகம் முழுவதும் எல்லா துறைகளிலும் ஆண்களுக்கு வழங்கப்படும் ஊதியம் பெண்களுக்கும் வழங்கப்பட வேண்டும் என்ற கோரிக்கை வலுப்பெற்று வருகிறது. குறிப்பாக, விளையாட்டுத் துறையில் ஆண்களுக்கு இணையாக பெண்களுக்கும் ஊதியம் மற்றும் பரிசுத்தொகை வழங்கப்பட வேண்டும் என்ற கோரிக்கை, போராட்டங்களை நோக்கிச் சென்றுகொண்டிருக்கிறது.

கிரிக்கெட்... 7 கோடி வெர்சஸ் 50 லட்சம்!

ஆணாதிக்க சமூகத்தில் விளை யாட்டுகளும்கூட ஆண்களுக் கானவை என்றுதானே என்று கட்ட மைக்கப்பட்டிருக்கிறது. பார்வை யாளர்களிலேயே பெண்களை சேர்த்துக்கொள்ளாதவர்கள், ஆடுகளத்தில் அவர்களை எவ்வாறு நடத்துவார்கள் என்று சொல்லத் தேவையில்லை. அதனால்தான் ஆண்கள் கிரிக்கெட் அணிக்கு அளிக்கப் படும் முக்கியத்துவமும் வரவேற்பும், விளம்பரங்களும் மகளிர் கிரிக்கெட் அணிக்கு வழங்கப்படுவதில்லை.

இந்திய கிரிக்கெட் வாரியம் வெளியிட்டுள்ள ஆண்கள் அணிக்கான 2019-2020-ம் ஆண்டுக்கான வீரர்களின் ஊதியப் பட்டியலில், நான்கு பிரிவுகள் உள்ளன. முதல்நிலை வீரர்களுக்கு ஆண்டுக்கு 7 கோடி ரூபாய் வழங்கப் படும் எனவும், இரண்டாம் நிலை வீரர்களுக்கு 5 கோடி, மூன்றாம் நிலை வீரர்களுக்கு 3 கோடி, நான்காம் நிலை வீரர்களுக்கு 1 கோடி எனவும் குறிப்பிடப்பட்டுள்ளது.

ஆனால், இந்திய மகளிர் கிரிக்கெட் அணியில் மூன்று பிரிவுகளே உள்ளன. முதல் நிலை வீராங்கனைகளுக்கு 50 லட்சம் ரூபாய், இரண்டாம் நிலை வீராங்கனைகளுக்கு 30 லட்சம், மூன்றாம் நிலை வீராங்கனைகளுக்கு 10 லட்சம் என்று குறிப்பிடப்பட்டுள்ளது.

2K Kids: விளையாட்டில் பாலின ஊதிய பாகுபாடு... இது பேசப்பட வேண்டிய நேரம்!

100-ல் ஒருவர்கூட பெண் இல்லை!

2018-ம் ஆண்டு ‘ஃபோர்ப்ஸ்’ வெளியிட்ட ‘அதிக ஊதியம் பெறும் 100 விளையாட்டு வீரர்கள்’ பட்டியலில் இடம்பெற்ற அனைவருமே ஆண்கள்தான். ஒரு பெண்கூட இடம்பெறவில்லை. விளையாட்டுத் துறையில் ஆண்களின் சம்பளத்தை நெருங்கவும் முடியாத தொலைவில் பெண்கள் நிறுத்தி வைக்கப்பட்டிருக்கிறார்கள். 2017-ம் ஆண்டின் இந்தப் பட்டியலில், டென்னிஸ் வீராங்கனை செரீனா வில்லியம்ஸ் மட்டுமே ஒரே பெண்ணாக இடம் பெற்றிருந்தார். 56-வது இடம்.

டென்னிஸ் விளையாட்டு... தம்ஸ் அப்!

ஆண், பெண் சம்பளத்தில் குறைந்த இடைவெளியைக் கொண்டுள்ள விளையாட்டு, டென்னிஸ். மேலும் 2007 முதல், ஆஸ்திரேலிய கிராண்ட் ஸ்லாம்ஸ், ஆஸ்திரேலிய ஓப்பன், பிரெஞ்சு ஓப்பன், விம்பிள்டன் மற்றும் யு.எஸ் ஓப்பன்... இந்தப் போட்டிகளில் எல்லாம் ஆண் மற்றும் பெண் வெற்றியாளர்களுக்கு சமமான பரிசுத் தொகை வழங்கப்பட்டது குறிப்பிடத்தக்கது. உதாரணமாக, 2018-ம் ஆண்டு யு.எஸ் ஓப்பன் போட்டி யில் வென்ற வீரர் நடாலுக்கும், வீராங்கனை ஸ்லோனுக்கும் தலா 3.7 மில்லியன் டாலர் பரிசுத்தொகை சமமாக வழங்கப்பட்டது. அந்த வகையில், டென்னிஸ் விளையாட்டுக்கு தம்ஸ் அப்.என்றாலும், போட்டிகளுக்கு வெளியே பெண்களுக்கு வழங்கப்படும் ஊதியத்தில் பாகுபாடு உள்ளது என்பதே உண்மை.

ஃபுட்பாலிலும் தொடரும் பே-கேப்!

2015 ஃபிஃபா மகளிர் உலகக் கோப்பை, பார்வையாளர்களின் எண்ணிக்கையில் புதிய சாதனை படைத்தது. ஆனால் அவர்களின் ஊதியத்தைப் பார்த்தால், ‘அடப் போங்கப்பா’ என்றாகிறது.

இங்கிலாந்தில் பெண் கால்பந்து வீரர்களை விட ஆண் கால்பந்து வீரர்களுக்கு 23 சதவிகிதம் சம்பளம் அதிகமாக வழங்கப்படுகிறது. இங்கிலீஷ் பிரீமியர் லீக்கில் விளையாடும் ஆண் வீரர்கள், எஃப்.ஏ விமன்’ஸ் சூப்பர் லீகில் விளையாடும் பெண் வீரர்களைவிட 100 சதவிகிதம் அதிகம் சம்பளம் பெறுகிறார்கள்.

போராட்டங்கள் ஆரம்பம்!

பல ஆண்டுகளாகவே விளையாட்டுத் துறையில் பெண்கள் ஆண்களுக்கு சமமான ஊதியம் கேட்டுப் போராடி வருகின்றனர். உலகின் சிறந்த பெண்கள் சாக்கர் அணியான அமெரிக்க பெண்கள் தேசிய சாக்கர் அணி, 2019-ம் ஆண்டு அமெரிக்க சாக்கர் ஃபெடரேஷனுக்கு எதிராக, பாலின ஊதிய பாகுபாடு குறித்த சட்டபூர்வ புகாரைப் பதிவு செய்தது. விளையாட்டுகளில் பாலின ஊதிய இடைவெளி ஏன்?

பொதுவாக, ஆண்களின் விளையாட்டு அதிக ஊடக கவரேஜ், தொலைக்காட்சி உரிமங்கள் மற்றும் ஸ்பான்ஸர்ஷிப் ஒப்பந்தங் களைப் பெறுகிறது; அதில் அதிக வருவாய் கிடைக்கிறது. எனவே, அந்த விளையாட்டு வீரர்களுக்கு அதிக சம்பளம் வழங்கப்படுகிறது. மேலும், அவர்கள் தனிப்பட்ட விளம்பர, வர்த்தக ஒப்பந்தங்களின் மூலமும் அதிக வருவாய் பெறுகிறார்கள். இவற்றில் எல்லாம் பெண்கள் விளையாட்டுகள் பின்தங்கியிருக்கின்றன. காரணம், நாம் அறியாத தல்ல.

ஆணாதிக்க சமூகத்தில் விளையாட்டுகளும்கூட ஆண்களுக்கானவை என்றுதானே கட்டமைக் கப்பட்டிருக்கிறது.