Published:Updated:

64 வயதில் அழகிப் போட்டியில் வெற்றி! - ரஞ்சனா

Ranjana
பிரீமியம் ஸ்டோரி
Ranjana

வாவ் பெண்கள் 60+

64 வயதில் அழகிப் போட்டியில் வெற்றி! - ரஞ்சனா

வாவ் பெண்கள் 60+

Published:Updated:
Ranjana
பிரீமியம் ஸ்டோரி
Ranjana

‘`பெண்களுக்கு, ‘ஆன்ட்டி’ என்று குழந்தைகள் தங்களை அழைக்கும் வயது வந்தவுடனேயே, தங்கள் தோற்றம் குறித்த ஆர்வமும் தன்னம்பிக்கையும் குறைய ஆரம்பித்துவிடும். உண்மையில், அதற்குப் பின்னர்தான் நம் ஆரோக்கியத்திலும் அழகிலும் அக்கறை எடுத்துக்கொள்ள வேண்டும். அதனால்தான், என்னால் 64 வயதிலும் அழகிப் போட்டியில் வெற்றி பெற முடிந்திருக்கிறது. ஐயாம் எ பாட்டி பியூட்டி!” - அசத்தலாகப் பேசுகிறார் ரஞ்சனா. சமீபத்தில் ‘மிஸஸ் இந்தியா 2019’ அழகிப்போட்டியில் செகண்டு ரன்னர் அப் பட்டத்தை வென்றிருப்பவர். பெங்களூரில் வசிக்கும் ரஞ்சனாவிடம் பேசினோம்.

‘`என் பூர்வீகம் ராஜஸ்தான். கடந்த 50 ஆண்டுகளுக்கும் மேல் பெங்களூரில் வசிக்கிறேன். பொதுத்துறை வங்கியில் பணிபுரிந்து ஓய்வுபெற்றேன். என் கணவர் தமிழர்; தொழிலதிபர். எனக்கு இரு பெண் குழந்தைகளும், 20 வயதில் பேரனும் இருக்கிறார்கள். ‘Savvy’ ஆங்கில இதழ், திருமணமான பெண்களுக்கான அழகிப் போட்டியை அறிவித்தது. 25 - 35 வயதுவரை ஒரு பிரிவாகவும், 36 - 50 வயதுவரை மற்றொரு பிரிவாகவும் இரு பிரிவுகளில் போட்டியை நடத்தவிருப்பதாக அந்த அறிவிப்பு சொன்னது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

`50 வயதுக்கு மேற்பட்ட பெண்களுக்கு ஏன் அழகிப் போட்டி இல்லை?’, `அவர்களுக்கும் அழகுக்கும் தொடர்பற்றுப் போய்விடுமா?’ - எனக்குள் எழுந்த இந்தக் கேள்விகளை, நானும் என் தோழியும் இணைந்து ஒரு கடிதமாக எழுதி, போட்டியை அறிவித்த நிர்வாகிகளுக்கு அனுப்பினோம்.

Ranjana
Ranjana

என் கடிதம் கிடைக்கப்பெற்ற நிர்வாகிகள், வயது உச்ச வரம்பை 65 ஆக உயர்த்தி அறிவித்தனர். இதனால் நானும், என் வயதையொத்த இன்னும் சில பெண்களும் போட்டியில் ஆர்வத்துடன் கலந்துகொண்டோம். வெற்றி, தோல்வி என்பதையெல்லாம்விட, அந்த அனுபவம் மிகுந்த உற்சாகம் அளிப்பதாக இருந்தது. ஆனால் பரிசுக்குரியவராக என்னைத் தேர்ந்தெடுத்தது, நானே எதிர்பாராதது. இறுதிச்சுற்றில், என் உடலைப் பேணிக்காப்பது குறித்து நான் அளித்த பதில்களில் திருப்தி அடைந்த நடுவர்கள், எனது பாசிட்டிவ் அப்ரோச்சைப் பாராட்டினார்கள்.

60 வயதுக்கு மேற்பட்ட பெண்கள் பலர், நல்ல உடல் நலத்துடன் சுறுசுறுப்பாகவும் அழகாகவும் இருக்கிறார்கள். அவர்களையெல்லாம் கவனிக்கவைக்க என்னுடைய இந்த வெற்றி ஒரு காரணமாக அமைந்தால் மிகவும் மகிழ்வேன்!”