<p><strong>சி</strong>ல்க் த்ரெட் எனப்படும் பட்டு நூல் நகைகள் பெண்களின் விருப்பப்பட்டியலில் இடம்பிடித்திருக்கின்றன. சில்க் த்ரெட்டில் சிம்பிளான, டிரெண்டியான நெக்பீஸ் செய்யக் கற்றுத்தருகிறார் சென்னையைச் சேர்ந்த ஷோபனா.</p>.<p><strong>தேவையானவை:</strong> சில்க் த்ரெட் - 3 (விரும்பும் நிறங்களில்), பாசி மணி - 1, கனமான அட்டை (அட்டை கிடைக்காதவர்கள், சார்ட் பேப்பரை ஒன்றன்மீது ஒன்றாக ஒட்டிக்கொள்ளலாம்), ஃபேப்ரிக் க்ளூ, கத்தரிக்கோல், பிரெஷ், ஸ்கேல், பென்சில்.</p>.<p>ஸ்டெப்-1: அட்டையை 6 செ.மீ நீள அகலம், 3 செ.மீ நீள அகலம் என இரண்டு சதுர அட்டைகளாக வெட்டிக்கொள்ளவும்.</p>.<p>ஸ்டெப்-2: 6 செ.மீ அளவுள்ள அட்டையில் ஃபேப்ரிக் க்ளூ தடவி, படத்தில் காட்டியுள்ளபடி ரோஸ் நிற சில்க் த்ரெட்டைச் சுற்றவும்.</p>.<p>ஸ்டெப்-3: 3 செ.மீ அளவுள்ள அட்டையில் ஃபேப்ரிக் க்ளூ தடவி கறுப்பு நிற சில்க் த்ரெட்டைச் சுற்றவும்.</p>.<p>ஸ்டெப்-4: இப்போது பெரிய அட்டையின் மீது சிறிய அட்டையை டைமண்டு வடிவத்தில் ஒட்டி சிறிது நேரம் காயவிடவும். பென்டெண்ட்டின் பேஸ் தயார்.</p>.<p>ஸ்டெப்-5: கறுப்பு நிற நூலை 40 செ.மீ அளவுக்கு அளந்து, அதே அளவில் 20 நூல்கள் வெட்டி எடுத்துக்கொள்ளவும்.</p>.<p>ஸ்டெப்-6: பென்டெண்ட்டின் பின்பக்கத்தைத் திருப்பி, சுற்றப்பட்டிருக்கும் நூலைக் கொஞ்சம் தளர்வாக்கி, கறுப்பு நிற நூலை, படத்தில் காட்டியுள்ள படி பென்டெண்ட்டுடன் கோத்துக் கொள்ளவும்.நெக் பீஸ்க்கான இரண்டு பக்க சைடு ரோப் தயார்.</p>.<p>ஸ்டெப்-7: நெக் பீஸின் சைடு ரோப் இரண்டையும் ஒன்றாக வைத்து பாசி மணியில் கோக்கவும். அது நெக்பீஸின் உயரத்தைக் கூட்ட, குறைக்க உதவும்.</p>.<p>ஸ்டெப்-8: நெக்பீஸின் இரண்டு சைடு ரோப்களையும் ஒன்றாகச் சேர்த்து முடிச்சிட்டுக்கொள்ளவும்.</p>.<p>ஸ்டெப்-9: உங்களின் விரல்களில் அல்லது மொபைலில் படத்தில் காட்டியுள்ளபடி நூலை 50 முறை சுற்றவும்.</p>.<p>ஸ்டெப்-10: மொபைலிலிருந்து நூலை எடுத்து, பாதியாக மடித்து, படத்தில் காட்டியுள்ளபடி மேல் பகுதியில் முடிச்சிட்டுக்கொள்ளவும்.</p>.<p>ஸ்டெப்-11: கீழ்ப்பகுதியில் நீளமாக இருக்கும் நூலை ஒரே அளவில் கட் செய்து குஞ்சம் தயார் செய்து கொள்ளவும்.</p>.<p>ஸ்டெப்-12: குஞ்சத்தை பென் டெண்ட்டுடன் சேர்த்து ஒட்டவும்.</p>.<p>ஸ்டெப்-13: பென்டெண்ட்டின் நடுப் பகுதியை உங்கள் விருப்பத்துக்கேற்ப ஸ்டோன் அல்லது நூல் கொண்டு அலங்கரித்துக்கொண்டால். டிரெண்டியான நெக்பீஸ் தயார். இதற்கு மேட்ச்சாக கம்மலும் தயார் செய்யலாம்.</p>.<p>50 ரூபாய் செலவில் ரெடிசெய்த இந்த நெக்பீஸை 250 ரூபாய் வரை விலை வைத்து விற்க முடியும்.</p>
