லைஃப்ஸ்டைல்
தொடர்கள்
தன்னம்பிக்கை
Published:Updated:

எங்கெங்கு காணினும் புத்தாண்டு! - தமிழ், தெலுங்கு, சிங்களம், ஒடியா, மணிப்புரி...

புத்தாண்டு
பிரீமியம் ஸ்டோரி
News
புத்தாண்டு

சஹானா

மிழ்நாட்டில் பல காலமாக சித்திரை முதல் நாளே புத்தாண்டாகக் கொண் டாடப்படுகிறது. இடையில் தைப் பொங்க லோடு இணைந்து தமிழ்ப் புத்தாண்டு கொண்டாடப்பட்டாலும், 2012-ம் ஆண்டில் மீண்டும் சித்திரைக்கே திரும்பிவிட்டோம். இது பற்றிய சர்ச்சைகள் இன்னும் தொடரவே செய்கின்றன. எனினும், நாம் மட்டுமல்ல... இன்னும் பல மாநிலங்கள், நாடுகளின் புத்தாண்டு பிறப்பதும் ஏப்ரல் மாதத்தில்தான் (ஜனவரியில் அல்ல).

இலங்கை, மொரீசியஸ், மலேசியா, சிங்கப்பூர் போன்ற நாடுகளில் வாழும் தமிழர்களும் சித்திரை முதல் நாளையே புத்தாண்டாகக் கொண்டாடுகின்றனர்.

தென் மற்றும் தென்கிழக்கு ஆசிய நாடுகளில் பலவற்றில் ஏப்ரல் 13-15 தேதிகளுக்கு உள்ளாகவே புத்தாண்டு பிறக்கிறது. குறிப்பாக, வசந்த காலம் தொடங்குவதைக் குறிக்கும் ஒரு விழாவாக இது கொண்டாடப்படுகிறது.

எங்கெங்கு காணினும் புத்தாண்டு! - தமிழ், தெலுங்கு, சிங்களம், ஒடியா, மணிப்புரி...

பாகிஸ்தானில் வசிக்கும் Baloch இன மக்களும் தங்கள் புத்தாண்டை ஏப்ரல் மாதத்திலேயே தொடங்குகின்றனர்.

பஞ்சாபில் ஏப்ரல் 14 அன்று புத்தாண்டு பிறக்கிறது. ஒடிசாவிலும் மணிப்பூரிலும்கூட இதே நாள்தான். இமாசலப்பிரதேச மக்களும் ஏப்ரலில்தான் புத்தாண்டு கொண்டாடு கிறார்கள். அஸ்ஸாமில் இது ஏப்ரல் 14 அல்லது 15 ஆக இருக்கிறது.

நேபாளப் புத்தாண்டும் ஏப்ரல் 12 - 15 தேதிகளுக்குள்தான் வருகிறது.

மேற்கு வங்காளம், திரிபுராவோடு சேர்ந்து பங்களாதேஷும் ஏப்ரல் 14 - 15 தேதிகளில் வங்கப் புத்தாண்டைக் கொண்டாடுகிறது.

எங்கெங்கு காணினும் புத்தாண்டு! - தமிழ், தெலுங்கு, சிங்களம், ஒடியா, மணிப்புரி...

இலங்கையில் தமிழரும் சிங்களவரும் சித்திரை 1-ம் தேதியையே புத்தாண்டாகக் கொண்டாடுகிறார்கள். இலங்கையின் தேசிய புத்தாண்டு தினம் தொடங்குவது நள்ளிரவு 12 மணிக்கு அல்ல. ஜோதிடர்கள் குறித்துத் தரும் குறிப்பிட்ட நேரத்தில்தான் அங்கு புத்தாண்டு பிறக்கும். முந்தைய ஆண்டின் இறுதி மணித்துளிகளும் ஜோதிடர்களால்தான் குறிக்கப்படும். அதனால் பழைய ஆண்டு முடிவதற்கும், புதிய ஆண்டு பிறப்பதற்கும் இடையே சில மணி நேர இடைவெளியும் இருக்கும். இந்த இடைவெளியை சிங்களத்தில் Nona Gathe எனக் குறிப்பிடுகிறார்கள்.

1310-ல் இலங்கையை ஆண்ட தம்பதெனியா மன்னன் மூன்றாம் பராக்கிரமபாகுவின் அரசகுருவான தேனுவரைப்பெருமாள் எழுதிய `சரசோதி மாலை’ எனும் நூலில் புத்தாண்டு பிறக்கும்போது செய்ய வேண்டிய சடங்குகள் விவரிக்கப்பட்டுள்ளன. 622-ம் ஆண்டு சித்திரை மாதம் தமிழர் புத்தாண்டு அன்று இலங்கையிலுள்ள திருக்கோணேச்சரம் பகுதி கொள்ளை யடிக்கப் பட்டதாக போர்த்துக் கீசிய குறிப்புகளில்கூட காணப்படுகிறது.

இலங்கையில் புத் தாண்டு பிறக்கும் விசூ புண்ணியக் காலத்தில், ஆலயத் தில் வழங்கப்படும் மருந்து நீர் எனப்படும் மூலிகைக் கலவையை இளையவர்களின் தலையில் வைத்து பெரிய வர்கள் ஆசீர்வாதம் செய்வது வழக்கம். அன்று பெரியவர்களால் இளையவர்களுக்கு வழங்கப்படும் புத்தாண்டு அன்பளிப்புப் பணத்தை `கைவிசேடம்' என்று சொல் கிறார்கள். போர்த்தேங்காய் உடைத்தல், வழுக்கு மரம் ஏறல், யானைக்குக் கண் வைத்தல், கிளித்தட்டு, ஊஞ்சலாடல், முட்டி உடைத்தல், வசந்தனாட்டம், மகிடிக்கூத்து, நாட்டுக் கூத்து போன்றவை பாரம்பர்ய புத்தாண்டுக் கலையாடல்களாக இலங்கையில் நிகழ்த்தப்படுகின்றன.

எங்கெங்கு காணினும் புத்தாண்டு! - தமிழ், தெலுங்கு, சிங்களம், ஒடியா, மணிப்புரி...

மலையாளப் புத்தாண்டான விஷு பிறப்பதும் நம் சித்திரையை ஒட்டியே. மகாராஷ்டிர புத்தாண் டும் இதுபோலவே ஏப்ரல் மத்தியில்தான்.

`யுகாதி' என்கிற தெலுங்கு, கன்னடப் புத்தாண்டானது ஒரு மாதம் முன்னதாகவே மார்ச் மாதத்தில் பிறக்கிறது. கர்நாடகா, ஆந்திரா, தெலங்கானாவிலும், மகாராஷ்டிராவின் சில பகுதி களிலும் யுகாதி விமரிசையாகக் கொண்டாடப்படுகிறது.

கர்நாடகாவிலுள்ள குடகு பகுதி யில் யுகாதியின்போது மார்ச் சிலும், மீண்டும் ஏப்ரல் மாதத் திலுமாக இருமுறை புத்தாண்டு கொண்டாடப்படுகிறது.

தென்கிழக்கு ஆசிய நாடுகளில் இதே ஏப்ரல் 13 - 15 தேதிகளில் புத்தாண்டின் ஒருபகுதியாக நீர் திருவிழாவும் நடைபெறுகிறது. கோடை தொடங்கிவிடுவதால் அறிந்தவர், அறியாதவர் என அனை வர் மீதும் தண்ணீரைப் பீய்ச்சி அடித்து விளையாடுகிறார்கள். முதலில் இது உறவினர், நண்பர்கள் ஒருவருக்கொருவர் மீது தண்ணீரைத் தெளித்து மகிழ்வதாகவே இருந்தது. பர்மா, தாய்லாந்து, லாவோஸ், கம்போடியா ஆகிய நாடுகளில் இந்த நீர் விளையாட்டு வெவ்வேறு பெயர்களில் பிரபலமாக உள்ளது.

சீனாவின் யுன்னான் பிரதேசத் தில் வாழும் Dai மக்களும் இதே காலகட்டத்தில் தங்கள் புத்தாண்டைக் கொண்டாடு கிறார்கள். பல்வேறு கலாசாரங்கள் சங்கமிக்கும் திருவிழாவாக இது நடைபெறும்.

உலகின் வெவ்வேறு பகுதிகளில் ஏப்ரல் மாதம் நடைபெறுகிற இந்தப் புத்தாண்டுக் கொண்டாட்டத்தின் செயல்முறைகளிலும் நிறையவே ஒற்றுமை உண்டு. பகிர்ந்து உண்ணு தல், பரிசுகள் வழங்குதல், உறவு களோடு அளவளாவுதல் ஆகியவை எல்லா இடங்களிலும் உண்டு.

புத்தாண்டுக்கு முந்தைய நாள்களில் வீட்டையும் சுற்றுப்புறங்களையும் சுத்தம் செய்து அலங்கரிப்பதில் தொடங்குகிறது விழாக்கோலம். மா, பலா, வாழை ஆகிய முக்கனிகள், வெற்றிலை, பாக்கு, ஆபரணங்கள், நெல் ஆகிய மங்கலப்பொருள்கள் வைத்த தட்டை வழிபாட்டறையில் வைத்து, அதைப் புத்தாண்டு அதிகாலையில் காண்பது வழக்கம்.

வாழ்க்கை என்றாலே இனிப்பும் கசப்பும் கலந்ததுதான் என்பதால் புத்தாண்டு விருந்திலும் இனிப்பும் கசப்பும் இருக்கும். இதை அடையாளப்படுத்தும் விதமாக வேப்பம்பூப் பச்சடி, மாங்காய்ப் பச்சடி ஆகியவையும் அன்றைய விருந்தில் இடம்பெறும்.