Published:Updated:

பெண்தான் எதிர்காலம்!

உடையில் உரிமை
பிரீமியம் ஸ்டோரி
News
உடையில் உரிமை

உடையில் உரிமை

ண் பெண் இருபாலருக்குமே வசதியான உடை... டி-ஷர்ட். 19-ம் நூற்றாண்டில் ஸ்பானிஷ்-அமெரிக்க யுத்தத்தின்போது, அமெரிக்காவில் தயாரிக்கப்பட்ட ஒருவகை உடை இது என்கிறது வரலாறு. உண்மையில் `டி-ஷர்ட்’ என்றாலே நம் நினைவுக்குவருவது அதன் வடிவமோ, நிறமோ அல்ல; அதில் பொறிக்கப்பட்டிருக்கும் படம். குறிப்பாக, வாசகங்கள். கூகுளில் `டி-ஷர்ட் சேயிங்ஸ் அல்லது கோட்ஸ்’ என்று தேடினால், எக்கச்சக்கமான இணையதளங்கள் வரிசைகட்டி நிற்கின்றன.

`வுமன்’ (Woman)... `வுமன் வுமன் வுமன்’ (Woman Woman Woman)...

`மேன், இட்ஸ் குட் டு பி எ வுமன்’ (Man, It’s good to be a woman).

தலைவர்கள், நடிகர்கள், திரைப்படங்களின் பெயர்கள், தத்துவங்கள், பொன்மொழிகள், பாரதியின் ஆத்திசூடி என மனதுக்குப் பிடித்ததையெல்லாம் வாசகங்களாகப் பொறித்துவிடுகிறார்கள் டி-ஷர்ட் பிரியர்கள். உண்மையில், இப்படிப்பட்ட வாசகங்கள் தனி அடையாளமும்கூட... முக்கியமாகப் பெண்களுக்கு!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

கடந்த மூன்று ஆண்டுகளில் உலக அளவில் பெண்ணியச் சிந்தனையாளர்கள் அதிகம் பயன்படுத்திய சில டி-ஷர்ட் வாசகங்கள் இவை...

பெண்தான் எதிர்காலம்!

`வுமன்’ (Woman)... `வுமன் வுமன் வுமன்’ (Woman Woman Woman)...

`மேன், இட்ஸ் குட் டு பி எ வுமன்’ (Man, It’s good to be a woman).

இவற்றை, பெண்கள் தங்களை அடையாளப்படுத்திக் கொள்வதற்கு ஒரு வழி; `பெண்ணாகப் பிறந்ததால் பெருமைப் படுகிறேன்’ என்பதை உணர்த்துவதற்கு; பெண்ணை ஒரு சக மனுஷியாகப் பார்க்கச் சொல்லி வலியுறுத்த... இப்படி எப்படி வேண்டுமானாலும் அர்த்தப்படுத்திக்கொள்ளலாம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

டி-ஷர்ட்டில் இப்படிப்பட்ட பெண்ணியச் சிந்தனை வாசகங்கள் முளைத்ததற்கும் ஒரு வரலாறு உண்டு. அமெரிக்காவின் லாஸ் ஏஞ்சலீஸ், நியூயார்க் நகரங்களில், `அதர்வைல்டு’ (Otherwild) என்ற ரெடிமேடு ஆடைகளை விற்பனை செய்யும் ஒரு கடை இருக்கிறது. இந்தக் கடை உரிமையாளர்களில் ஒருவர் ரேச்சல் பெர்க்ஸ். 2015-ம் ஆண்டு ஒருநாள் இன்ஸ்டாகிராமில் ஒரு பதிவைப் பார்த்தார்.

 அலிக்ஸ் டாப்கின்
அலிக்ஸ் டாப்கின்

அதில் இடம்பெற்றிருந்தவை எல்லாம் லிஸா கோவன் என்ற ஓவியர் 1975-ம் ஆண்டுகளில் வரைந்த ஓவியங்கள் மற்றும் புகைப்படங்கள். அவற்றில் ஒன்று, பெர்க்ஸைக் கவர்ந்துவிட்டது. அமெரிக்காவின் பிரபல இசைக்கலைஞர் அலிக்ஸ் டாப்கின் அணிந்திருந்த டி-ஷர்ட்டில் `தி ஃப்யூச்சர் இஸ் ஃபீமேல்’ என்று எழுதியிருந்தது.

பெர்க்ஸ் கொஞ்சமும் தாமதிக்கவில்லை. `பெண்தான் எதிர்காலம்’ என்ற அர்த்தத்தைத் தரும் அந்த வாசகம் பொறிக்கப்பட்ட 24 டி-ஷர்ட்டுகளைத் தயாரித்தார். இரண்டே நாள்களில் அவை விற்றுத் தீர்ந்துவிட்டன. அதே வாசகம் பொறிக்கப்பட்ட மேலும் சில டி-ஷர்ட்டுகளைத் தயாரித்தார். அவையும் உடனே விற்றுத் தீர்ந்தன. அதோடு நிற்கவில்லை. `தி ஃப்யூச்சர் இஸ் ஃபிமேல்’ வாசகம் சமூக வலைதளங்களில் ஹேஷ்டாகுடன் வைரலாகின. இன்ஸ்டாகிராமில் மட்டும் இதுவரை இந்த ஹேஷ்டாகில் 2 லட்சத்துக்கும் மேல் பதிவுகள் போடப்பட்டிருக்கின்றன.

The future is female

2015 மற்றும் 2016-ம் ஆண்டுகளில் அமெரிக்காவிலும் சில ஐரோப்பிய நாடுகளிலும் பெண் சமத்துவத்தை வலியுறுத்தி டி-ஷர்ட்டுகளில் எழுதப்பட்டிருந்த வாசகங்கள் இவை...

`மை யூட்டரஸ், மை சாய்ஸ்’ (My Uterus, My Choice)

`கேர்ள்ஸ் ஜஸ்ட் வான்ட் டு ஹேவ் ஃபண்டமென்டல் ரைட்ஸ்’ (Girls Just Wanna Have Fundamental Rights)

இப்படிப் பெண்ணியச் சிந்தனைகள் டி-ஷர்ட்வரை எதிரொலிப்பது வரவேற்கத்தக்க அம்சமே.

பெண்தான் எதிர்காலம்!

`மக்களை ஈர்க்கும் ஒரு வாசகமோ, வாக்கியமோ வெகுவேகமாக ஃபேஷன் மார்க்கெட்டில் பரவிவிடும்’ என்கிறார்கள் ஃபேஷன் நிபுணர்கள். அந்த வகையில் பெண்ணியவாதிகள் தங்கள் சிந்தனையை, தத்துவத்தை டி-ஷர்ட்டில் பிரதிபலிப்பது வெகுவாக மக்களின் கவனத்தை ஈர்த்திருக்கிறது. `மீ டூ’போல `வுமன்’ என்ற ஹேஷ்டாக் மேலை நாடுகளில் பிரபலமாகிவருகிறது. சரி, இதனால் என்ன நன்மை?

Girls Just Wanna Have Fundamental Rights

`உலக அளவில் பெண்களின் இன்றைய மிக அத்தியாவசியத் தேவை, பாலின சமத்துவம். அதற்காக எந்த முறையில் வேண்டுமானாலும் குரல் கொடுக்கலாம். அதற்கு டி-ஷர்ட் வாசகங்கள் உதவினால் வரவேற்கலாம். மாறாக, `ஹாய், மை நேம் இஸ்: வுமன்’ (My name is: Woman) என்று எழுதுவதெல்லாம் சரியல்ல. அது பெண்ணுரிமைக்காகப் போராடுபவர்களை கேலி செய்வதாகிவிடும்’ என்கிறார் ஒரு சமூக ஆர்வலர்.

பெண்களுக்குத் தனித்துவமான அடையாளம் அவசியம். அது, வெறும் `பெண்’ என்கிற அடையாளம் அல்ல!