யூடர்ன் தமிழரசன்

பெண்களின் அழகைத் தனித்துக்காட்டி வசீகரிக்கச் செய்பவை உதடுகள். லிப் மேக்கப்பில் நுணுக்கங்களைத் தெரிந்துகொண்டாலே, நீங்களும் `மிஸ் பியூட்டிஃபுல் ஸ்மைல்' பட்டத்தையும் பாராட்டையும் வாங்குவீர்கள். சரியான முறையில் லிப் மேக்கப் செய்வது எப்படி, லிப் மேக்கப்புக்கான ஷேடுகளைத் தேர்வு செய்வது எப்படி என்று விளக்குகிறார் அழகுக்கலை நிபுணர் ரதி ராதிகா.

ஸ்டெப் 1: உதடுகளில் லிப் பாம் அப்ளை செய்யவும்.

ஸ்டெப் 2: க்ளென்சரை ஒரு காட்டன் துணியில் நனைத்து உதடு முழுவதும் தேய்த்து, காய்ந்திருக்கும் சருமத்தை நீக்கவும்.

ஸ்டெப் 3: மீண்டும் லிப் பாம் அப்ளை செய்யவும்.

ஸ்டெப் 4: உதடுகளின் நிறத்தில் இருக்கும் லிப் லைனர் பயன்படுத்தி அவுட்லைன் வரைந்து கொள்ளவும்.

ஸ்டெப் 5: அதே லிப் லைனர் பயன்படுத்தி உதடுகளின் மேடு பள்ளங்களை நிரப்பவும். இதற்கு `கான்டோரிங்' என்று பெயர்.

ஸ்டெப் 6: அவுட்லைன் செய்துள்ள நிறத்துக் கேற்ற ஷேடில் லிப்ஸ்டிக் பயன்படுத்தி மற்ற இடங்களை நிரப்பவும்.

ஸ்டெப் 7: லிப் மேக்கப்பை தனித்துக் காட்டும் விதத்தில் உதடுகளைச் சுற்றி முகத்துக்கான ஃபவுண்டேஷன் க்ரீம் அப்ளை செய்யவும். லிப்ஸ்டிக்குக்கு மேல் லிப் க்ளாஸ் பயன்படுத்தினால் பளபளப்பு கூடும்.

லிப்ஸ்டிக் தேர்வு

 உதடுகள் அதிக வறட்சியாக இருப்பவர்களுக்கு... க்ரீம் வடிவ லிப்ஸ்டிக்.

 பளபளப்பான உதடுகளுக்கு... க்ளாஸி வகை லிப்ஸ்டிக். பளபளப்பு வேண்டாம் என்றால் மேட் ஃபினிஷ் நல்ல சாய்ஸ்.

 உதடுகள் சுருக்கங்களுடன் இருப்பவர்களும், எந்த லிப்ஸ்டிக் போட்டாலும் எடுக்காதவர்களும் லிப் பிரைமரை அப்ளை செய்து அதன்பின் லிப் மேக்கப்பை தொடங்கலாம்.

யாருக்கு, எந்த நிறம்?

 டார்க், டஸ்கி ஸ்கின் டோன் உடையவர்கள்: ப்ரவுன், கேரமல், ஓயின், பர்கண்டி.

 வெளிர் நிறம் உடையவர்கள்: லைட் பிங்க், பீச், நியூடு நிறங்கள், டஸ்டி சிவப்பு, கோரல்.

 மாநிறம் உடையவர்கள்: ரோஸ், செர்ரி சிவப்பு.

 மெல்லிய உதடுகள் கொண்டவர்கள்: க்ரீம் அல்லது க்ளாஸி (அடர் நிறங்களைத் தவிர்க்கவும்).

 பெரிய உதடுகள் உடையவர்கள்: லிப்ஸ்டிக் ஷேடு பயன்படுத்துவது தவிர்த்து மைல்ட் நிற லிப்ஸ்டிக் பயன்படுத்துவது நல்லது.

உதடுகள் பராமரிப்பு டிப்ஸ்

 கருமையான உதடுகள் உடையவர்கள் ரோஜா இதழ்களை வேகவைத்து, சர்க்கரைப்பாகு கலந்து உதடுகளில் தடவவும். அரைமணி நேரம் கழித்து, காட்டன் துணியால் துடைத்துவிட்டு லிப் பாம் அப்ளை செய்யவும்.

 உதடுகள் வறண்டு சருமம் உரிந்தால் தினமும் இரவு வெண்ணெயை உதடுகளில் தடவி வரலாம்.

 உதடுகள் வெடித்து சுருக்கங்களுடன் இருந்தால் பாதாம் எண்ணெய், வெண்ணெய் தலா ஒரு டீஸ்பூன் எடுத்துக் கலந்து தினமும் இரவு உதடுகளில் தடவி வரலாம்.

 உதடுகளுக்கு வாரம் ஒரு முறை ஸ்க்ரப் பயன்படுத்துவது நல்லது. ஸ்க்ரப் வாங்க முடியாதவர்கள் சர்க்கரையை உதடுகளில் தேய்த்து லேசாக மசாஜ் செய்து சுத்தம் செய்தால் இறந்த செல்கள் நீங்கி உதடுகள் இயற்கை அழகில் மிளிரும்.

 இரவு தூங்கச் செல்லும் முன் உதடுகளின் மேல் தேங்காய் எண்ணெய் அப்ளை செய்து லிப்ஸ்டிக்கை காட்டன் துணி கொண்டு துடைத்து எடுத்துவிடுவது நல்லது.

மாடல்: மோகனா செல்வராஜ்