Published:Updated:

குழந்தைகளின் எதிர்பாலின ஈர்ப்பு... எப்படிக் கையாள்வது? - அ.வெண்ணிலா

அ.வெண்ணிலா
பிரீமியம் ஸ்டோரி
அ.வெண்ணிலா

டீன் ஏஜ்

குழந்தைகளின் எதிர்பாலின ஈர்ப்பு... எப்படிக் கையாள்வது? - அ.வெண்ணிலா

டீன் ஏஜ்

Published:Updated:
அ.வெண்ணிலா
பிரீமியம் ஸ்டோரி
அ.வெண்ணிலா

குழந்தைகள் பதின்பருவத்தை நெருங்கும்போது பெற்றோரின் கடமை இருமடங்காகிறது. குறிப்பாக, எதிர்பாலினம் மீதான ஈர்ப்பை, பெற்றோர் எப்படிக் கையாள வேண்டும்... விளக்குகிறார், எழுத்தாளரும் ஆசிரியருமான அ.வெண்ணிலா.

“பாலின ஈர்ப்பு என்பது ஓர் உணர்ச்சிதான். அதன் ஆயுள், நாள் கணக்கிலோ மாதக் கணக்கிலோ இருக்கலாம். அதை அவர்கள் வெளிப்படுத்திக் கொள்ளாமல் ரசித்து, கடந்து போவதற்கான சாத்தியங்களும் உண்டு. அதற்கெல்லாம் நாம் அவகாசம் கொடுக்காமல், அவர்களது சின்ன ஈர்ப்பைக்கூட பெரிய விஷயமாக்கி, குடும்பத்தின் அமைதியையே குலைத்துவிடுகிறோம்.

எந்தச் சமூக அமைப்பாலும் பாலின உணர்வையும் ஈர்ப்பையும் ஒருபோதும் தடைசெய்ய முடியாது. வேண்டுமானால் அதைக் கட்டுப்படுத்தி, ஓர் ஒழுங்குக்குள் கொண்டுவரலாம். அதற்கு, பெற்றோர் கண்டிப்பு என்ற வழியைத் தேர்ந்தெடுக்காமல், தோழமை என்கிற பாதையைத் தேர்ந்தெடுக்க வேண்டும். ஒரு தோழனாக, தோழியாக பிள்ளைகளிடம் தங்களின் முதல் காதல் கதைகளைப் பகிர்ந்துகொள்வதிலிருந்து, சினிமாவில் வரும் காதல் கதாபாத்திரங்களைப் பற்றி கலந்துரையாடுவது வரை, ‘இது இயல்புதான்; இருப்பினும் எல்லைகள் அவசியம்’ என்பதை உணர்த்த வேண்டும்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

எதிர்பாலின ஈர்ப்பு என்பது உணர்வுகளின் தாக்கம்தானே தவிர, அது வாழ்க்கைத் துணையைத் தேர்ந்தெடுப்பதோ பாலியல் தேவைக்கானதோ அல்ல என்கிற தெளிவை பிள்ளைகளுக்கு ஏற்படுத்த வேண்டும். அதையும் மீறி பிள்ளைகள் அதில் தீவிரமாக இருந்தால், அதைப் பெரிதுபடுத்தாமல் அவர்கள் போக்கிலேயே சென்று, அவர்கள் அதைக் கையாளக் கற்றுக்கொடுக்க வேண்டும்.

குழந்தைகளின் எதிர்பாலின ஈர்ப்பு... எப்படிக் கையாள்வது? -  அ.வெண்ணிலா

ஓர் ஆணையோ பெண்ணையோ எளிதாக அணுகும் சூழலில்தான் இப்போதைய சமூகம் இருக்கிறது. இன்னொரு பக்கம், எதிர்பாலின ஈர்ப்பைக் கையாளக் கற்றுத்தராத சமூகமும் குடும்பச் சூழலுமே நம்மிடம் இருக்கின்றன. அதனால்தான் முறையற்ற, கட்டற்ற, பல வன்செயல்களுக்கான பின்புலமாக பாலின ஈர்ப்பு அமைந்துவிடுகிறது. நம் சமூகத்தில் பாலியல் குறித்து இருக்கிற போலித்தனங்களும் தவறான கற்பிதங்களுமே இந்தப் பிரச்னைக ளுக்குக் காரணமாக இருக்கின்றன. இந்த நிலையில், பிள்ளைகளைக் கையாள்வதை ஒரு பொறுப்பாகவும் கடமையாகவும் மட்டுமே நினைத்துச் செயல்படும்போது நமக்குப் பதற்றம் ஏற்படுகிறது. நம் நிலையிலிருந்து பிள்ளைகளை அணுகுவதைவிட, அவர்களின் நிலையிலிருந்து அவர்களைப் புரிந்துகொள்ள வேண்டும்.”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism