Published:Updated:

தக்காளி சேமிக்க தடை இல்லை!

த. ஜெயகுமார், படங்கள்: வி. சதீஷ்குமார்

தக்காளி சேமிக்க தடை இல்லை!

த. ஜெயகுமார், படங்கள்: வி. சதீஷ்குமார்

Published:Updated:

ருமபுரி மாவட்டம், பாலக்கோடு ஒழுங்குமுறை விற்பனைக்கூட வளாகத்தில்... தக்காளி சேமிப்பதற்காக அமைக்கப்பட்ட குளிர்பதனக் கிடங்கு, தனியார் தொண்டு நிறுவனத்துக்கு வாடகைக்கு விடப்பட்டதால், விவசாயிகள் தக்காளியைச் சேமிக்க முடியவில்லை. என்று ஒரு புகார் கிளம்பியிருப்பது பற்றி, கடந்த இதழ் 'மரத்தடி மாநாடு’ பகுதியில் செய்தி இடம் பெற்றிருந்தது.

தக்காளி சேமிக்க தடை இல்லை!

 இதைப் பற்றி மாவட்ட வேளாண் விற்பனை மற்றும் வணிகத்துறையைச் சேர்ந்த அலுவலர்களிடம் பேசியபோது, 'உண்மையிலேயே விவசாயிகள் அதிகமா பயன்படுத்தல. 'குடோன்ல வெச்ச தக்காளிக்கு அதிக விலை கிடைக்காது’னு தயங்கினாங்க. அதேசமயம் கரன்ட் பில், பராமரிப்பு செலவெல்லாம் கட்டுப்படி ஆகல. சும்மாவே போட்டு வெச்சிருக்க முடியாமதான், தனியார் தொண்டு நிறுவனத்துக்கு வாடகைக்கு விட்டுட்டோம். அவங்க விவசாயிகள்கிட்ட இருந்து தக்காளி உட்பட பல காய்கறிகளையும் வாங்கி சேமிக்கறாங்க. அவங்களே பராமரிப் பையும் பாத்துக்கறாங்க. ஏதோ ஒரு வகையில விவசாயிகளுக்குத்தான் இது பயன்பட்டுக்கிட்டிருக்கு' என்று சொன்னார்கள்.

ஒட்டுமொத்த விகடனுக்கும் ஒரே ஷார்ட்கட்!

தக்காளி சேமிக்க தடை இல்லை!

இதை ஆமோதிப்பது போல் பேசிய கேசர்குளிடேம் பகுதியைச் சேர்ந்த விவசாயி சிவக்குமார், 'கமிஷன் மண்டியில இருந்து அரை கிலோமீட்டர் தூரத்தில் இந்த குடோன் இருக்கு. வாடகை வண்டி புடிச்சு கொண்டுபோய் வெச்சு, திரும்பவும் கொண்டு வந்து விக்கிறது சிரமமா இருக்கு. அதோட ஒரு வாரம் வரைதான் சேமிக்க முடியும். அதனாலதான் விவசாயிகள் இதைப் பெரியளவுல பயன்படுத்தல'' என்று சொன்னார்.  

தக்காளி சேமிக்க தடை இல்லை!

மாவட்ட வேளாண் துணை இயக்குநர் (வேளாண் வணிகம்) செல்வத்திடம் இதைப் பற்றி பேசியபோது, 'தனியார் தொண்டு நிறுவனத்துக்கு வாடகைக்கு விட்டாலும், விவசாயிகள் தக்காளி, காய்கறிகளைக் கொண்டு வந்து சேமிச்சி விற்க, எந்தத் தடையும் இல்லை. பாக்ஸுக்கு 50 பைசா கொடுத்தா போதும். அப்படி யாராவது விவசாயிகளைத் தடுத்தா, மாவட்ட வேளாண் வணிக அலுவலகத்தில் புகார் தெரிவிக்கலாம்' என்று சொன்னவர்,

'ஒழுங்குமுறை விற்பனைக்கூட வளாகத்தில் வேளாண் வணிக மையம், நீர்வள, நிலவள திட்டத்தின் கீழ் பேக்கிங் அறைகளும், தரம் பிரிப்பு அறைகளும் கட்டப்பட்டிருக்கு. வெளிநாடு, வெளியூர்களுக்கு பேக்கிங் செய்து அனுப்ப விரும்புற விவசாயிகள், குறைந்த வாடகைக் கட்டணத்தில் இந்த அறைகளைப் பயன்படுத்திக்கலாம்' என்று கூடுதல் தகவல்களையும் சொன்னார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism