Published:Updated:

வானவில் வார சந்தை...

விவசாயிக்கும் லாபம்... நுகர்வோருக்கும் லாபம்...நாட்டு நடப்புகு.நெல்சன் மேத்யுஸ் மதுரம், படங்கள்: டி.ஆரோன் பிரின்ஸ் காட்ஸன்

பிரீமியம் ஸ்டோரி

நுகர்வோரிடம் நேரடியாக விளைபொருட்கள் மற்றும் கால்நடைகளைக் கொண்டு செல்வதன் மூலமாக, விவசாயிகளின் லாபத்தைக் கூட்டும் முயற்சிக்குக் கைகொடுக்கிறது, 'கே.வி.கே.வின் வானவில் வார சந்தை’! காட்டாங்குளத்தூர் வேளாண் தொழில்நுட்ப வளாகத்தில் தொடங்கப்பட்டுள்ள இச்சந்தையை, காஞ்சிபுரம் மாவட்ட ஒருங்கிணைந்த கால்நடை உற்பத்தியாளர் சங்கம், காட்டுப்பாக்கம் வேளாண்மை அறிவியல் நிலையம் ஆகியவை இணைந்து துவங்கியுள்ளன.

வானவில் வார சந்தை...

கடந்த நவம்பர் 15-ம் தேதி, தமிழ்நாடு கால்நடை மருத்துவ அறிவியல் பல்கலைக்கழக விரிவாக்கக் கல்வி இயக்குநர் சி.சந்திரகாசன் துவக்கி வைத்த இச்சந்தையில் நெல் விதை ரகங்கள், தீவன விதைகள், மக்காச்சோளம், நிலக்கடலை, சிறு தானியங்கள், காய்கறிகள், கீரைகள், முட்டைகள், பால், கறவைமாடு, வெள்ளாடு, முயல், வெண்பன்றி, நாட்டுக்கோழி, காடை, வாத்து, சமையல் பொடி வகைகள், ஊறுகாய், குளிர்பானங்கள், வீட்டு உபயோக பொருட்கள் என வேளாண்மை சார்ந்த அனைத்துப் பொருட்களும் விற்பனைக்கு வந்துள்ளன.

வானவில் வார சந்தை...

கால்நடை விற்பனையில் ஈடுபட்டிருந்த ரமேஷிடம் பேச்சுக் கொடுத்த போது, 'நான் எம்.பி.ஏ. பட்டதாரி. வேலையிலிருந்து விலகி வேளாண் சார்ந்த தொழில்களைச் செய்து வருகிறேன். சென்னைக்கு அருகாமையில் இருந்தாலும் நுகர்வோரிடத்தில் நேரடியாக விற்பது அவ்வளவு எளிதல்ல. இந்தச் சந்தையின் மூலம் கால்நடைகளை விற்க கொண்டு வந்திருக்கிறேன். இதுபோன்று தொடர்ந்து ஆங்காங்கே சந்தைகள் தொடங்கினால், நேரடி விற்பனை மூலமாக விவசாயிகளுக்குக் கூடுதல் லாபம் கிடைக்கும்' என்றார் வேளாண் அறிவியல் மையத் தலைவர் குமாரவேலு பேசும்போது, 'முதல்நாள் சந்தையில் 40 கடைகளில் விற்பனை நடந்தன. இதன்மூலம் 82 ஆயிரத்து 840 ரூபாய் வர்த்தகம் நடந்துள்ளது. இதோடு மாடுகள், நாய்கள் வாங்குவதற்கு பதிவு செய்தும் சென்றிருக்கின்றனர். ஒவ்வொரு வாரமும் சனிக்கிழமை காலை 7 மணிக்கு தொடங்கி மாலை 5 மணி வரை சந்தை நடைபெறும். எங்கள் மையத்தில் பயிற்சி பெற்றவர்களுக்கு, சந்தையில் முன்னுரிமை அளிக்கப்படும். இத்திட்டத்தை நபார்டுடன் சேர்ந்து விரிவாக்கம் செய்யத் திட்டமிட்டிருக்கிறோம். வழக்கமான சந்தை விலையைவிட, 5 சதவிகிதம் குறைவான விலையில் நுகர்வோருக்கு பொருட்கள் கிடைப்பதை உறுதி செய்துள்ளோம். விலை நிலவரங்களைக் கண்காணிக்க கமிட்டி ஒன்றையும் அமைத்திருக்கிறோம்' என்றார்.

இந்த நன்முயற்சி என்றென்றும் தொடரட்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு