Published:Updated:

கன்னியாகுமரியில் களை கட்டிய கண்காட்சி!

மாவட்ட நிர்வாகத்தின் பலே முயற்சி!

கன்னியாகுமரியில் களை கட்டிய கண்காட்சி!

மாவட்ட நிர்வாகத்தின் பலே முயற்சி!

Published:Updated:

ன்னியாகுமரி மாவட்ட நிர்வாகம் மற்றும் வேளாண் தொழில்நுட்ப மேலாண்மை முகமை (அட்மா) சார்பில்... நாகர்கோவில் ஸ்காட் கிறிஸ்தவக் கல்லூயில் 'அக்ரி எக்ஸ்போ குமரி-2015’ என்ற வேளாண் கருத்துக்காட்சி மற்றும் கண்காட்சி நடைபெற்றது. கடந்த பிப்ரவரி 13 மற்றும் 14 ஆகிய தேதிகளில் நடைபெற்ற இந்தக் கண்காட்சி, கன்னியாகுமரி மாவட்ட நிர்வாகம் சார்பில் நடத்தப்படும் முதல் கண்காட்சி என்பதால், பல விவசாயிகள் ஆர்வம் மற்றும் எதிர்பார்ப்புகளுடன் கலந்து கொண்டனர்.

கன்னியாகுமரியில் களை கட்டிய கண்காட்சி!

கண்காட்சியைத் துவக்கி வைத்துப் பேசிய மாவட்ட ஆட்சித்தலைவர் சஜ்ஜன் சிங் ரா.சவான், 'விவசாயிகளின் வாழ்வாதாரத்தை மேம்படுத்தும் நோக்கத்துடன் இரு மடங்கு உற்பத்தி, மும்மடங்கு வருமானம் என்ற இலக்குடன் இரண்டாம் பசுமைப் புரட்சி ஏற்படுத்திட தமிழ்நாடு அரசு பல்வேறு திட்டங்களைச் செயல்படுத்தி வருகிறது. அதன் ஒரு பகுதியாக வேளாண்மையில் மேம்படுத்தப்பட்ட தொழில்நுட்பங்கள் குறித்து விவசாயிகள் மத்தியில் விழிப்பு உணர்வை ஏற்படுத்தும் விதமாக இக்கண்காட்சியை அமைத்திருக்கிறோம்' என்றார்.

ஒட்டுமொத்த விகடனுக்கும் ஒரே ஷார்ட்கட்!

கன்னியாகுமரியில் களை கட்டிய கண்காட்சி!

வேளாண்மை, கால்நடை மற்றும் மீன்வளப் பல்கலைக்கழகம், வங்கிகள், பயிர்க்காப்பீட்டு நிறுவனம் மற்றும் வேளாண் இடுபொருள் உற்பத்தியாளர்கள்... என 19 துறைகளைச் சேர்ந்த 38 அரங்குகள் அமைக்கப்பட்டிருந்தன. விவசாயிகளுக்கு புதிய தொழில் நுட்பக்கருவிகளைக் கையாள்வது பற்றிய பயிற்சிகளும் அளிக்கப்பட்டன. மாவட்டம் முழுவதிலும் இருந்து 102 விவசாயிகள் வாழை, இளநீர், மரவள்ளி, காய்கறி, இஞ்சி, பாக்கு உள்ளிட்ட 298 விளைபொருட்களைக் காட்சிக்கு வைத்திருந்தனர். அவர்களில் சிறந்த விவசாயிகளுக்குப் பரிசுகளும் வழங்கப்பட்டன.

கன்னியாகுமரியில் களை கட்டிய கண்காட்சி!

கண்காட்சியைப் பற்றிப் பேசிய குமரி மாவட்டம் கொட்டூர் பகுதியைச் சேர்ந்த விவசாயி ஹென்றி, 'இந்திய பயிர் பதனீட்டுத் தொழில்நுட்பக் கழகத்தினர், மதிப்புக்கூட்டி சந்தைப்படுத்தும் விதம் குறித்து விளக்கியது, மிகவும் உபயோகமாக இருந்தது. மாவட்டத்தில் விளையுற எல்லா விளைபொருட்களையும் ஒரே இடத்துல பார்த்தது ரொம்ப மகிழ்ச்சி. ஒரு வாரம் நடத்தியிருந்தா, பக்கத்து மாவட்ட விவசாயிகளும் கூட வந்திருப்பார்கள். இன்னும் நிறைய தகவல்களையும் தெரிஞ்சிருந்திருக்கலாம்' என்றார்.

இ.கார்த்திகேயன்

படங்கள்: ரா.ராம்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism