Published:Updated:

கொங்கு நாட்டு கால்நடைத் திருவிழா...

அணிவகுத்த நாட்டு மாடுகள்...!

கொங்கு நாட்டு கால்நடைத் திருவிழா...

அணிவகுத்த நாட்டு மாடுகள்...!

Published:Updated:

'நாட்டின் முதுகெலும்பு விவசாயம்’ என்பது போல, 'விவசாயத்தின் முதுகெலும்பு கால்நடைகள்’ என்றால், அது மிகையில்லை. அதிலும் நாட்டு மாடுகளின் பங்களிப்பு அபரிமிதமானது. பாரம்பர்ய விவசாய முறைகள் மீண்டும் பிரபலமாகி வருவதால், நாட்டு மாட்டு இனங்கள் பற்றிய விழிப்பு உணர்வு ஏற்பட்டு வருவதும், ஆரோக்யமான விஷயம்.

கொங்கு நாட்டு கால்நடைத் திருவிழா...

இந்நிலையில், நாட்டு மாடுகள் வளர்ப்போரை ஊக்குவிக்கும் விதமாக 'வானவராயர் ஃபவுண்டேஷன்’ சார்பில் கோயம்புத்தூர் மாவட்டம் பொள்ளாச்சி அடுத்துள்ள சமத்தூரில், கால்நடைக் கண்காட்சி, கால்நடைகளின் பன்முகப்போட்டி மற்றும் கருத்தரங்கு உள்ளிட்ட பல்வேறு நிகழ்ச்சிகள் நடைபெற்றன. 'கொங்குநாட்டு கால்நடைத் திருவிழா’ என்ற பெயரில், பிப்ரவரி 6 மற்றும் 7 ஆகிய தேதிகளில் நடைபெற்ற இந்தக் கண்காட்சியில் தமிழ்நாடு, கேரளா உள்ளிட்ட பல்வேறு பகுதிகளில் இருந்து ஆடுகள், மாடுகள், குதிரைகள்... என ஐநூறுக்கும் மேற்பட்ட கால்நடைகள் பங்கேற்றன.

ஒட்டுமொத்த விகடனுக்கும் ஒரே ஷார்ட்கட்!

கண்காட்சி பற்றிப் பேசிய வானவராயர் ஃபவுண்டேஷனின் தலைவர், சங்கர் வானவராயர் ''அழிந்து வரும் பாரம்பரிய இன நாட்டு மாடுகளை காப்பாற்றி மீட்டெடுக்க வேண்டும். அது குறித்த விழிப்பு உணர்வை மக்களிடம் ஏற்படுத்த வேண்டும். அதோடு மட்டும் இல்லாமல் நாட்டு மாடு வைத்திருப்பதால் கிடைக்கும் லாபம் மற்றும் நன்மைகள் போன்றவற்றைத் தொழில்நுட்ப ரீதியாக மக்கள் தெரிந்துகொள்ள வேண்டும் என்ற நோக்கங்களுடன் இக்கண்காட்சி நடத்தப்படுகிறது. வரும் ஆண்டுகளிலும் தொடர்ந்து இக்கண்காட்சியை நடத்த உள்ளோம். அடிமாட்டுக்கு (இறைச்சிக்காக) போகும் நாட்டு மாடுகளைக் காப்பாற்றும் விதமாக இத்திருவிழா அமையும். கிர், சாஹிவால், காங்கிரேஜ் உள்ளிட்ட வடமாநில மாடுகளையும் இக்கண்காட்சியில் கலந்து கொள்ள ஏற்பாடு செய்யவுள்ளோம்'' என்றார்.

கொங்கு நாட்டு கால்நடைத் திருவிழா...

கண்காட்சி ஒருங்கிணைப்பாளர், டாக்டர்.பாஸ்கர சேதுபதி, ''காளை, எருது, வண்டிக்காளை, கிடேரி, செவலை, மயிலை, காரி, பூச்சிக்காளை, கன்றுகள் என 9 பிரிவுகளில் சிறந்த காங்கேய மாடுகளுக்கான போட்டி நடத்தப்பட்டது. அதேபோல், அழகான பசுக்களுக்கான போட்டி, அதிக பால் கொடுக்கும் பசுக்களுக்கான போட்டி, கலப்பின பசுக்களுக்கான போட்டி, எருமை, குதிரை, ஆடு இவற்றுக்கான போட்டிகளும் தனித்தனியே நடத்தப்பட்டன. அனைத்திலும் சிறந்த மாட்டுக்கு முதல் பரிசாக 50 ஆயிரம் ரூபாய் வழங்கப்பட்டது'' என்றார்.

ஜி.பழனிச்சாமி

படங்கள்: தி.விஜய்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism