Published:Updated:

பறக்குது இயற்கைக் கொடி...

கல்லூரி மாணவர்களின் காய்கறி விவசாயம்..!

விஞ்ஞானிகள் கையில் இருந்த விவசாயத் தொழில்நுட்பம், மீண்டும் விவசாயிகளிடம் வந்து சேர்ந்துகொண்டிருக்கிறது, என்பதற்கான ஆரோக்கிய அடையாளங்கள் சமீபகாலமாக அதிகளவில் தென்படுகின்றன. இயற்கை விவசாயக் கொடி உயரப் பறக்க ஆரம்பித்திருப்பதிலிருந்தே இதை உறுதிப்படுத்திக் கொள்ளமுடியும்.

இத்தகையப் பணிகளில் விவசாயிகளுடன், பள்ளி, கல்லூரி மாணவர்களும் களமிறங்கி வருகின்றனர். இந்த வரிசையில், திருச்சி, ஸ்ரீமத் ஆண்டவன் கலை மற்றும் அறிவியல் கல்லூரியின் நுண் அறிவியல் துறை மாணவர்களும் இணைந்துள்ளனர். இவர்கள், கல்லூரியிலேயே இயற்கை விவசாயம் செய்து அசத்துகிறார்கள்.

பறக்குது இயற்கைக் கொடி...

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இதுபற்றி நுண் அறிவியல் துறை தலைவர் சாந்தி நம்மிடம் பேசியபோது, ''படிக்கும் காலத்திலேயே மாணவர்களுக்கு இயற்கை மீதும், விவசாயத்தின் மீதும் ஆர்வத்தைக் கொண்டு வருவதற்கான முயற்சியில் ஈடுபட்டிருக்கிறோம். முதல் கட்டமாக, மாணவர்களுக்கு மண்புழு உரம் தயாரிக்கும் பயிற்சியைக் கொடுத்தோம். இப்போது மாணவர்களே கல்லூரியில் காய்கறி உற்பத்திக்குத் தேவையான மண்புழு உரத்தை உற்பத்தி செய்து கொள்கிறார்கள். தேவைக்குப் போக மீதமுள்ள மண்புழு உரத்தையும், காய்கறிகளையும் விற்பனை செய்கிறார்கள். இதன் மூலம் மாணவர்களிடம் தன்னம்பிக்கையும் அதிகரித்துள்ளது'' என்று சொன்னார்.

இதை ஆமோதிக்கும் வகையில் பேசிய இரண்டாம் ஆண்டு நுண் அறிவியல் துறை மாணவி தேவி, ''மண்புழு உரத் தயாரிப்பு, இயற்கை விவசாயம் செய்றது மனசுக்கு ரொம்ப மகிழ்ச்சியைக் கொடுக்குது.

பறக்குது இயற்கைக் கொடி...

எங்க உறவினர்களிடம் இதைப் பற்றிய விழிப்பு உணர்வை ஏற்படுத்திக்கிட்டு இருக்கேன். இங்க நாங்க இயற்கை விவசாயத்துல உற்பத்தி செய்ற காய்கறிகளை 'வெள்ளிக்கிழமை பஜார்’ல விற்பனை செய்றோம். இந்த வருமானம் எங்களுக்குள்ள சுயதொழில் சிந்தனையையும், தன்னம்பிக்கையையும் வளர்க்குது'' என்றார்.

ஆராய்ச்சி மாணவர் மனோஜ், ''இந்த மண் புழு உரம் மூலம் மொட்டை மாடி விவசாயமும் செய்றோம். மாணவர்களுக்கு மட்டுமில்லாம, விவசாயிகளுக்கும், சுயஉதவிக் குழுக்களுக்கும் பயிற்சி கொடுக்கிறோம்'' என்றார் உற்சாகமாக.

அடுத்துப் பேசிய மாணவர் தனராஜின் வார்த்தைகள், அனைவருக்குமே நம்பிக்கை ஊட்டக்கூடியவை!

'இங்க கத்துக்கிட்டதை வெச்சு, வீட்டுல காய்கறிகளை உற்பத்தி செஞ்சு, பொன்மலை சந்தையில விற்பனை செய்றேன். இதன் மூலம் வர்ற வருமானத்தை வெச்சுதான், படிப்புக்கான சின்னச்சின்ன தேவைகளைப் பூர்த்தி செஞ்சுக்கிறேன்' என்று சொல்லி ஆச்சர்யம் கூட்டினார் தனராஜ்!  

தொடர்புக்கு,

செல்போன்: 9150606050

மு.கோதாஸ்ரீ

படங்கள்:  தே.தீட்சித்