Published:Updated:

கூட்டுக் குடிநீருக்கு வேட்டு வைக்கும் கோக்!

கூட்டுக் குடிநீருக்கு வேட்டு வைக்கும் கோக்!

கூட்டுக் குடிநீருக்கு வேட்டு வைக்கும் கோக்!

கூட்டுக் குடிநீருக்கு வேட்டு வைக்கும் கோக்!

Published:Updated:
கூட்டுக் குடிநீருக்கு வேட்டு வைக்கும் கோக்!

காவிரி டெல்டா விவசாய நிலங்களைக் காவு வாங்க காத்திருக்கும் மீத்தேன் எமனைப்போல, ஈரோடு மாவட்ட விவசாய நிலங்களைக் காவு வாங்க பவானிக் கரையில் காத்திருக்கிறது பன்னாட்டு பகாசுர கம்பெனியான கோக். பெருந்துறையில் அமைந்துள்ள சிப்காட் தொழில் வளாகத்தினுள், 77 ஏக்கர் பரப்பளவில் கோக் தொழிற்சாலை அமைப்பதற்கான ஆயத்த வேலைகள் நடந்து வரும் நிலையில், ‘இதனால் குடிநீர்த் தேவை பாதிக்கப்படுவதுடன், ஆலைக்கழிவுகளால் சுற்றுச்சூழலும் மாசுபடும்’ என்றபடி போராட்டத்தைத் துவக்கியுள்ளனர் இப்பகுதி மக்கள். ஆர்ப்பாட்டம், கடையடைப்பு என நாள்தோறும் சூடுபிடித்துக் கொண்டிருக்கிறது போராட்ட களம்.

கூட்டுக் குடிநீருக்கு வேட்டு வைக்கும் கோக்!

ஒட்டுமொத்த விகடனுக்கும் ஒரே ஷார்ட்கட்!

இதுகுறித்து நம்மிடம் பேசிய, தற்சார்பு விவசாயிகள் சங்கத் தலைவர் கி.வே.பொன்னையன், ‘‘கோக் தொழிற்சாலை அமைக்க 77 ஏக்கர் நிலத்தை 99 வருட குத்தகைக்குக் கொடுத்துள்ளது மாநில அரசு. ஏக்கருக்கு ஆண்டு குத்தகை வெறும் 77 ரூபாய் மட்டுமே. அதேபோல் இந்த ஆலையின் பயன்பாட்டுக்காக லிட்டர் 5 பைசா என்ற விலையில், நாள் ஒன்றுக்கு 35 லட்சம் லிட்டர் தண்ணீரும் காவிரிக் கூட்டுக்குடிநீர்த் திட்டத்தில் இருந்து வழங்க ஒப்பந்தம் போடப்பட்டுள்ளது. 87 கிராமங்களுக்குச் செல்லும் பிரதான குடிநீர் இணைப்பில் இருந்தே தண்ணீர் எடுக்கப்பட உள்ளது. ‘லிட்டர் 5 பைசா விலையில் வாங்கும் தண்ணீரை மினரல் வாட்டர் பாட்டிலில் அடைத்து, லிட்டர் 25 ரூபாய் விலைக்கு விற்று கொள்ளைலாபம் அடிக்கப்போகிறது இந்த ஆலை. ஏற்கெனவே, தோல் தொழிற்சாலை, சாயப்பட்டறை ரசாயனக் கழிவுகளால் பல ஆயிரம் ஏக்கர் விளைநிலங்கள் பாழாகிக் கிடக்கின்றன. நிலத்தடி நீரும் கெட்டுப்போய் உபயோகிக்க முடியாத நிலையிலிருக்கிறது. இநிலையில் இப்படியொரு இடி’’ என்று சோகமாகச் சொன்னார்.

கூட்டுக் குடிநீருக்கு வேட்டு வைக்கும் கோக்!

சுற்றுசூழலுக்கு வேட்டு வைக்கும் இந்த ஆலை அமையவிருப்பது... தமிழக சுற்றுச்சூழல் அமைச்சர் தோப்பு வெங்கடாசலத்தின் தொகுதியில்தான் என்பது, எதிர்பாராத ஒற்றுமை!

பின்குறிப்பு: கேரளா, ராஜஸ்தான், மகாராஷ்டிரா உள்ளிட்ட ஏழு மாநிலங்களில் கோக் தொழிற்சாலை அமைக்க அந்த மாநில அரசுகள் தடை விதித்துள்ளன. இதையடுத்துதான், ‘வந்தாரை வாழவைக்கும்’ தமிழகம் பக்கம் இந்நிறுவனத்தின் கவனம் திரும்பியுள்ளது.

 ஜி.பழனிச்சாமி

 படங்கள்: ரமேஷ் கந்தசாமி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism