Published:Updated:

உளுந்துக்கு கூடுதல் விலை...மிளகாய்க்கு மிதமான விலை!

உளுந்துக்கு கூடுதல் விலை...மிளகாய்க்கு மிதமான விலை!

மார்ச் மாதத்தில் அறுவடை செய்யப்படும் பயிர்களுக்கான முன்னறிவிப்பு மற்றும் மாசிப்பட்டத்தில் விதைப்பு செய்யப்படும் பயிர்களுக்கான  விளைபொருள் முன்னறிவிப்பினை வெளியிட்டுள்ளது, தமிழ்நாடு வேளாண்மைப் பல்கலைக்கழகத்தில் இயங்கி வரும் உள்நாட்டு மற்றும் ஏற்றுமதிச் சந்தைத் தகவல் மையம்.

உளுந்துக்குக் கூடுதல் விலை! 

தமிழ்நாட்டில் முக்கியமான மாவட்டங்களில் நெல்லுக்கு பிறகு சாகுபடி செய்யப்பட்ட உளுந்து, பாசிப்பயறு ஆகிய இரண்டும் அறுவடை துவங்க உள்ளது. கடந்த 10 ஆண்டுகளாக விழுப்புரம் ஒழுங்குமுறை விற்பனைக் கூடத்தில் விற்பனை செய்யப்பட்ட உளுந்து மற்றும் பாசிப்பயறு விலைகள் பற்றிய ஆய்வு முடிவுகளின்படி, வரும் மார்ச் மாதம் முதல் மே மாதம் வரை  ஒரு கிலோ  உளுந்து 57 ரூபாய் முதல்  59 ரூபாய் வரையிலும், பாசிப்பயறு ஒரு கிலோ 64 ரூபாய் முதல் 65 ரூபாய் வரையிலும் விற்பனையாக வாய்ப்புகள் உள்ளன. உளுந்துக்கு ஜுன் மாதம் முதல்  ஜூலை மாதம் வரை கிலோவுக்கு  3 ரூபாய் வரை கூடுதலாக விலை கிடைக்க வாய்ப்பு உள்ளது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

மல்லியை உடனே விற்கவும்!

உளுந்துக்கு கூடுதல் விலை...மிளகாய்க்கு மிதமான விலை!

மல்லி (தனியா) ஒவ்வொரு ஆண்டும் ஜனவரி மாதம் முதல் மார்ச் மாதம் வரை வரத்து இருக்கும். தற்போது தமிழ்நாட்டில் புதிதாக அறுவடை செய்யப்பட்ட மல்லி வரத்தொடங்கி உள்ளது.  கடந்த 12 வருடங்களின் விருதுநகர் மொத்த சந்தையில் விற்பனை செய்யப்பட்ட மல்லியின் விலை பற்றிய ஆய்வு மற்றும் வர்த்தக ஆய்வு முடிவுகளின்படி மார்ச் மாதம் முதல் ஏப்ரல் மாதம் வரையில் ஒரு குவிண்டால் மல்லி 6,500 ரூபாய் முதல் 7,000 ரூபாய் வரை விற்பனையாக வாய்ப்புள்ளது. மேலும், இந்தியாவில் மல்லி உற்பத்தி செய்யும் மாநிலங்களில், அதன் உற்பத்தி அதிகரித்துள்ளதால் மார்ச் மாதத்தில் விலை உயர வாய்ப்பில்லை. ஆகையால், தாங்கள் அறுவடை செய்த மல்லியை உடனே விற்குமாறு அறிவுறுத்தப்படுகிறார்கள்.

பருத்தி ஒரு குவிண்டால் 4,500 ரூபாய்!

உளுந்துக்கு கூடுதல் விலை...மிளகாய்க்கு மிதமான விலை!

ஜனவரி மாதம் முதல் பிப்ரவரி மாதம் வரையிலும், ஆகஸ்டு மாதம் முதல் செப்டம்பர் மாதம் வரையிலும் பருத்தி சாகுபடி செய்யப்படுகின்றது. கடந்த பத்தாண்டுகளில் கொங்கணாபுரம் ஒழுங்குமுறை விற்பனைக்கூடத்தில் விற்பனை செய்யப்பட்ட விலை ஆய்வு முடிவுகளின்படி  மார்ச் மாதம்  முதல் ஏப்ரல் மாதம் வரை அறுவடை செய்யப்படும். பருத்தி குவிண்டால் ஒன்றுக்கு 4,100 ரூபாய் முதல்  4,300 ரூபாய் வரை கிடைக்கும் என கணிக்கப்பட்டுள்ளது. மேலும், மாசிப்பட்டத்தில் விதைக்கும் பருத்தி, ஜூலை மாதம் முதல் ஆகஸ்டு மாதம் வரை அறுவடை செய்யப்படும். அந்த சமயத்தில் ஒரு குவிண்டால் பருத்தி 4,300 ரூபாய் முதல் 4,500 ரூபாய்  வரை இருக்கும் என கணிக்கப்பட்டுள்ளது.

மிளகாய்க்கு மிதமான விலை!

உளுந்துக்கு கூடுதல் விலை...மிளகாய்க்கு மிதமான விலை!

ஜனவரி மாதம் முதல் மார்ச் மாதம் வரை அறுவடைக்கு வரும். கடந்த 5 ஆண்டுகளில் ராமநாதபுரம் சந்தையில் நிலவிய முண்டு வகை மிளகாய் வற்றல் விலை மற்றும் விளாத்திகுளம் சந்தையில் நிலவிய சம்பா வகை மிளகாய் வற்றல் விலையை ஆய்வு முடிவுகளின்படி ராமநாதபுரம் சந்தையில் மார்ச் மாதந்துக்கு பிறகு விலை குறைய தொடங்கும். ஒரு கிலோ 95 ரூபாய் முதல் 100 ரூபாய் வரையிலும், விளாத்திகுளம் சந்தையில் சம்பா வகை மிளகாய் வற்றல் விலை ஒரு கிலோ 55 ரூபாய் முதல் 60 ரூபாய் வரையிலும் இருக்கும் என கணிக்கப்பட்டுள்ளது.    

 பசுமைக் குழு