Published:Updated:

குளத்து மண்ணைக் கூறு போட்ட கும்பல்... தட்டிக் கேட்டவர் மீது பொய்வழக்கு!

குளத்து மண்ணைக் கூறு போட்ட கும்பல்... தட்டிக் கேட்டவர் மீது பொய்வழக்கு!

குளத்து மண்ணைக் கூறு போட்ட கும்பல்... தட்டிக் கேட்டவர் மீது பொய்வழக்கு!

குளத்து மண்ணைக் கூறு போட்ட கும்பல்... தட்டிக் கேட்டவர் மீது பொய்வழக்கு!

Published:Updated:

ரி, குளங்களைத் தூர் வாருகிறோம்’ என்கிற பெயரில் வண்டல் மண், மணல், கிராவல் உள்ளிட்ட கனிம வளங்களைச் சுரண்டும் செயல், மாநிலம் முழுவதும் பல இடங்களில் நடந்து வருகிறது. அரசியல்வாதிகள், அதிகாரிகள் துணையுடன் நடக்கும் இந்தக் கொள்ளையை எதிர்ப்பவர்கள் அதிகாரிகளாக இருந்தாலும் சரி... தனி நபர்களாக இருந்தாலும் சரி... அவர்கள் மீது கடுமையான தாக்குதல் நடப்பதும் அரங்கேறி வருகிறது. இதற்கு சமீபத்திய உதாரணம், திருப்பூர் மாவட்டத்தில் சுற்றுச்சூழல் ஆர்வலர் பிரபாகரன் தாக்கப்பட்ட சம்பவம்தான்.

குளத்து மண்ணைக் கூறு போட்ட கும்பல்... தட்டிக் கேட்டவர் மீது பொய்வழக்கு!

‘மண் மாஃபியாக்களுக்கு எதிராக நீதிமன்றத்தில் தடையாணை பெற்றும் மண் திருட்டு தொடர்கிறது’ என தாசில்தாரிடம் புகார் கொடுத்தார், பிரபாகரன். விளைவு, மண் மாஃபியாக்களால் கடுமையாகத் தாக்கப்பட்டதுடன், ‘வாகனங்கள் மீது பெட்ரோல் குண்டு வீசியதாக’ பொய்யாகக் குற்றம் சாட்டப்பட்டு சிறையில் அடைக்கப்பட்டார். இதுகுறித்து அறிந்ததும் வெகுண்டு எழுந்த சமூக அமைப்புக்கள், தொடர் போராட்டங்களை நடத்த, அவர் ஜாமீனில் விடுவிக்கப்பட்டுள்ளார்.

ஒட்டுமொத்த விகடனுக்கும் ஒரே ஷார்ட்கட்!

குளத்து மண்ணைக் கூறு போட்ட கும்பல்... தட்டிக் கேட்டவர் மீது பொய்வழக்கு!

பிரபாகரன் நம்மிடம், “எனக்குச் சொந்த ஊரு கோயம்புத்தூர் மாவட்டம், எலச்சிப்பாளையம். சிறிய அளவில ‘பவர்லூம் ஃபேக்டரி’ நடத்துறேன். சின்னவயசில இருந்தே பொது விஷயங்களில் ஆர்வம் அதிகம். இந்தப் புதுப்பாளையம் குளத்தில் மண் அள்ளுவதைத் தடுக்க, பல்வேறு போராட்டங்களை நடத்திக்கிட்டு வர்றோம். மொத்தம் 65 ஏக்கர் பரப்பளவுள்ள இந்தக் குளத்தில் ‘விவசாயத்துக்கு வண்டல் மண் அள்ளுகிறோம்’கிற பெயரில் ஒப்பந்தம் போட்டு மண் மாஃபியாக்கள், லாரி லாரியா மண்ணை அள்ளி விற்பனை செய்றாங்க. இதுவரை 15 கோடி ரூபாய் மதிப்புள்ள மண், விதிகளை மீறி எடுக்கப்பட்டிருக்கு. அதிகாரிகளும் துணை போறதுதான் வேதனையா இருக்கு. எத்தனை வழக்கு போட்டாலும், உயிரே போனாலும் ஓயமாட்டோம்’’ என்றார் உறுதியான குரலில்.

இதுகுறித்து திருப்பூர் மாவட்ட ஆட்சியர் கோவிந்தராஜிடம் கேட்டபோது, ‘அந்தக் குளத்தில் மண் அள்ளுவது நிறுத்தி வைக்கப்பட்டுள்ளது. மண் திருட்டு குறித்து மாவட்ட நிர்வாகத்துக்குத் தகவல் தெரிவிக்காத கிராம நிர்வாக அலுவலர் மற்றும் உதவியாளர் இருவரும் பணி இடைநீக்கம் செய்யப்பட்டுள்ளார்கள். பொதுப்பணித்துறை அதிகாரிகளிடமும் விளக்கம் கேட்கவுள்ளோம்’’ என்றார்.

ஜி.பழனிச்சாமி

படங்கள்: த.ஸ்ரீநிவாஸன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism