Published:Updated:

“பாரம்பர்ய நெல்லைக் காப்பதுதான் இரண்டாவது பசுமைப் புரட்சி”

இயற்கைக் கொடி பிடிக்கும் திட்டக்குழுத் துணைத்தலைவர்!

“பாரம்பர்ய நெல்லைக் காப்பதுதான் இரண்டாவது பசுமைப் புரட்சி”

இயற்கைக் கொடி பிடிக்கும் திட்டக்குழுத் துணைத்தலைவர்!

Published:Updated:

திருவாரூர் மாவட்டம், திருத்துறைப்பூண்டி அருகே, ஆதிரெங்கம் கிராமத்தில் உள்ள இயற்கை வேளாண் மற்றும் பயிற்சி மையத்தில், ‘நமது நெல்லைக் காப்போம்’ மற்றும் ‘கிரியேட்’ ஆகிய அமைப்புகளின் சார்பில்... ‘தேசிய அளவிலான நெல் திருவிழா’ மற்றும் ‘பாரம்பர்ய விதைநெல் வழங்கும் விழா’ ஆகிய விழாக்கள் நடைபெற்றன.

மே 30 மற்றும் 31 ஆகிய நாட்களில் நடைபெற்ற இவ்விழாவில், ‘கிரியேட்’ அமைப்பின் தலைவர் துரைசிங்கம் தலைமை வகித்தார். ஆதிரெங்கம் ஊராட்சித் தலைவர் அப்துல்முனாப், கிரியேட் அமைப்பின் அறங்காவலர் பொன்னம்பலம் ஆகியோர் முன்னிலை வகித்தனர். ‘நமது நெல்லைக் காப்போம்’ அமைப்பின் மாநில ஒருங்கிணைப்பாளர் ‘நெல்’ ஜெயராமன் வரவேற்றார்.

“பாரம்பர்ய நெல்லைக் காப்பதுதான் இரண்டாவது பசுமைப் புரட்சி”

ஒட்டுமொத்த விகடனுக்கும் ஒரே ஷார்ட்கட்!

விழாவைத் துவக்கி வைத்துப் பேசிய திருவாரூர் மாவட்ட ஆட்சியர் மதிவாணன், “விவசாயம் சார்ந்த பல தகவல்களை அளித்ததோடு, “இயற்கை விவசாயத்தின் முக்கியத்துவத்தை நாம் உணர்ந்து செயல்பட்டால் தான் வரும் தலைமுறை செழிப்புடன் இருக்கும்” என்றார்.

விழாவில் சிறப்பு விருந்தினராகக் கலந்து கொண்டு பேசிய மாநில திட்டக்குழுத் துணைத்தலைவர் சாந்தஷீலா நாயர், ‘`நமது பாரம்பர்ய நெல்லைப் பாதுகாத்து வருவதுதான், இரண்டாவது பசுமைப்புரட்சி. நாற்பது ஆண்டுகளுக்கு முன், திண்டுக்கல்லில் சப்-கலெக்டராக இருந்தபோது, பூச்சிக்கொல்லி, ரசாயன உரம், உயர் ரக விதைகள் ஆகியவற்றைக் கொடுப்பதுதான் எங்கள் வேலையாக இருந்தது. இப்போது, இரண்டாவது பசுமைப்புரட்சியில், ‘பூச்சிக்கொல்லி வேண்டாம்’, என்றும் ‘பாரம்பர்ய நெல் ரகங்களைத் திரும்பக் கொண்டு வாருங்கள்’ என்றும் சொல்கிறோம்.

பாரம்பர்ய நெல் ரகங்களைப் பாதுகாப்பது போல், சிறுதானியங்களையும் பாதுகாக்க வேண்டும். சிறுதானிய விவசாயிகள், குழு அமைத்து அவர்களது மாவட்ட கலெக்டர் மூலம் திட்ட கமிஷனை அணுகினால், திட்ட கமிஷன் உதவி செய்யும்” என்றார்.

‘பூச்சிகளும் நண்பர்களே’ எனும் நூலை வெளியிட்டுப் பேசிய நடிகை ரோகிணி, ‘’இங்குதான், உண்மையான கடவுள் வழிபாட்டைப் பார்க்கிறேன், இதுதான், உண்மையில் கடவுள் வழிபாடு. இதுதான் கடவுளும்கூட. இந்த வழிபாட்டின் போதுதான் இயற்கை சக்தி வெளிப்படுகிறது’’ என்றார் நெகிழ்ந்து போனவராக.     

 த.க.தமிழ்பாரதன்

 படங்கள்: க.சதீஷ்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism