Published:Updated:

ஆடிப்பட்டம்.... ஏறுமுகத்தில் மஞ்சள்... இறங்குமுகத்தில் பருத்தி!

ஆடிப்பட்டம்.... ஏறுமுகத்தில் மஞ்சள்... இறங்குமுகத்தில் பருத்தி!

டிப்பட்டத்தில் விதைக்கப்படும் பயிர்களுக்கான முன்னறிவிப்பு, தற்போது அறுவடையாகும் விளைபொருள் விலை நிலவரம் மற்றும் தற்போது நிலவும் தட்பவெப்ப நிலையில் பயிரைத் தாக்கும் பூச்சிகள் மற்றும் நோய்கள், தடுப்புமுறைகள் போன்றவற்றை வெளியிட்டுள்ளது, தமிழ்நாடு வேளாண்மைப் பல்கலைக்கழகத்தில் இயங்கி வரும் பயிர் பாதுகாப்பு மையம் மற்றும் உள்நாட்டு மற்றும் ஏற்றுமதிச் சந்தைத் தகவல் மையம்.

மழையைப் பொறுத்து எள் விலை மாறும்!

தமிழ்நாட்டில், ஆடிப்பட்டத்திலும் (ஜூன்-ஜூலை), கார்த்திகைப் பட்டத்திலும் (நவம்பர்-டிசம்பர்) எள் சாகுபடி மேற்கொள்ளப்படுகிறது. எள் விற்பனையில் முன்னிலை வகிக்கும் சிவகிரி ஒழுங்குமுறை விற்பனைக்கூடத்தில் 2014 ஜூன் மாதம் விற்பனையான விலையை விட, 10.84 சதவிகிதம் குறைந்து இந்த ஆண்டு ஜூன் மாதம் குவிண்டால் 6 ஆயிரத்து 291 ரூபாய்க்கு விற்பனையாகி இருக்கிறது. 15 ஆண்டுகளில் சிவகிரி ஒழுங்குமுறை விற்பனைக்கூடத்தில் விற்பனை செய்யப்பட்ட எள் விலை பற்றிய ஆய்வு செய்யப்பட்டது. அதன்படி, ஆடிப்பட்டத்தில் விதைக்கப்படும் எள் செப்டம்பர்-அக்டோபர் மாதங்களில் அறுவடை செய்யப்படும்போது, பண்ணை விலையாக ஒரு குவிண்டாலுக்கு 5 ஆயிரத்து 500 ரூபாய் முதல் 5 ஆயிரத்து 700 ரூபாய் வரை விலை கிடைக்கும் என எதிர்பார்க்கப்படுகிறது. மேலும், ஏற்றுமதி வாய்ப்பு, பருவமழையைப் பொறுத்து, விலையில் மாற்றம் இருக்கலாம்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஆடிப்பட்டம்.... ஏறுமுகத்தில் மஞ்சள்... இறங்குமுகத்தில் பருத்தி!

ஒரு குவிண்டால் நிலக்கடலைக்கு 5,800 ரூபாய்!

தமிழ்நாட்டில் ஆடிப்பட்டத்தில் மானாவாரியாக விதைப்பு செய்யப்படும் முக்கியமான எண்ணெய்வித்துப் பயிர் நிலக்கடலை. கடந்த 18 ஆண்டுகளில் சேவூர் மற்றும் திண்டிவனம் ஆகிய ஒழுங்குமுறை விற்பனைக்கூடங்களில் விற்பனை செய்யப்பட்ட நிலக்கடலையின் மாதந்திர விலை ஆய்வு முடிவுகள்படி... அறுவடை காலமான செப்டம்பர்-அக்டோபர் மாதங்களில் சேவூர் ஒழுங்குமுறை விற்பனைக்கூடத்தில் ஒரு குவிண்டால் நிலக்கடலைக்கு 5 ஆயிரத்து 200 முதல் 5 ஆயிரத்து 500 ரூபாய் வரையிலும்; திண்டிவனம் ஒழுங்குமுறை விற்பனைக்கூடத்தில் ஒரு குவிண்டால் 5 ஆயிரத்து 500 முதல் 5 ஆயிரத்து 800 ரூபாய் வரையிலும் விலை கிடைக்கும் எனக் கணிக்கப்பட்டுள்ளது.

ஆடிப்பட்டம்.... ஏறுமுகத்தில் மஞ்சள்... இறங்குமுகத்தில் பருத்தி!

மக்காச்சோளத்தின் விலை நிலையாக இருக்கும்!

ஆடிப்பட்டத்தில் விதைக்கப்படும் மக்காச்சோளத்துக்கு, அறுவடை காலமான அக்டோபர்- நவம்பர் மாதங்களில் ஒரு குவிண்டாலுக்கு 1,300 ரூபாய் முதல் 1,320 ரூபாய் வரை விலை கிடைக்க வாய்ப்புள்ளது.

பருத்தி 4,200 ரூபாய்!

2015-16 ஆண்டுகளில் உலக அளவில் பருத்தி உற்பத்திச் சரிவு, அதிக ஏற்றுமதி மற்றும் நுகர்வு எதிர்பார்ப்பு ஆகியவையும்  இந்திய பருத்திக் கழகத்தின் கையிருப்பும் (1.46 மில்லியன் டன்கள்) விலை நிர்ணயத்தில் முக்கியப் பங்கு வகிக்கும். உலக அளவில் பருத்தி விற்பனை விலை ஆய்வு, இந்திய நூற்பாலைகளின் தேவை ஆகியவற்றின் ஆய்வு முடிவுகளின்படி... வரும் ஜனவரி முதல் பிப்ரவரி மாதம் வரை பருத்தியின் விலை குறைந்து, குறைந்தபட்ச ஆதார விலைக்கு நிகராக ஒரு குவிண்டால் 4 ஆயிரம் முதல் 4ஆயிரத்து 200 ரூபாய் வரை விற்பனையாகும் எனக் கணிக்கப்பட்டுள்ளது. எனவே விவசாயிகள், இதன் அடிப்படையில் விதைப்பு முடிவுகளை எடுக்குமாறு பரிந்துரைக்கப்படுகின்றனர்.

ஆடிப்பட்டம்.... ஏறுமுகத்தில் மஞ்சள்... இறங்குமுகத்தில் பருத்தி!

சின்னவெங்காயம் விலை சீராக இருக்கும்!

ஆடிப்பட்டத்தில் விதைக்கப்படும் சின்னவெங்காயம், ஆகஸ்ட்-செப்டம்பர் மாதங்களில் ஒரு கிலோ 28 ரூபாய் முதல் 30 ரூபாய் வரை விற்பனையாக வாய்ப்புள்ளது.

நேந்திரன் வாழைக்குக் கூடுதல் விலை!

ஆகஸ்ட் முதல் செப்டம்பர் மாதம் வரை பூவன், கற்பூரவல்லி மற்றும் நேந்திரன் ரகங்களுக்குக் கிடைக்கும் விலைகள் பற்றி ஆய்வு செய்யப்பட்டது. அதன்படி, ஆகஸ்ட் முதல் செப்டம்பர் மாதம் வரை பூவன், கற்பூரவல்லி ரகங்களுக்குப் பண்ணை விலையாக ஒரு கிலோவுக்கு 15 ரூபாய் முதல் 17 ரூபாய் வரை கிடைக்கும். நேந்திரன் வாழைக்குப் பண்ணை விலையாக ஒரு கிலோவுக்கு 28 ரூபாய் முதல் 30 ரூபாய் வரை கிடைக்கும் எனக் கணிக்கப்பட்டுள்ளது. நேந்திரன் வாழையின் விலை வரும் ஓணம் பண்டிகையை ஒட்டி மேலும் அதிகரிக்க வாய்ப்புள்ளது.

ஆடிப்பட்டம்.... ஏறுமுகத்தில் மஞ்சள்... இறங்குமுகத்தில் பருத்தி!

தரமான மஞ்சளுக்கு நல்ல விலை!

தற்போது ஒரு குவிண்டால் நல்ல தரமான மஞ்சள், 6 ஆயிரத்து 800 முதல் 7 ஆயிரத்து 800 ரூபாய் வரை ஈரோடு சந்தையில் விற்கப்படுகிறது. மஞ்சள் விலை பற்றி ஆய்வு முடிவுகளின்படியும், வர்த்தகர்களின் கூற்றுப்படியும் செப்டம்பர் முதல் அக்டோபர் வரை விற்பனைக்கு வரும் மஞ்சள் ஒரு குவிண்டால் 7 ஆயிரத்து 500 ரூபாய் முதல் 8 ஆயிரத்து 100 ரூபாய் வரை விற்பனையாக வாய்ப்புள்ளது. அறுவடைக்குப் பின் ஏற்படும் இழப்பு, மஞ்சள் வேர்க் கிழங்கில் வண்டுத்துளைப்பான் ஆகியவை விலை குறைவுக்கான முக்கியக் காரணங்களாகும். தகுந்த முறையில் இருப்பு வைக்கப்பட்ட, தரமான மஞ்சளுக்கு நல்ல விலை கிடைக்க வாய்ப்புள்ளது.

பூச்சி, நோய்கள் உஷார்... உஷார்!

சொர்ணவாரி, கார் மற்றும் குறுவைப் பருவத்தில் பயிரிடப்படும் நெல் நாற்றாங்காலில் இலைப்பேன், இலைச்சுருட்டுப்புழு, கூட்டுப்புழு, தத்துப்பூச்சி இவற்றின் தாக்குதல் தென்பட அதிகமான வாய்ப்புள்ளன. தவிர, இலைப்புள்ளி நோயும் தென்பட வாய்ப்புள்ளது. இவற்றைக் கட்டுப்படுத்த ஒரு கிலோ விதைக்கு, 10 கிராம் சூடோமோனஸ் ஃப்ளூரசென்ஸ் என்ற கணக்கில் எடுத்துத் தண்ணீரில் கரைத்து ஓர் இரவு முழுவதும் ஊறவைத்து விதைநேர்த்திச் செய்து நட வேண்டும்.

நாற்றுகளைப் பறித்து நடவு செய்வதற்கு 48 மணி நேரத்துக்கு முன்பு 20 சென்ட் நாற்றங்காலுக்கு ஒன்றரை கிலோ சூடோமோனஸ் ஃப்ளூரசென்ஸை 30 கிலோ எருவுடன் கலந்து இட வேண்டும். மேலும், நாற்றுகளை நடவு செய்யும்போது, வயலின் ஓர் ஓரத்தில் சிறிய பள்ளம் எடுத்து, அதில் தண்ணீர் தேக்கி இரண்டரை கிலோ சூடோமோனஸ் ஃப்ளூரசென்ஸைக் கரைத்து, நடவு செய்வதற்கு 30 நிமிடங்களுக்கு முன்பு வேரை அதில் நனைத்து நடவு செய்ய வேண்டும்.

ஆடிப்பட்டம்.... ஏறுமுகத்தில் மஞ்சள்... இறங்குமுகத்தில் பருத்தி!

நெற்பயிரில் பூச்சி மேலாண்மை!

20 சென்ட் நாற்றங்காலுக்குப் பன்னிரண்டரை கிலோ வேப்பம் பிண்ணாக்கு இட்டால் பூச்சிகள் வராது. மாலை நேரங்களில் விளக்குப் பொறி அமைத்தும், 5 சதவிகித வேப்பங்கொட்டைச் சாறு தெளித்தும் பூச்சிகளைக் கட்டுப்படுத்தலாம்.

சாறு உறிஞ்சும் பூச்சிகள் ஜாக்கிரதை!

பருவமழை, தாமதத்தால் வறட்சி தொடர வாய்ப்புள்ளது. இந்நிலையில் சாறு உறிஞ்சும் பூச்சிகளான தத்துப்பூச்சி, இலைப்பேன், வெள்ளை ஈ, சுருள் வெள்ளை ஈ மற்றும் பலவகையான மாவுப்பூச்சிகளின் நடமாட்டம் அதிகமாகலாம். இவற்றை, மஞ்சள் ஒட்டும் பொறி வைத்தும், வேப்பங்கொட்டைச்சாறு தெளித்தும் கட்டுப்படுத்தலாம்.

பசுமைக் குழு

படங்கள்: தி.விஜய், த.ஸ்ரீநிவாசன்