Published:Updated:

ஊக்கமளிக்காத ஊக்கத்தொகை... கொந்தளிக்கும் நெல் விவசாயிகள்!

ஊக்கமளிக்காத ஊக்கத்தொகை... கொந்தளிக்கும் நெல் விவசாயிகள்!

ஊக்கமளிக்காத ஊக்கத்தொகை... கொந்தளிக்கும் நெல் விவசாயிகள்!

ஊக்கமளிக்காத ஊக்கத்தொகை... கொந்தளிக்கும் நெல் விவசாயிகள்!

Published:Updated:

ரு குவிண்டால் சன்ன ரக நெல்லுக்கு 70 ரூபாயும், சாதாரண ரகத்துக்கு 50 ரூபாயும் ஊக்கத்தொகை என அறிவித்துள்ளது, தமிழக அரசு. இது நெல் விவசாயிகள் மத்தியில் பெரும் ஏமாற்றத்தை அளித்துள்ளது. ‘இந்த ஆண்டு மத்திய அரசு அறிவித்துள்ள விலையுடன் இதனைச் சேர்த்துக் கணக்கிட்டால் தமிழக விவசாயிகளுக்கு சன்ன ரகத்துக்கு குவிண்டாலுக்கு 1,520 ரூபாயும், சாதாரண ரகத்துக்கு குவிண்டாலுக்கு 1,460 ரூபாயும்தான் கொள்முதல் விலை கிடைக்கும். இது எங்களுக்கு கொஞ்சமும் கட்டுப்படியாகாது’ என கவலை தெரிவிக்கிறார்கள், விவசாயிகள்.

ஊக்கமளிக்காத ஊக்கத்தொகை... கொந்தளிக்கும் நெல் விவசாயிகள்!

இதுகுறித்து நம்மிடம் பேசிய தமிழ் மாநில காங்கிரஸ் விவசாய அணி தலைவர் புலியூர் நாகராஜன், “கடந்த ஆண்டைவிட இந்த ஆண்டு உற்பத்திச் செலவு 30 சதவிகிதம் அதிகரித்துள்ளது. உழவு, இடுபொருட்கள், நாற்று உற்பத்தி, நடவு, அறுவடை என அனைத்துச் செலவுகளுமே அதிகரித்துள்ளன. கடந்த ஆண்டு நெல்லுக்கான கொள்முதல் விலையாக 1,400 ரூபாய் வழங்கப்பட்டது. உற்பத்திச் செலவின் உயர்வுக்கு ஏற்ப இந்த ஆண்டு நெல்லுக்கு மத்திய அரசு 420 ரூபாய் கூடுதல் விலை அறிவித்திருக்க வேண்டும். ஆனால் கொஞ்சமும் மனசாட்சி இல்லாமல், வெறும் 50 ரூபாய் மட்டும் கூடுதல் விலையாக அறிவித்தது. போனது போகட்டும்... தமிழக அரசாவது தங்களுக்கு துணை நிற்கும் என விவசாயிகள் எதிர்பார்த்தார்கள், அதுவும் இல்லை என்றாகிவிட்டது.

ஒட்டுமொத்த விகடனுக்கும் ஒரே ஷார்ட்கட்!

ஒரு கிலோ நெல் உற்பத்திச் செய்ய 24 ரூபாய் 60 பைசா செலவாகிறது என தமிழ்நாடு வேளாண் பல்கலைக்கழகம் தெரிவிக்கிறது. ஒரு குவிண்டால் நெல்லுக்கு 2,460 ரூபாய் விலை கிடைத்தால்தான் செலவுக்கே சரியாக இருக்கும். ஆனால், தற்போது அறிவித்துள்ள விலை, எங்களுக்கு நஷ்டத்தைத்தான் ஏற்படுத்தும். குறிப்பாக, குத்தகை விவசாயிகளை இது பெரிதும் பாதிக்கும். ஏக்கருக்கு 10 ஆயிரம் ரூபாய் குத்தகை செலுத்தித்தான் நெல் சாகுபடி செய்கிறார்கள். அவர்கள் விவசாயத்தை விட்டே வெளியேறுவார்கள்’’என்றார்.

ஊக்கமளிக்காத ஊக்கத்தொகை... கொந்தளிக்கும் நெல் விவசாயிகள்!

தஞ்சை மாவட்ட காவிரி விவசாயிகள் பாதுகாப்பு சங்கத்தின் செயலாளர் சுவாமிமலை சுந்தரவிமலநாதன், “நெல்லுக்கு லாபகரமான விலை கேட்டு நாங்கள் 2009-ம் ஆண்டு டெல்லியில் நெல் கொட்டும் போராட்டம் நடத்தியபோது பாரதிய ஜனதா கட்சியும், அதிமுகவும் எங்களுக்கு ஆதரவாக துணை நின்றன. ஆனால், தற்போது இந்த இரண்டு கட்சிகளுமே நெல் விவசாயிகளின் நெஞ்சில் அடிக்கின்றன.

கர்நாடக அரசு இந்த ஆண்டு அங்குள்ள விவசாயிகளுக்கு 220 ரூபாய் ஊக்கத்தொகை அறிவித்துள்ளது. தமிழக சட்டமன்றத் தேர்தல் நெருங்கி வரும் சூழலில், இதற்கான போராட்டங்கள் தீவிரமடைந்தால், அ.தி.மு.க அரசு கண்டிப்பாக கூடுதல் விலை வழங்கும். முதல் கட்டப் போராட்டத்தைத் துவக்க நாங்கள் ஆயத்தமாகி வருகிறோம். குவிண்டாலுக்கு 2 ஆயிரம் ரூபாய் விலை வழங்க வேண்டும் என வலியுறுத்தி அனல் பறக்கும் போராட்டங்களை நடத்தப் போகிறோம்” என்றார்.

வேறென்ன செய்வது, காலம் முழுவதும் போராடியே தீரவேண்டும் என்றுதானே விவசாயிகளின் தலையில் இந்த ‘அரசியல்வியாதிகள்’ எழுதி வைத்திருக்கிறார்கள்!

கு.ராமகிருஷ்ணன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism